Sibe van Aangium

Ut Wikipedy
Jump to navigation Jump to search
Sibe van Aangium
Livro preto.svg skriuwer
Hendrik Steen
Hendrik Steen
persoanlike bysûnderheden
echte namme Hendrik Steen
nasjonaliteit flagge fan Nederlân Nederlânsk
berne 21 novimber 1895
berteplak Eanjum
stoarn 12 septimber 1953
stjerplak Haren
wurk
taal Nederlânsk
sjenre Jeugdboek
streaming Kristlik-moralistysk
bekendste
  wurk(en)
Hotse Hiddes-trilogy
Smokkelaars van de Schans-trilogy

Sibe van Aangium (Eanjum, 21 novimber 1895 - Haren, 12 septimber 1953) wie de skriuwersnamme fan dû. Hendrik Steen.

Libben[bewurkje seksje | boarne bewurkje]

Steen studearre teology oan de Teologyske Universiteit yn Kampen en oan de Frije Universiteit yn Amsterdam, en promovearre yn 1937 oan de universiteit fan Münster mei it proefskrift Das Leib-Seele-Problem in der Philosophie Hollands. Hy stie as grifformeard dûmny yn Sâltkamp (1922 - 1926), De Helder (1926 - 1928) en Andyk (1928-1942), yn 1951 gie er mei emeritaat. Skiednis hie er in protte nocht en niget oan. Yn 1931 waard syn Uit fel bewogen dagen. Geschiedenis van de Doleantie in Anjum publisearre.

Hy hat ferskate teologyske wurken publisearre, mar lanlik wie er bekend as Sibe van Aangium, skriuwer fan aventoereboeken foar de jongerein. De haadfigueren yn syn ferhalen kamen fan Eanjum en omkriten en belibben harren aventoeren yn historysk wichtige perioaden as de Tachtichjierrige oarloch, Frânske tiid, Belgyske Opstân en Twadde Wrâldoarloch. It bekendst binne de Hotse Hiddes-trilogy, de Smokkelaars van de Schans-trilogy en de Zwarte Mus-trilogy, dy't hieltyd noch lêzen wurde. It fúljeton Sjouk van Holdinge ferskynde yn it Frysk Deiblêd en is as ienichste foar folwoeksenen skreaun.

Syn wurk is kristlik-moralistysk fan karakter: de striid tusken goed en kwea, leafde foar jins neisten, fermoedsoenjend foar jins fijânnen oer, it binne de tema's fan al syn boeken.

Keppeling om utens[bewurkje seksje | boarne bewurkje]