Sint Steffensdei

Ut Wikipedy
Gean nei: navigaasje, sykje

Sint Steffensdei is de 'twadde krystdei, op 26 desimber. It is de dei nei de Kryst op 25 desimber.

Yn Nederlân jildt ek dizze twadde krystdei as in feestdei. Dat jildt ek foar de measte oare Jeropeeske lannen en ek foar de lannen fan it Britske Steatebûn. Mar yn bygelyks de Feriene Steaten, Súd-Afrika en in soad oare lannen wurdt gjin twadde krystdei hâlden.

Yn Grut-Brittanje en de Steatebûn hjit Sint Steffensdei Saint Stephen's Day, mar ek Boxing Day. In ferklearing foar de lêste namme is dat op dy dei faaks de krystkiste (box) iepene waard. Yn de krystkiste koenen minsken in kado foar de earmen stopje. Ek waarden op Boxing Day de tradisjonele foksejachten hâlden. No is de dei wichtich foar oare sporten as fuotbal en hynsterezen. Der is lykwols in lyts ferskil yn betsjutting tusken de twa nammen: Saint Stephen's Day is 26 desimber, en Boxing Day is in dei nei Kryst. Yn guon gefallen mei dy dei gjin Snein wêze, dat dan kin it ek 27 Desimber wurde.

Yn Nederlân wurdt de twadde krystdei faak brûkt om wat te dwaan mei de neisten, bygelyks op besite by fierdere famylje, besyk oan in krystmerke of kuierje.