Pieter Helder
Pieter Helder (Ealsum, 1811 - dêre, 13 july 1883) wie in houthanneler en provinsjaal politikus.
Biografy
[bewurkje seksje | boarne bewurkje]Pieter wie in soan fan Hermannus Helder († 1859) [1] en Grietje Harmens Binnema. Hy troude yn septimber 1834 mei Grietje Johannes van der Meulen (Drachten, 1814 - Ealsum, 1900). It pear krige 8 of 9 bern, dêr't twa fan yn de âldens fan 10 moannen stoaren[2]. Hendrik Helder Pzn wie in soan fan harren.
Yn 1866 wurdt it fennoatskip Pieter Helder oprjochte; mei J. Helder hat er de houtseachmûne 'Eben Haëzer', in "panfabriek" en hannelt er yn "verdere bouwmaterialen" [3]. Yn 1883 waard de mûne oerdien oan J. van de Wint, dy't him yn 1927 ôfbrekke liet.[4]
Helder wie in warber man foar de mienskip. Sa wie er lid fan de gritenijried fan East-Dongeradiel, assessor (wethâlder) fan dy ried, letter wethâlder fan de gemeente Eastdongeradiel, bestjoerslid fan de kiesferiening Oost Dongeradeel[5], lid fan Provinsjale Steaten fan Fryslân, meifoarsitter fan de Keamer fan Keaphannel yn Dokkum en oanswettende gemeenten en presidint fan it bestjoer fan de Sparbank te Dokkum.
Teffens wie er lid fan it Dokkumer lêsselskip "Ledige Uren Nuttig Besteed"[6]
Yn 1883 komt er te ferstjerren yn de âldens fan 72 jier.
| Boarnen, noaten en/as referinsjes: |