Spoar fan Ljouwert nei Harns

Ut Wikipedy
(Trochferwiisd fan Spoar fan Harns nei Ljouwert)

It Spoar fan Ljouwert nei Harns ferbynt de stêd Ljouwert mei Harns. It spoar bestiet sûnt 27 oktober 1863. It spoar wie yn it ferline ûnderdiel fan de steatsline B, dy't rûn fan Harns oant Nijeskâns. It spoar Ljouwert-Harns hat in lingte fan 26 kilometer. De trein stoppet op de stasjons fan Ljouwert - Deinum - Dronryp - Frjentsjer - Harns en Harnzer Haven.

It spoar is net elektrifisearre, it is inkelspoarich en is befeilige mei ATB-NG en TPRB (Ter Plaatse bediend RelaisBlokstelsel). Dy befeiliging wurdt betsjinne troch de masinist. It spoar ferbynt in tal plakken yn Noardwest Fryslân mei Ljouwert. In soad reizgers geane fanút de Harnzer Haven mei de boat nei de Waadeilannen. Op de line is beheind frachtferfier. De ferbining Ljouwert-Harns is in desintrale spoarferbining. Dat wol sizze dat de line ûnder ferantwurdlikheid 'light' falt fan de lokale oerheid (Provinsje Fryslân). Arriva exploitearret it reizgersferfier en brûkt dêrfoar sûnt 2007 it treintmaterieel GTW (Spurt).

Stasjons en gebouwen[bewurkje seksje | boarne bewurkje]

Stasjon Iepene hjoeddeistich gebou
Ljouwert 1863 1863, SS, 1e gebou, type SS tredde klasse inkelde kearen yngreven ferboud
Deinum 1863 1973, NS, 2e gebou, abri
Dronryp 1863 Gjin, 2e gebou sloopt yn 1995, by iepening type SS fiifde klasse
Frjentsjer 1863 1973, NS, 2e gebou, abri, bij iepening type SS fjirde klasse
Harns 1863 1863, SS, 1e gebou, type SS tredde klasse
Harns Haven 1863 gjin, geboutsje sloopt yn 2009

Boarnen, noaten en referinsjes[boarne bewurkje]

Boarnen, noaten en/as referinsjes: