Oud-Sabbinge

Oud-Sabbinge
Hûs te Sabbinge
Bestjoer
Lân	Nederlân
Provinsje	Seelân
Gemeente	Goes
Sifers
Ynwennertal	274 (2026)
Oerflak	0,23 km²
Hichte	0 m
Oar
Postkoade	4471
Netnûmer	0113
Kaart

Oud-Sabbinge is in doarpke yn 'e gemeente Goes, yn 'e Nederlânske provinsje Seelân. Oud-Sabbinge hat 274 ynwenners (2010).

Skiednis

De namme Sabbinge wurdt foar it earst fermeld yn 1206 of 1208 yn in oarkonde. De Oud-Sabbingepolder is it iennichste diel fan it eardere eilân Wolphaartsdijk dat sûnt it jier 1000 kontinu bewenne is. Oare doarpen op it eilân, lykas Hongersdijk en Westkerke, binne troch wettersneed yn see ferdwûn. Sabbinge wie lang it wichtichste doarp en hie de 'memmetsjerke' fan it eilân. Yn 1572 ferwoasten de geuzen de tsjerke om te foarkommen dat de Spanjerts (dy't Goes besetten) it eilân yn hannen krije soene; hjirtroch degradearre it doarp ta in buorskip.

Tsjerke fan Oud-Sabbinge.

Yn 1806 waarden de resten fan 'e tsjerke ôfbrutsen. Op datselde plak waard yn 1872 in iepenbiere legere skoalle boud. By de wettersneed fan 1953 bleau Oud-Sabbinge sparre, al stie de polder fol wetter. Nei de Twadde Wrâldkriich ferdwûn de pleatslike middenstân troch de opkomst fan 'e auto. Yn 'e jierren 1970 wie in grut part fan 'e huzen fakânsjewenning, mar troch belied waard it wer in libbene wenkearn. Fanwegen it ûntbrekken fan nijbou hat Oud-Sabbinge syn autentike karakter behâlden.

Kastiel

Yn Oud-Sabbinge stiet it 'Hooge Huijs' (of Hûs te Sabbinge), boud om 1250 hinne, wierskynlik yn opdracht fan Wolfert fan Borssele. It wie de residinsje fan 'e hearen fan Sabbinge. Nei't in jonkfrou fan Sabbinge troude mei de ambachtshear fan Oostkerke, rekke it slot yn ûnbrûk en waard it in hearepleats. Om 1960 hinne is it gebou yngreven restaurearre yn 'e (foar in part fantasearre) midsiuwske styl.

Namme en wapen

Der binne trije teoryen oer de namme: in ferwizing nei in eardere hear (Saxbald), in ferwizing nei in boat ('sabb') en in wetterke ('inge'), of in ferwizing nei sompich lân ('sabbig'). Sabbingers neame harren wenplak sels 't Ouweland.

It wapen fan Oud-Sabbinge (trije weagjende blauwe banen op in sulverwyt fjild) stie model foar in soad oare Seelânske doarpswapens, ynklusyf dat fan 'e provinsje Seelân, wat it belang fan it doarp yn de Seelânske skiednis ûnderstreket.

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Oud-Sabbinge fan Wikimedia Commons.