Piet Keizer (reedrider)

Ut Wikipedy
Gean nei: navigaasje, sykje
Alvestêdetocht 1940, winners: f.l.n.r.: Auke Adema, Sjouke Westra, Cor Jongert, Dirk van der Duim en Piet Keyzer
Pieter Keizer & Kees Broekman
Monumint yn De Lier

Pieter Keizer (De Lier, 18 augustus 1918Leersum, 20 july 2008) wie in Nederlânske reedrider. Hy wûn de 6e Alvestêdetocht op 30 jannewaris 1940. Dizze oerwinning moat hy wol diele mei Auke Adema, Dirk van der Duim, Cor Jongert en Sjouke Westra, omdat dizze fiif tegearre oer de einline kamen. De reedriders hienen by Dokkum ôfsprutsen tegearre oer de streep te kommen. Dizze ôfspraak soe úteinlik ferneamd wurde as ‘It pakt fan Dokkum’.

Letter waard de mooglikheid om mei-inoar de oerwinning fan de Alvestêdetocht te dielen ferbean. Hjirtroch waard op 14 febrewaris 1956 gjin winner oanwiisd. By dy Alvestêdetocht wiene der ek fiif manlju dy’t tagelyk einigen. Se waarden letter út de útslach helle en der waard gjin nije winner oanwiisd.

Resultaten[bewurkje seksje | boarne bewurkje]

Jier NK Oer Alles
1946 Goud