Besjoch de boarne foar Steven H.P. de Jong

{{Ynfoboks skriuwer
| ôfbylding                    =
| ôfbyldingstekst              = 
| ôfbyldingsbreedte            = 
| oar pseudonym                = 
| echte namme                  = Steven Hotse Pieter de Jong
| nasjonaliteit                = [[File:Flag of the Netherlands.svg|border|20px]] [[Nederlân]]sk
| berne                        = [[12 febrewaris]] [[1935]]
| berteplak                    = [[Ljouwert (stêd)|Ljouwert]] ([[Fryslân]])
| stoarn                       = [[31 augustus]] [[2018]]
| stjerplak                    = [[Burgum]] ([[Fryslân]])
| etnisiteit                   = [[File:Frisian flag.svg|border|20px]] [[Westerlauwerske Friezen|Frysk]]
| regionale identiteit         = 
| taal                         = [[Frysk]], [[Stedsk]]
| sjenre                       = [[literatuer|lit.]] [[roman]]s & [[koart ferhaal|koarte ferhalen]], <br> [[poëzij]]
| perioade                     = 2e helte [[20e iuw]]
| streaming                    = 
| tema's                       = 
| bekendste wurk(en)           = ''De Wuttelhaven Del''
| útjouwer                     = 
| prizen                       = [[Gysbert Japicxpriis]] 1992
| jierren aktyf                = [[1965]] – [[2011]]
| webside                      = 
}}
{{of|de skriuwer en dichter|de filmregisseur|Steven de Jong}}
'''Steven H.P. de Jong''' (folút: '''Steven Hotse Pieter de Jong'''; [[Ljouwert (stêd)|Ljouwert]], [[12 febrewaris]] [[1935]] – [[Burgum]], [[31 augustus]] [[2018]])<ref>{{Aut|Vries, Sietse de}}, ''Steven de Jong stoarn nei 50 jier literatuer'', yn: de ''[[Ljouwerter Krante]]'', 4 septimber 2018, s. 28.</ref> wie in [[Frysk]] [[skriuwer]] en [[dichter]], dy’t in grut [[oeuvre]] op syn namme hie, mar foaral bekend wurden is troch de [[roman]] ''De Wuttelhaven Del'', dêr’t er yn [[1992]] de [[Gysbert Japicxpriis]] mei wûn. Behalven yn it [[Frysk]] skreau er ek yn it [[Stedsk]], en dêropta sette er [[Nederlânsk]]talich wurk oer nei it Frysk. De Jong wenne in skoft yn [[Gytsjerk]] en ferfear yn [[2008]] nei [[Burgum]].

== Libben ==
Steven Hotse Pieter de Jong waard yn [[1935]] [[berne]] yn [[Ljouwert (stêd)|Ljouwert]]. Nei syn [[ûnderwizer]]soplieding oan de [[kristlik]]e [[kweekskoalle]] [[Mariënburch]] yn Ljouwert stie er in jiermannich yn [[Surhuzum]] oan 'e [[legere skoalle]]. De Jong makke him it Frysk eigen op de kweekskoalle, want thús waard nammens [[Nederlânsk]] en [[Ljouwertersk]] praat. Hy fûn it Frysk in moaie [[taal]] en woe him dat oanleare; dêr folge er sels noch lessen foar fan [[Eeltsje Boates Folkertsma]].

Yn [[1964]] begûn De Jong mei syn [[stúdzje]] [[Nederlânske taal- en letterkunde]] yn [[Grins (stêd)|Grins]]. Dêrnei wie er skoft lang ferbûn mei [[Kristlike Skoallemienskip Lienward Kolleezje]] yn Ljouwert. As [[dichter]] [[debutearre]] De Jong yn it eksperimintele [[tydskrift]] ''[[Quatrebras (tydskrift)|Quatrebras]]'', dêr't er letter [[redakteur]] fan wurde soe.

Ein [[1960-er jierren|sechstiger jierren]], doe't de jongere [[skriuwer]]s [[rebûlje]] makken mei harren âldere [[kollega's]], wie er warber foar ûnderskate [[Frysk]]talige tydskriften. Earst as lid fan de [[redaksje]] dy't yn [[1968]] it lêste nûmer fan ''[[De Tsjerne (tydskrift)|De Tsjerne]]'' makke, en dêrnei as redakteur fan it nije tydskrift ''[[Trotwaer]]''. Dêr siet er fan [[1968]] oant [[1970]] yn de redaksje. Syn bydrage oan de [[Fryske literatuer]] bestie earst fral út [[poëzij]], dêrneist skreau er ek in stikmannich [[resinsje|kritiken]] foar ''Quatrebras''.

Tusken [[1965]] en [[1988]] ferskynden der fiif fersebondels fan syn hân. Yn [[1980]] brocht er ''De Maagd fan Babylon'' út, dêr't neist fersen ek [[koart ferhaal|ferhalen]] yn stiene. De Jong publisearre syn earste roman yn [[1989]], ''De Wuttelhaven Del''. Foar dy roman waard him yn [[1992]] de [[Gysbert Japicxpriis]] takend. De roman ''Groetenis fan Prakash'' ferskynde as [[Frysk Boekewikegeskink]] fan [[2005]]. In jier letter ferskynde it boekje ''Neam my mar Willem'' dat in bewurking wie fan 'e wrâldferneamde [[fabel]] ''[[Van den Vos Reynaerde]]''. It ferhaal wurdt ferteld troch in [[mearke]]ferteller oan de bewenners fan it Fryske doarp Gatzerka (Geatsjerk, tsjintwurdich [[Gytsjerk]]), dy't dêr typysk Frysk op reagearje. Yn [[2011]] waard de mânske bondel ''En de inket sil útrinne'' publisearre dêr't neist earder publisearre wurk út De Jong syn seis dichtbondels, allyksa poëzij opnommen wie dy't net earder ferskynd wie.

De Jong kaam yn [[2018]] thús yn [[Burgum]] te [[ferstjerren]], yn 'e [[âlderdom]] fan 83 jier.

== Wurk ==
;Romans:
* 1989 – ''De Wuttelhaven del''
* 1999 – ''In spylman op it binnenpaad''
* 2001 – ''Swarte egen: in ferhaal út [[Earnewâld]] om 1730 hinne''
* 2005 – ''Groetenis fan Prakash: in reis troch [[Brazylje]] yn it jier 1992 
* 2006 – ''Neam my mar Willem''

;Ferhalebondel:
* 1980 – ''De maagd fan Babylon'' (mei fersen)

;Dichtwurk:
* 1965 – ''Wankend stomp''
* 1971 – ''Missing link''
* 1975 – ''Popkes tekenje'' (omslach en oare yllustraasjes fan [[Hans van der Horst]])
* 1983 – ''20 lytse românsen''
* 1988 – ''Salto mortale''
* 1995 – ''Gedichten om’e Aldehou''
* 2011 – ''En de inket sil útrinne - 50 jier poëzij'' 

;Oersetting:
* 1998 – Jan Pitersoan Koen: toanielstik yn alve tafrielen (út it Hollânsk nei [[J.J. Slauerhoff]])

== Prizen ==
* 1992: [[Gysbert Japicxpriis]] foar de roman ''De Wuttelhaven del''

{{boarnen|boarnefernijing=
<references/>
----
* [http://www.sirkwy.nl/titel/135 Skriuwersynformaasje by Sirkwy]
* {{Aut|Klaes Dykstra}} - ''Lyts hânboek fan de Fryske literatuer'', s.131 (1977)
* {{Aut|Frits van der Kuip}} - ''Tekst en útlis'' (1985)
* ''Spesjale útjefte fan de KU, oer Steven de Jong, de Gysbert Japicx priis'' (1992)
* {{EvhhF|Jong, Sibe Sipke Dszn de}}
}}

{{DEFAULTSORT:Jong, Steven H.P. de}}
[[Kategory:Frysk ûnderwizer]]
[[Kategory:Frysk tydskriftredakteur]]
[[Kategory:Skriuwer yn it Frysk]]
[[Kategory:Skriuwer yn it Stedsk]]
[[Kategory:Frysk romanskriuwer]]
[[Kategory:Frysk koarte-ferhaleskriuwer]]
[[Kategory:Frysk dichter]]
[[Kategory:Frysk oersetter]]
[[Kategory:Oersetter nei it Frysk]]
[[Kategory:Persoan berne yn Ljouwert]]
[[Kategory:Persoan berne yn 1935]]
[[Kategory:Persoan stoarn yn Burgum]]
[[Kategory:Persoan stoarn yn 2018]]