Stifting Pantera
De Stifting Pantera wie sûnt 1993 in rôfdiere- en reptileopfangsintrum yn Nijeberkeap.
De stifting hie it opfangsintrum yn Nijeberkeap en waard oprjochte troch Arno van der Valk nei't dy fernaam dat in soad jonge rôfdieren in spuit krigen as dy by it âlder mear romte nedich hiene en harren 'leave' uterlik ferlearen. It mission statement fan de stifting wie: 'In rôfdier ôfmeitsje dat hielendal sûn is allinnich fanwege romtegebrek, hjit gjin management-eutanasy, mar is brute moard.' De "grutte fiif" fan Pantera wiene tigers, liuwen, panters, poema's en jaguars
Brek oan jild en efterstannen yn it ûnderhâld fan de ferbliuwen droegen der oan by dat it opfangsintrum yn 2014 oernommen waard troch FELIDA, in organisaasje mei ûnderfining yn opfangsintra foar bisten. FELIDA is oansletten by de ynternasjonale organisaasje FOUR PAWS. In tal bisten ferhûze nei in eigen reservaat yn Súd-Afrika, sadat der mear romte kaam foar de efterbliuwers. De organisaasje ynvestearre ek yn ferbettering fan de ferbliuwen fan de bisten.