Sekarja fan Israel

Sekarja fan Israel
Sekarja, kening fan Israel
Persoanlike gegevens
alternative nammen	Sacharía
berteplak	net neamd yn 'e Bibel
stjerplak	fermoarde yn Samaria (2 Ken. 15:10)
leeftyd	net neamd yn 'e Bibel
folk	Israëlysk
Famylje
heit	Jerobeäm II fan Israel (2 Ken. 15:8)
mem	net neamd yn 'e Bibel
partner(s)	net neamd yn 'e Bibel
bern	net neamd yn 'e Bibel
Bibelske rol
titel / funksje	kening fan Israel
perioade	746 f.Kr. - 752 f.Kr.
bekend fan	koartste regear; ein fan it Hûs fan Jehû
neamd yn	2 Keningen 14:29; 2 Keningen 15:8–12
religieuze tradysje	joadedom; kristendom

Sekarja (Hebriuwsk: זכריהו) folge syn heit Jerobeäm II op as kening fan Israel.

Syn regear yn Samaria moat earne tusken de jierren 746 en 752 foar Kristus datearre wurde en duorre mar seis moannen. Sekarja feroare neat oan it religieuze belied dat kening Jerobeäm I yntrodusearre hie, nammentlik de oanbidding fan oare goaden dan de God fan Israel.

Tsjin Sekarja waard troch Sjallûm, in soan fan in sekere Jabesj, gearspand en dy deade de kening yn it fermidden fan in soad folk. Dêrnei liet Sjallûm himsels ta kening kroane, mar it regear fan de nije kening soe noch koarter duorje dan it regear fan syn foargonger Sekarja.

Mei de moard op Sekarja kaam in ein oan de dynasty fan it hûs fan Jehû. Hjirmei waard neffens de Skrift de profesije oan Jehû ferfolle dat syn soannen oant if fjirde geslacht hearskje soene oer Israel.

Boarnen, noaten en/as referinsjes: