Santa Maria (Rivotorto)
| Marijetsjerke | ||
| ||
| ||
| Lokaasje | ||
| lân |  Itaalje
| |
| plak | Assisi | |
| koördinaten | 43°2'N 12°36'E | |
| Tsjerklike gegevens | ||
| tsjerkegenoatskip | Roomsk-Katolike Tsjerke | |
| bisdom | Assisi-Nocera Umbra-Gualdo Tadino | |
| patroanhillige | Marije | |
| Arsjitektuer | ||
| boujier | 1860-1880 | |
| boustyl | neogotyk | |
| Webside | ||
| santuariorivotortoassisi.org | ||
| Kaart | ||
  | ||
De Marijetsjerke fan Rivotorto (ek: Santa Maria, Santuario di Rivotorto of Santuario del Sacro Tugurio di Rivotorto) is in roomske parochy- en beafearttsjerke yn Rivotorto by Assisi yn Itaalje. Yn 'e tsjerke is de Sacro Tugurio, it earste wenplak fan 'e bruorskip om Fransiskus fan Assisi hinne, De tsjerke heart sûnt it jier 2000 ta it UNESCO-wrâlderfgoed 'Assisi, de Sint-Fransiskusbasilyk en oare Fransiskaanske plakken'. De Marijetsjerke is ek de parochytsjerke fan Rivotorto en Capodacqua. Sûnt 2005 falt de tsjerke ûnder it bisdom Assisi-Nocera Umbra-Gualdo Tadino en net mear ûnder de Fransiskaanske oarder.
Lokaasje
[bewurkje seksje | boarne bewurkje]It oan Marije wijde tsjerkegebou stiet súdeastlik fan Assisi (Via della Regola 2). Oan 'e tsjerke grinzget it Fransiskaanske kleaster.
Skiednis
[bewurkje seksje | boarne bewurkje]
Fransiskus fan Assisi libbe om 1208 mei syn gesellen earst yn in brekfallige hut yn Rivotorto foar dat se nei Portiuncula ferhûzen. Yn dy tiid wie de omjouwing noch rûch en isolearre. Ek it opstellen fan 'e earste regel fan 'e Fransiskaanske oarder en de befêstiging dêrfan troch paus Innosintius III is neffens de oerlevering ferbûn mei de tiid doe't de bruorren yn Rivotorto omsloegen. Dêrom wurdt sûnt 1945 alle jierren op 'e earste snein nei Peaske it feest fan 'e oarderregel fierd.
Nei't Fransiskus mei syn minderbruorren nei Portiuncula ferhûzen, bleaune hearremiten noch in pear iuwen gebrûk meitsjen fan 'e hut. Sûnt 1455 waard it tastien om de missen yn in kapel te fieren. De bou fan in gruttere tsjerke fûn yn 'e iere 17e iuw boud, dy't yn 1854 troch in ierdskodding ferneatige waard. Tusken 1860 en 1880 waard in neogoatysk tsjerkegebou mei klokketoer boud. De Hillige Hut waard yn'e tsjerke rekonstruearre en yn 1926 yn 'e oarspronklike ienfâld werom brocht.
Ynterieur
[bewurkje seksje | boarne bewurkje]Boppe de tagong stiet it ynskrift Hic primordia Fratrum minorum ('Hjir wie it begjin fan 'e Fransiskaanske oarder). Boppe yn 'e gevel is in foarstelling fan it fisioen oer de fjoerwein, lykas dat yn 'e Legenda Maior (IV, 4) fan Bonaventura beskreaun wurdt. Yn 'e tsjerke hingje 12 skilderijen fan Cesare Sermei (1581–1668) mei foarstellingen út de begjintiid fan 'e minderbruorren yn Rivotorto. Der wiene oarspronklik sechtjin, mar fjouwer binne by de ierdskodding ferlern gien.
| Boarnen, noaten en/as referinsjes: | ||
|
Dizze side is alhiel of foar in part in oersetting fan 'e Ingelsk- en Dútsktalige Wikipedyside; sjoch: en:Rocca Maggiore en de:Rocca Maggiore
|
