Paulus- en Petruskatedraal (Kazan)
| Paulus- en Petruskatedraal
Петропавловский собор | ||
| ||
.jpg)
| ||
| Lokaasje | ||
| lân |  Ruslân
| |
| republyk |  Tatarstan
| |
| plak |  Kazan
| |
| adres | Ul. Мûsi Dzjalilija, 21 | |
| koördinaten | 55° 47' N 49° 06' E | |
| Arsjitektuer | ||
| boujier | 1723-1726 | |
| boustyl | barok | |
| monumintale status | Federaal monumint | |
| monumintnûmer | 161520330810006 | |
| Webside | ||
| tatmitropolia.ru | ||
| Kaart | ||
  | ||
De Petrus en Pauluskatedraal (Russysk: Петропавловский собор) is in russysk-otterdokse katedraal yn 'e Russyske stêd Kazan.
Skiednis
[bewurkje seksje | boarne bewurkje]De tsjerke waard op kosten fan 'e rike eigner fan in lekkenfabryk, Ivan Afanasievitsj Michljaev, boud. Tsaar Peter I besocht by syn fjildtocht tsjin Perzje foar de tredde kear Kazan en útfanhuze doe yn it stiennen hûs fan 'e keapman, dat njonken de âlde houten katedraal stie. Ta neitins dêr oan joech de keapman yn 1723 opdracht om de houten Petrus- en Paulustsjerke ôf te brekken en in nije stiennen katedraal te bouwen yn 'e styl fan de saneamde Narysjkin-barok.
De gong fan 'e bou siet der goed yn en al yn 1726 koe de tsjerke ynwijd wurde. Yn itselde jier waard ek de frijsteande klokketoer foltôge. Under de toer waard in grêfkelder foar de famylje Michljaev oanlein, dêr't yn 1728 de keapman sels yn begroeven waard.
De katedraal oerlibbe in grut tal brannen (1742, 1749, 1774, 1815 en 1842) mar waard jimmeroan wer restaurearre.
Tsjin 'e ein fan 'e 19e iuw rekke de katedraal brekfallich en ek de toer begûn te fersakjen. Under lieding fan 'e arsjitekt Michael Nilovitsj Litvinov moast dêrom yn 'e jierren 1888-1890 in grutte restauraasje útfierd wurde. Dêrby waard de katedraal safolle mooglik yn 'e oarspronklike steat werombrocht. Mei help fan âlde tekenings waarden lettere feroarings ferwidere en net mear besteande eleminten wer oanfolle.
Sovjet-tiid
[bewurkje seksje | boarne bewurkje]De katedraal bleau yn 'e Sovjet-tiid noch iepen oant 1939. Nei it sluten foar de earetsjinst bleau de tsjerke in monumint, dy't beskerming fan 'e oerheid hie. Sûnt de jierren 1950 wie der in planetarium yn 'e katedraal ûnderbrocht.
Weriepening
[bewurkje seksje | boarne bewurkje]Yn 1989 waard de ferfallen katedraal nei mienskiplike aksjes fan 'e otterdokse mienskip en de Kazaner intelligintia, fral ek troch de haadredakteur fan 'e meast ynfloedrike stedskrante fan Kazan, oan 'e Russysk-Otterdokse Tsjerke werom jûn. Mear as in heale iuw hie de katedraal sletten west foar de earetsjinst, mar de sân ferdjippings hege ikonostaze út 1723-1726 (nei de brân fan 1815 restaurearre) is al dy tiid bewarre bleaun. De katedraal waard nei de weromjefte restaurearre en yn 'e âlde gloarje werom brocht.
| Boarnen, noaten en/as referinsjes: | ||
|
Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: ru:Петропавловский собор (Казань)
|
