Protestantske tsjerke fan De Harkema

Ut Wikipedy
Springe nei navigaasje Springe nei sykjen
Protestantske tsjerke
De Harkema, PKN-tsjerke.jpg
lokaasje
lân Flag of the Netherlands.svg Nederlân
provinsje Frisian flag.svg Fryslân
gemeente Coat of arms of Achtkarspelen.jpg Achtkarspelen
plak Harkema wapen.svg De Harkema
adres Warmoltsstrjitte 113
bysûnderheden
type bouwurk Tsjerke
boujier 1928
webside PKN gemeente De Harkema

De Protestantske tsjerke oan de Warmoltsstrjitte is de eardere herfoarme tsjerke en tsjintwurdich it tsjerkegebou fan de PKN gemeente fan De Harkema.

Stifting gemeente[bewurkje seksje | boarne bewurkje]

De gemeente waard yn 1928 oprjochte as "grifformearde gemeente yn hersteld ferbân" nei't in diel fan de grifformearde gemeente him ôfsnije liet fanwegen de skorsing fan dûmny Van Leeuwen. Van Leeuwen hie him earder yn de saak Geelkerken aktyf oan de side fan de Amsterdamske dûmny opsteld. Dat brocht de dûmny yn konflikt mei de tsjerkeried, dy't ien sile luts mei de grifformearde synoade.

Tsjerkegebou[bewurkje seksje | boarne bewurkje]

Gevelstien

No hiene de grifformearden gjin dûmny mear mar wol in gebou, wylst de ôfsplitste gemeente al in dûmny, mar gjin gebou hie. Ynearsten koe de gemeente gebrûk meitsje fan in skuorre, dy't letter kocht waard en dêr't foar 200 minsken plak wie. Op 25 novimber 1927 holden de "hokkelingen", sa't de leden fan de ôfsplitste gemeente gekoanstekkend neamd waarden, foar it earst in tsjinst yn de skuorre. Noch gjin heal jier letter waard der in lape heide oankocht foar de bou fan in echte tsjerke. De earstestienlizzing foar de nijbou fûn plak op 10 july 1928 en fjouwer moanne letter waard op 8 novimber de tsjerke yn gebrûk nommen. By de iepening wie ek Geelkerken sels oanwêzich, dy't yn it ramt fan de gelegeheid in taspraak hold.

Herfoarme gemeente[bewurkje seksje | boarne bewurkje]

Op 15 maaie 1946 waarden de Grifformearde Tsjerken yn Hersteld Ferbân gearfoege mei de Nederlânsk Herfoarme Tsjerke en dus moast der earst in herfoarme gemeente yn De Harkema ynsteld wurde. Yn De Harkema woene net alle hûshâldings oergean nei de Nederlânsk Herfoarme Tsjerke en de measten dêrfan sochten in nij hinnekommen by de kristlik-grifformearde gemeente fan Droegeham.

Yn 1996 fierde de herfoarme gemeente fan De Harkema it fyftich jierrich bestean.

PKN-gemeente[bewurkje seksje | boarne bewurkje]

Yn 2004 fúzjearre de herfoarme gemeente fan De Harkema mei de Protestanstke Tsjerke yn Nederlân.

Boarnen, noaten en referinsjes[boarne bewurkje]

Boarnen, noaten en/as referinsjes: