Besjoch de boarne foar Oscar foar Bêste Ynternasjonale Film

{{Priis
| ôfbylding          = 
| ôfbyldingstekst    = 
| ôfbyldingsbreedte  = 
| namme              = <span style="color:white;"> Oscar foar Bêste Ynternasjonale Film</span>
| histoaryske namme  = 
| nasjonaliteit      = [[Ofbyld:Flag of the United States.svg|border|20px]] [[Feriene Steaten|Amerikaansk]]
| útrikt foar        = bêste bûtenlânske <br />&nbsp;&nbsp;&nbsp;net-[[Ingelsk]]talige [[langspylfilm]]
| útrikt troch       = [[Academy of Motion Pictures Arts and Sciences|Academy of Motion Pictures<br />&nbsp;&nbsp;&nbsp;Arts and Sciences]] (AMPAS)
| frekwinsje         = 1x yn it [[jier]]
| datum              = [[febrewaris]] / [[maart]]
| plak               = [[Hollywood]] ([[Los Angeles]])
| ynsteld            = [[1956]]
| 1e útrikking       = [[1957]]
| opheft             = 
| webside            = [http://oscars.org/ oscars.org]
}}
De '''Oscar foar Bêste Ynternasjonale Film''', eins de '''Academy Award foar Bêste Ynternasjonale Film''' ([[Ingelsk]]: ''Academy Award for Best International Feature Film''), foarhinne bekend as de '''Oscar foar Bêste Film yn in Bûtenlânske Taal''' en ek wol de '''Oscar foar Bêste Bûtenlânske Film''' neamd, is in [[Feriene Steaten|Amerikaanske]] [[priis (ûnderskieding)|priis]] op it mêd fan [[film]]s, dy't elts [[jier]] ein [[febrewaris]] of begjin [[maart]] útrikt wurdt foar films fan it foargeande jier. Inkeld net-[[Ingelsk]]talige [[langspylfilm]]s fan bûten de [[Feriene Steaten]] komme foar dizze priis yn oanmerking. It is ien fan 'e [[Oscar]]s of Academy Awards, en it wurdt beskôge as ien fan 'e wichtichste en meast prestizjeuze filmprizen fan 'e wrâld. De Oscar foar Bêste Ynternasjonale Film wurdt útrikt troch de [[Academy of Motion Pictures Arts and Sciences]] (AMPAS) by in tige formeel oanklaaide útrikkingsseremoanje yn it [[Dolby Theatre]] yn [[Hollywood]], de [[wyk]] fan [[Los Angeles]] dêr't de [[Feriene Steaten|Amerikaanske]] [[filmyndustry]] konsintrearre is.

==Namme==
De Oscar foar Bêste Ynternasjonale Film hiet fan [[1956]] oant [[2019]] de Oscar foar Bêste Film yn in Bûtenlânske Taal, of eins de Academy Award foar Bêste Film yn in Bûtenlânske Taal ([[Ingelsk]]: ''Academy Award for Best Foreign Language Film''). Yn 'e folksmûle waard (en wurdt) lykwols altyd sprutsen oer de Oscar foar Bêste Bûtenlânske Film (Ingelsk: ''Oscar for Best Foreign Film'').

==Skiednis==
Doe't de earste [[Oscars]] yn [[1929]] útrikt waarden, wie der gjin inkele [[priis (ûnderskieding)|priis]] foar [[film]]s fan bûten de [[Feriene Steaten]]. Nei de [[Twadde Wrâldoarloch]] krewearre de fan oarsprong [[Denemark|Deenske]] [[akteur]] [[Jean Hersholt]], dy't doedestiden yn it [[bestjoer]] fan 'e [[Academy of Motion Pictures Arts and Sciences]] (AMPAS) siet, foar de ynstelling fan in priis foar bûtenlânske films, om't dat neffens him helpe soe om nauwere bannen te smeien en bettere gearwurking te krijen tusken Amerikaanske en bûtenlânske filmmakkers. Tusken [[1947]] en [[1956]] waard acht kear op ûngeregelde basis oan in bûtenlânske film in Oscar takend, mar dat wiene spesjale prizen foar útsûnderlike produksjes, en der wie gjin [[wedstryd]]elemint yn behelle om't der gjin nominaasjes foar wiene. 

Yn [[1956]] waard der in reguliere kategory ynsteld foar bûtenlânske, net-Ingelsktalige [[langspylfilm]]s, wêrfoar't de earste priis by de útrikkingsseremoanje fan [[1957]] takend waard oan 'e [[Itaalje|Italjaanske]] [[dramafilm]] ''[[La Strada]]'', fan [[regisseur]] [[Federico Fellini]]. Dy priis kaam Academy Award for Bêste Film yn in Bûtenlânske Taal te hjitten, in namme dy't er 63 jier lang behold. Op in [[gearkomste]] fan it bestjoer fan 'e AMPAS yn [[april]] [[2019]] waard lykwols besletten om him om te neamen ta Academy Award foar Bêste Ynternasjonale Film. It waard nammentlik ornearre dat de term 'bûtenlânsk' (''foreign'') yn 'e mondiale [[filmyndustry]] "net mear fan dizze tiid" wie. De nije namme soe de kategory "better fertsjintwurdigje" en teffens in "posityf en ynklusyf byld fan it meitsjen fan films" jaan.

==Betingsten foar gadingmakkers==
Oars as by oare kategoryen fan 'e [[Oscars]] it gefal is, hoege gadingmakkers foar de Oscar foar Bêste Ynternasjonale Film net yn [[bioskopen]] yn 'e [[Feriene Steaten]] draaid te hawwen om meitingje te meien. Betingsten dêr't wól oan foldien wurde moat, binne:
* De films moatte útbrocht wêze yn it [[list fan lannen en territoaria|lân]] dat harren yntsjinnet en dêr teminsten sân [[dagen]] efterinoar yn in [[kommersje]]le [[bioskoop]] draaid hawwe.
* De films moatte útbrocht wêze yn 'e perioade dy't dêrfoar troch de AMPAS oantsjut is. Foar de oare kategoryen is dat frijwol altyd it foargeande kalinderjier fan [[1&nbsp;jannewaris]] oant en mei [[31&nbsp;desimber]]. Foar de ynternasjonale-filmkategory jilde op dit mêd faak oanpaste betingsten, hoewol't dat per jier ferskilt. Foar de útrikking fan [[2008]] gou bygelyks in [[deadline]] foar publikaasje fan [[30&nbsp;septimber]] [[2007]], wylst foar films yn alle oare kategoryen de deadline 'gewoan' [[31&nbsp;desimber]] [[2007]] wie.
* De [[dialooch]] moat (fierhinne) yn in oare taal as it [[Ingelsk]] wêze. Films mei tefolle Ingelsk deryn wurde diskwalifisearre. Dat oerkaam yn [[2019]] bygelyks de [[Nigearia|Nigeriaanske]] film ''[[Lionheart (film út 2018)|Lionheart]]''. De [[Algerije|Algerynske]] film ''[[Le Bal (film út 1983)|Le Bal]]'', dêr't hielendal net yn praat waard, mocht yn [[1984]] dan wol wer meitingje.
* De films meie gjin Amerikaanske produksjes wêze. Op dit punt ferskille de betingsten foar de Oscar foar Bêste Ynternasjonale Film fan dy foar de [[Golden Globe foar Bêste Film yn in Bûtenlânske Taal]]. Foar dy priis meie nammentlik ek Amerikaanske films meitingje, salang't de fiertaal mar net [[Ingelsk]] is. Sadwaande koe de Amerikaanske mar [[Japansk]]talige film ''[[Letters from Iwo Jima]]'' yn [[2007]] de Golden Globe foar Bêste Film yn in Bûtenlânske Taal winne, wylst de film fan kompetysje foar de Oscar foar Bêste Film yn in Bûtenlânske Taal útsletten wie om 'e simpele reden dat it in Amerikaanske produksje wie. Dy regel jildt net inkeld foar de [[Feriene Steaten]] sels, mar ek foar alle [[Unynkorporearre territoarium fan de Feriene Steaten|Amerikaanske territoaria]]. Foarhinne koene films út it [[Spaansk]]talige [[Porto Riko]] wol meidwaan foar dizze Oscarkategory, mar yn [[2011]] besleat de AMPAS om ek Portorikaanske films út te sluten.
* De films meie foarôfgeande oan har [[premiêre]] yn 'e [[bioskopen]] net útstjoerd west hawwe op 'e [[tillefyzje]] of oer it [[ynternet]]. Dat kritearium waard yn [[2005]] it [[Nederlân]]ske ''[[Bluebird (film út 2004)|Bluebird]]'' fataal.
* Der mei mar ien film per [[list fan lannen en territoaria|lân]] yntsjinne wurde. (Ek op dat punt ferskille de betingsten foar de Oscar foar Bêste Ynternasjonale Film fan dy fan 'e [[Golden Globe foar Bêste Film yn in Bûtenlânske Taal]].)
* It lân dat de film ynstjoert, moat ek (fierhinne) ferantwurdlik wêze foar it meitsjen fan 'e film. As bliken docht dat lju út dat lân net genôch mei it meitsjen fan 'e oangeande film te krijen hân hawwe, is dat reden foar diskwalifikaasje. Sa waard de film ''[[Un Lugar en el Mundo]]'' yn [[1991]] diskwalifisearre doe't oan it ljocht kaam dat it ynstjoerende lân, [[Oerûguay]], der eins suver neat mei te krijen hân hie, en dat it hast folslein om in [[Argentynje|Argentynske]] produksje gie. (Dat is noch altyd de iennichste film dy't diskwalifisearre is, neidat er al nominearre wie foar de Oscar foar Bêste Ynternasjonale Film.)
* Oant en mei [[2004]] (de útrikkingsseremoanje fan [[2005]]) moasten de meitingjende films yn in [[offisjele taal]] fan it ynstjoerende lân wêze. Dat kritearium soarge derfoar dat de [[Itaalje|Italjaanske]] film ''[[Private]]'' yn [[2004]] útsletten waard fan dielname om't der benammen [[Arabysk]] en [[Hebriuwsk]] yn sprutsen waard: talen dy't yn Itaalje gjin offisjele status hawwe. Yn [[2005]] (de útrikkingsseremoanje fan [[2006]]) waard dy regel lykwols ôfskaft. Sadwaande koe [[Kanada]] yn [[2005]] nominearre wurde foar de film ''[[Water (film út 2005)|Water]]'', dy't fierhinne [[Hindy]]talich is hoewol't it Hindy yn Kanada gjin offisjele status hat.
* Sûnt de nammeferoaring fan [[2019]] meie foar de Oscar foar Bêste Ynternasjonale Film ek [[langspylfilm|lange]] [[animaasjefilm]]s en [[langspylfilm|lange]] [[dokumintêre]]s meidwaan.

==Krityk==
Der is in protte [[krityk]] op it idee dat der in kategory bestean moat foar Bêste Ynternasjonale Film njonken in [[Oscar foar Bêste Film|kategory foar Bêste Film]]. De [[Grut-Brittanje|Britske]] [[krante]] ''[[The Guardian]]'' skreau yn [[2016]] dat soks in "foarûnderstelling mei in fundamintele flater" fertsjintwurdiget, en dat de Oscar foar Bêste Ynternasjonale Film (doe noch de Oscar foar Bêste Film yn in Bûtenlânske Taal) "de meast kritysk ferhune kategory is fan alle Oscar-kategoryen." De krante skreau ek: "Yn in perfekte wrâld&nbsp;– of, alteast, in sa perfekt mooglike wrâld dêr't noch altyd pronkerige filmpriis-seremoanjes besteane&nbsp;– soe gjin ferlet wêze fan in aparte Oscar foar bêste film yn in bûtenlânske taal. It feit dat de Academy [of Motion Pictures Arts and Sciences] nei 87 jier de earste film dy't net foar it meastepart yn it Ingelsk is noch earje moat as bêste film, seit alles oer de eigen beheinings [fan 'e organisaasje], en neat oer de wrâldwide filmyndustry." (Yn [[2019]] barde dat, doe't de [[Súd-Koreä|Súdkoreaanske]] film ''Gisaengchung'', ynternasjonaal bekend as ''[[Parasite (film út 2019)|Parasite]]'', de Oscar foar Bêste Film wûn.)

==Winners==
De [[Oscar]]s wurde útrikt oan it begjin fan it jier, foar films út it hiele foargeande jier. Yn 'e tabel hjirûnder wurdt de offisjele jiertelling fan 'e Oscars oanholden. Mar it jier dat oanjûn stiet is it jier dêr't de priis <u>foar</u> takend waard, en net it jier dêr't de priis <u>yn</u> takend waard. Dus dêr't bgl. stiet "[[1956]]", fûn de útrikking fan dy priis plak yn begjin [[1957]].
{| class="wikitable"
|-
! jier
! ynstjoerend lân
! taal
! titel winner
! ynternasjonale titel winner
! regisseur
|-
| colspan="6" style="text-align:center;"| '''Winners fan Spesjale Prizen (1947 – 1955)'''
|-
| style="text-align:center;"| '''1947'''
| [[File:Flag of Italy.svg|border|20px]] [[Itaalje]]
| <small>[[Italjaansk]]<br>[[Ingelsk]]</small>
| ''[[Sciuscià]]'' 
| <small>''Shoe-Shine''</small>
| [[Vittorio De Sica]]
|-
| style="text-align:center;"| '''1948'''
| [[File:Flag of France.svg|border|20px]] [[Frankryk]]
|<small>[[Frânsk]]</small>
| ''[[Monsieur Vincent]]'' 
| <small>''Monsieur Vincent''</small>
| [[Maurice Cloche]]
|-
| style="text-align:center;"| '''1949'''
| [[File:Flag of Italy.svg|border|20px]] [[Itaalje]]
|<small>[[Italjaansk]]</small>
| ''[[Ladri di Biciclette]]'' 
| <small>''The Bicycle Thieves''</small>
| [[Vittorio De Sica]]
|-
| style="text-align:center;"| '''1950'''
| [[File:Flag of France.svg|border|20px]] [[Frankryk]] <br>[[File:Flag of Italy.svg|border|20px]] [[Itaalje]]
|<small>[[Frânsk]]<br>[[Italjaansk]]</small>
| ''[[Au-delà des Grilles]]'' <small>(Fr.)</small><br>''[[Le Mura di Malapaga]]'' <small>(It.)</small>
| <small>''The Walls of Malapaga''</small>
| [[René Clément]]
|-
| style="text-align:center;"| '''1951'''
| [[File:Flag of Japan.svg|border|20px]] [[Japan]]
|<small>[[Japansk]]</small>
| ''[[Rashōmon]]'' 
| <small>''Rashomon''</small>
| [[Akira Kurosawa]]
|-
| style="text-align:center;"| '''1952'''
| [[File:Flag of France.svg|border|20px]] [[Frankryk]]
|<small>[[Frânsk]]</small>
| ''[[Jeux Interdits]]'' 
| <small>''Forbidden Games''</small>
| [[René Clément]]
|-
| style="text-align:center;"| '''1953'''
| colspan="5" style="text-align:center;"| ''gjin priis takend''
|-
| style="text-align:center;"| '''1954'''
| [[File:Flag of Japan.svg|border|20px]] [[Japan]]
|<small>[[Japansk]]</small>
| ''[[Jigokumon]]'' 
| <small>''Gate of Hell''</small>
| [[Teinosuke Kinugasa]]
|-
| style="text-align:center;"| '''1955'''
| [[File:Flag of Japan.svg|border|20px]] [[Japan]]
|<small>[[Japansk]]</small>
| ''[[Miyamoto Musashi]]'' 
| <small>''Samurai: The Legend of Musashi''</small>
| [[Hiroshi Inagaki]]
|-
| colspan="6" style="text-align:center;"| '''Winners fan 'e Oscar foar Bêste Film yn in Bûtenlânske Taal (1956 – 2018)'''
|-
| style="text-align:center;"| '''1956'''
| [[File:Flag of Italy.svg|border|20px]] [[Itaalje]]
|<small>[[Italjaansk]]</small>
| ''[[La Strada]]'' 
| <small>''La Strada''</small>
| [[Federico Fellini]]
|-
| style="text-align:center;"| '''1957'''
| [[File:Flag of Italy.svg|border|20px]] [[Itaalje]]
|<small>[[Italjaansk]]</small>
| ''[[Le Notti di Cabiria]]'' 
| <small>''Nights of Cabiria''</small>
| [[Federico Fellini]]
|-
| style="text-align:center;"| '''1958'''
| [[File:Flag of France.svg|border|20px]] [[Frankryk]]
|<small>[[Frânsk]]</small>
| ''[[Mon Oncle]]'' 
| <small>''My Uncle''</small>
| [[Jacques Tati]]
|-
| style="text-align:center;"| '''1959'''
| [[File:Flag of France.svg|border|20px]] [[Frankryk]]
|<small>[[Portegeesk]]</small>
| ''[[Orfeu Negro]]'' 
| <small>''Black Orpheus''</small>
| [[Marcel Camus]]
|-
| style="text-align:center;"| '''1960'''
| [[File:Flag of Sweden.svg|border|20px]] [[Sweden]]
|<small>[[Sweedsk]]</small>
| ''[[Jungfrukällan]]'' 
| <small>''The Virgin Spring''</small>
| [[Ingmar Bergman]]
|-
| style="text-align:center;"| '''1961'''
| [[File:Flag of Sweden.svg|border|20px]] [[Sweden]]
|<small>[[Sweedsk]]</small>
| ''[[Såsom i en Spegel]]'' 
| <small>''Through a Glass Darkly''</small>
| [[Ingmar Bergman]]
|-
| style="text-align:center;"| '''1962'''
| [[File:Flag of France.svg|border|20px]] [[Frankryk]]
|<small>[[Frânsk]]</small>
| ''[[Les Dimanches de Ville d'Avray]]'' 
| <small>''Sundays and Cybele''</small>
| [[Serge Bourguignon]]
|-
| style="text-align:center;"| '''1963'''
| [[File:Flag of Italy.svg|border|20px]] [[Itaalje]]
|<small>[[Italjaansk]]</small>
| ''[[8½]]'' 
| <small>''8½''</small>
| [[Federico Fellini]]
|-
| style="text-align:center;"| '''1964'''
| [[File:Flag of Italy.svg|border|20px]] [[Itaalje]]
|<small>[[Italjaansk]]</small>
| ''[[Ieri, Oggi, Domani]]'' 
| <small>''Yesterday, Today and Tomorrow''</small>
| [[Vittorio De Sica]]
|-
| style="text-align:center;"| '''1965'''
| [[File:Flag of the Czech Republic.svg|border|20px]] [[Tsjechoslowakije]]
|<small>[[Slowaaksk]]</small>
| ''[[Obchod na Korze]]'' 
| <small>''The Shop on Main Street''</small>
| [[Ján Kadár]] en [[Elmar Klos]]
|-
| style="text-align:center;"| '''1966'''
| [[File:Flag of France.svg|border|20px]] [[Frankryk]]
|<small>[[Frânsk]]</small>
| ''[[Un Homme et une Femme]]'' 
| <small>''A Man and a Woman''</small>
| [[Claude Lelouch]]
|-
| style="text-align:center;"| '''1967'''
| [[File:Flag of the Czech Republic.svg|border|20px]] [[Tsjechoslowakije]]
|<small>[[Tsjechysk]]</small>
| ''[[Ostře Sledované Vlaky]]'' 
| <small>''Closely Watched Trains''</small>
| [[Jiři Menzel]]
|-
| style="text-align:center;"| '''1968'''
| [[File:Flag of the Soviet Union.svg|border|20px]] [[Sovjet-Uny]]
|<small>[[Russysk]]</small>
| ''[[Vojna i Mir (filmsearje)|Vojna i Mir]]'' 
| <small>''War and Peace''</small>
| [[Sergej Bondartsjûk]]
|-
| style="text-align:center;"| '''1969'''
| [[File:Flag of Algeria.svg|border|20px]] [[Algerije]]
|<small>[[Frânsk]]</small>
| ''[[Z (film út 1969)|Z]]'' 
| <small>''Z''</small>
| [[Costa-Gavras]]
|-
| style="text-align:center;"| '''1970'''
| [[File:Flag of Italy.svg|border|20px]] [[Itaalje]]
|<small>[[Italjaansk]]</small>
| ''[[Indagine su un Cittadino al di Sopra di Ogni Sospetto]]'' 
| <small>''Investigation of a Citizen Above Suspicion''</small>
| [[Elio Petri]]
|-
| style="text-align:center;"| '''1971'''
| [[File:Flag of Italy.svg|border|20px]] [[Itaalje]]
|<small>[[Italjaansk]]</small>
| ''[[Il Giardino dei Finzi-Contini]]'' 
| <small>''The Garden of the Finzi Continis''</small>
| [[Vittorio De Sic]]
|-
| style="text-align:center;"| '''1972'''
| [[File:Flag of France.svg|border|20px]] [[Frankryk]]
|<small>[[Frânsk]]</small>
| ''[[Le Charme Discret de la Bourgeoisie]]'' 
| <small>''The Discrete Charm of the Bourgeoisie''</small>
| [[Luis Buñuel]]
|-
| style="text-align:center;"| '''1973'''
| [[File:Flag of France.svg|border|20px]] [[Frankryk]]
|<small>[[Frânsk]]</small>
| ''[[La Nuit Américaine]]'' 
| <small>''Day for Night''</small>
| [[François Truffaut]]
|-
| style="text-align:center;"| '''1974'''
| [[File:Flag of Italy.svg|border|20px]] [[Itaalje]]
|<small>[[Italjaansk]]</small>
| ''[[Amarcord]]'' 
| <small>''Amarcord''</small>
| [[Federico Fellini]]
|-
| style="text-align:center;"| '''1975'''
| [[File:Flag of the Soviet Union.svg|border|20px]] [[Sovjet-Uny]]
|<small>[[Russysk]]</small>
| ''[[Dersu Uzala]]'' 
| <small>''Dersu Uzala''</small>
| [[Akira Kurosawa]]
|-
| style="text-align:center;"| '''1976'''
| [[File:Flag of Ivory Coast.svg|border|20px]] [[Ivoarkust]]
|<small>[[Frânsk]]</small>
| ''[[La Victoire en Chantant]]'' 
| <small>''Black and White in Color''</small>
| [[Jean-Jacques Annaud]]
|-
| style="text-align:center;"| '''1977'''
| [[File:Flag of France.svg|border|20px]] [[Frankryk]]
|<small>[[Frânsk]]</small>
| ''[[La Vie Devant Soi]]'' 
| <small>''Madame Rosa''</small>
| [[Moshé Mizrahi]]
|-
| style="text-align:center;"| '''1978'''
| [[File:Flag of France.svg|border|20px]] [[Frankryk]]
|<small>[[Frânsk]]</small>
| ''[[Préparez Vos Mouchoirs]]'' 
| <small>''Get Out Your Handkerchiefs''</small>
| [[Bertrand Blier]]
|-
| style="text-align:center;"| '''1979'''
| [[File:Flag of Germany.svg|border|20px]] [[West-Dútslân]]
|<small>[[Dútsk]]</small>
| ''[[Die Blechtrommel (film)|Die Blechtrommel]]'' 
| <small>''The Tin Drum''</small>
| [[Volker Schlöndorff]]
|-
| style="text-align:center;"| '''1980'''
| [[File:Flag of the Soviet Union.svg|border|20px]] [[Sovjet-Uny]]
|<small>[[Russysk]]</small>
| ''[[Moskva Slezam Ne Verit]]'' 
| <small>''Moscow Does Not Believe in Tears''</small>
| [[Vladimir Mensjov]]
|-
| style="text-align:center;"| '''1981'''
| [[File:Flag of Hungary.svg|border|20px]] [[Hongarije]]
|<small>[[Hongaarsk]]</small>
| ''[[Mephisto (film út 1981)|Mephisto]]'' 
| <small>''Mephisto''</small>
| [[István Szabó]]
|-
| style="text-align:center;"| '''1982'''
| [[File:Flag of Spain.svg|border|20px]] [[Spanje]]
|<small>[[Spaansk]]</small>
| ''[[Volver a Empezar]]'' 
| <small>''To Begin Again''</small>
| [[José Luis Garci]]
|-
| style="text-align:center;"| '''1983'''
| [[File:Flag of Sweden.svg|border|20px]] [[Sweden]]
|<small>[[Sweedsk]]</small>
| ''[[Fanny och Alexander]]'' 
| <small>''Fanny and Alexander''</small>
| [[Ingmar Bergman]]
|-
| style="text-align:center;"| '''1984'''
| [[File:Flag of Switzerland.svg|border|15px]]&nbsp;&nbsp;&nbsp;[[Switserlân]]
|<small>[[Frânsk]]</small>
| ''[[La Diagonale du Fou]]'' 
| <small>''Dangerous Moves''</small>
| [[Richard Dembo]]
|-
| style="text-align:center;"| '''1985'''
| [[File:Flag of Argentina.svg|border|20px]] [[Argentynje]]
|<small>[[Spaansk]]</small>
| ''[[La Historia Oficial]]'' 
| <small>''The Official Story''</small>
| [[Luis Puenzo]]
|-
| style="text-align:center;"| '''1986'''
| [[File:Flag of the Netherlands.svg|border|20px]] [[Nederlân]]
|<small>[[Nederlânsk]]</small>
| ''[[De Aanslag (film)|De Aanslag]]'' 
| <small>''The Assault''</small>
| [[Fons Rademakers]]
|-
| style="text-align:center;"| '''1987'''
| [[File:Flag of Denmark.svg|border|17px]]&nbsp;&nbsp;[[Denemark]]
|<small>[[Deensk]]</small>
| ''[[Babettes Gæstebud]]'' 
| <small>''Babette's Feast''</small>
| [[Gabriel Axel]]
|-
| style="text-align:center;"| '''1988'''
| [[File:Flag of Denmark.svg|border|17px]]&nbsp;&nbsp;[[Denemark]]
|<small>[[Skaansk]]<br>[[Deensk]]<br>[[Sweedsk]]</small>
| ''[[Pelle Erobreren]]'' 
| <small>''Pelle the Conqueror''</small>
| [[Bille August]]
|-
| style="text-align:center;"| '''1989'''
| [[File:Flag of Italy.svg|border|20px]] [[Itaalje]]
|<small>[[Italjaansk]]</small>
| ''[[Nuovo Cinema Paradiso]]'' 
| <small>''Cinema Paradiso''</small>
| [[Giuseppe Tornatore]]
|-
| style="text-align:center;"| '''1990'''
| [[File:Flag of Switzerland.svg|border|15px]]&nbsp;&nbsp;&nbsp;[[Switserlân]]
|<small>[[Dútsk]]</small>
| ''[[Reise der Hoffnung]]'' 
| <small>''Journey of Hope''</small>
| [[Xavier Koller]]
|-
| style="text-align:center;"| '''1991'''
| [[File:Flag of Italy.svg|border|20px]] [[Itaalje]]
|<small>[[Italjaansk]]</small>
| ''[[Mediterraneo]]'' 
| <small>''Mediterraneo''</small>
| [[Gabriele Salvatores]]
|-
| style="text-align:center;"| '''1992'''
| [[File:Flag of France.svg|border|20px]] [[Frankryk]]
|<small>[[Frânsk]]<br>[[Fjetnameesk]]</small>
| ''[[Indochine (film)|Indochine]]'' 
| <small>''Indochine''</small>
| [[Régis Wargnier]]
|-
| style="text-align:center;"| '''1993'''
| [[File:Flag of Spain.svg|border|20px]] [[Spanje]]
|<small>[[Spaansk]]</small>
| ''[[Belle Époque (film)|Belle Époque]]'' 
| <small>''Belle Epoque''</small>
| [[Fernando Trueba]]
|-
| style="text-align:center;"| '''1994'''
| [[File:Flag of Russia.svg|border|20px]] [[Ruslân]]
|<small>[[Russysk]]</small>
| ''[[Utomljonnje Solntsem]]'' 
| <small>''Burnt by the Sun''</small>
| [[Nikita Michalkov]]
|-
| style="text-align:center;"| '''1995'''
| [[File:Flag of the Netherlands.svg|border|20px]] [[Nederlân]]
|<small>[[Nederlânsk]]</small>
| ''[[Antonia (film)|Antonia]]'' 
| <small>''Antonia's Line''</small>
| [[Marleen Gorris]]
|-
| style="text-align:center;"| '''1996'''
| [[File:Flag of the Czech Republic.svg|border|20px]] [[Tsjechje]]
|<small>[[Tsjechysk]]</small>
| ''[[Kolja]]'' 
| <small>''Kolya''</small>
| [[Jan Svěrák]]
|-
| style="text-align:center;"| '''1997'''
| [[File:Flag of the Netherlands.svg|border|20px]] [[Nederlân]]
|<small>[[Nederlânsk]]</small>
| ''[[Karakter (film)|Karakter]]'' 
| <small>''Character''</small>
| [[Mike van Diem]]
|-
| style="text-align:center;"| '''1998'''
| [[File:Flag of Italy.svg|border|20px]] [[Itaalje]]
|<small>[[Italjaansk]]</small>
| ''[[La Vita è Bella]]'' 
| <small>''Life Is Beautiful''</small>
| [[Roberto Benigni]]
|-
| style="text-align:center;"| '''1999'''
| [[File:Flag of Spain.svg|border|20px]] [[Spanje]]
|<small>[[Spaansk]]</small>
| ''[[Todo Sobre Mi Madre]]'' 
| <small>''All About My Mother''</small>
| [[Pedro Almodóvar]]
|-
| style="text-align:center;"| '''2000'''
| [[File:Flag of the Republic of China.svg|border|20px]] [[Taiwan]]
|<small>[[Mandarynsk]]</small>
| ''[[Crouching Tiger, Hidden Dragon|Wò Hǔ Cáng Lóng]]'' 
| <small>''Crouching Tiger, Hidden Dragon''</small>
| [[Ang Lee]]
|-
| style="text-align:center;"| '''2001'''
| [[File:Flag of Bosnia and Herzegovina.svg|border|20px]] [[Bosnje en Hertsegovina]]
|<small>[[Bosnysk]]</small>
| ''[[Ničija Zemlja]]'' 
| <small>''No Man's Land''</small>
| [[Danis Tanović]]
|-
| style="text-align:center;"| '''2002'''
| [[File:Flag of Germany.svg|border|20px]] [[Dútslân]]
|<small>[[Dútsk]]<br>[[Swahily (taal)|Swahily]]</small>
| ''[[Nirgendwo in Afrika]]'' 
| <small>''Nowhere in Africa''</small>
| [[Caroline Link]]
|-
| style="text-align:center;"| '''2003'''
| [[File:Flag of Canada.svg|border|20px]] [[Kanada]]
|<small>[[Frânsk]]</small>
| ''[[Les Invasions Barbares]]'' 
| <small>''The Barbarian Invasions''</small>
| [[Denys Arcand]]
|-
| style="text-align:center;"| '''2004'''
| [[File:Flag of Spain.svg|border|20px]] [[Spanje]]
|<small>[[Spaansk]]</small>
| ''[[Mar Adentro]]'' 
| <small>''The Sea Inside''</small>
| [[Alejandro Amenábar]]
|-
| style="text-align:center;"| '''2005'''
| [[File:Flag of South Africa.svg|border|20px]] [[Súd-Afrika]]
|<small>[[Sûlû (taal)|Sûlû]]<br>[[Kosa (taal)|Kosa]]<br>[[Afrikaansk]]</small>
| ''[[Tsotsi]]'' 
| <small>''Tsotsi''</small>
| [[Gavin Hood]]
|-
| style="text-align:center;"| '''2006'''
| [[File:Flag of Germany.svg|border|20px]] [[Dútslân]]
|<small>[[Dútsk]]</small>
| ''[[Das Leben der Anderen]]'' 
| <small>''The Lives of Others''</small>
| [[Florian Henckel von Donnersmarck]]
|-
| style="text-align:center;"| '''2007'''
| [[File:Flag of Austria.svg|border|20px]] [[Eastenryk]]
|<small>[[Dútsk]]</small>
| ''[[Die Fälscher]]'' 
| <small>''The Counterfeiters''</small>
| [[Stefan Ruzowitzky]]
|-
| style="text-align:center;"| '''2008'''
| [[File:Flag of Japan.svg|border|20px]] [[Japan]]
|<small>[[Japansk]]</small>
| ''[[Okuribito]]'' 
| <small>''Departures''</small>
| [[Yōjirō Takita]]
|-
| style="text-align:center;"| '''2009'''
| [[File:Flag of Argentina.svg|border|20px]] [[Argentynje]]
|<small>[[Spaansk]]</small>
| ''[[El Secreto de Sus Ojos]]'' 
| <small>''The Secret in Their Eyes''</small>
| [[Juan José Campanella]]
|-
| style="text-align:center;"| '''2010'''
| [[File:Flag of Denmark.svg|border|17px]]&nbsp;&nbsp;[[Denemark]]
|<small>[[Deensk]]</small>
| ''[[Hævnen]]'' 
| <small>''In a Better World''</small>
| [[Susanne Bier]]
|-
| style="text-align:center;"| '''2011'''
| [[File:Flag of Iran.svg|border|20px]] [[Iraan]]
|<small>[[Perzysk]]</small>
| ''[[Jodái-e Náder az Simin]]'' 
| <small>''A Separation''</small>
| [[Asghar Farhadi]]
|-
| style="text-align:center;"| '''2012'''
| [[File:Flag of Austria.svg|border|20px]] [[Eastenryk]]
|<small>[[Frânsk]]</small>
| ''[[Amour (film út 2012)|Amour]]'' 
| <small>''Amour''</small>
| [[Michael Haneke]]
|-
| style="text-align:center;"| '''2013'''
| [[File:Flag of Italy.svg|border|20px]] [[Itaalje]]
|<small>[[Italjaansk]]</small>
| ''[[La Grande Bellezza]]'' 
| <small>''The Great Beauty''</small>
| [[Paolo Sorrentino]]
|-
| style="text-align:center;"| '''2014'''
| [[File:Flag of Poland.svg|border|20px]] [[Poalen]]
|<small>[[Poalsk]]</small>
| ''[[Ida (film)|Ida]]'' 
| <small>''Ida''</small>
| [[Pawel Pawlikowski]]
|-
| style="text-align:center;"| '''2015'''
| [[File:Flag of Hungary.svg|border|20px]] [[Hongarije]]
|<small>[[Hongaarsk]]</small>
| ''[[Saul Fia]]'' 
| <small>''Son of Saul''</small>
| [[László Nemes]]
|-
| style="text-align:center;"| '''2016'''
| [[File:Flag of Iran.svg|border|20px]] [[Iraan]]
|<small>[[Perzysk]]</small>
| ''[[Forushandeh]]'' 
| <small>''The Salesman''</small>
| [[Asghar Farhadi]]
|-
| style="text-align:center;"| '''2017'''
| [[File:Flag of Chile.svg|border|20px]] [[Sily]]
|<small>[[Spaansk]]</small>
| ''[[Una Mujer Fantástica]]'' 
| <small>''A Fantastic Woman''</small>
| [[Sebastián Lelio]]
|-
| style="text-align:center;"| '''2018'''
| [[File:Flag of Mexico.svg|border|20px]] [[Meksiko]]
|<small>[[Spaansk]]<br>[[Mysjteeksk]]</small>
| ''[[Roma (film út 2018)|Roma]]'' 
| <small>''Roma''</small>
| [[Alfonso Cuarón]]
|-
| colspan="6" style="text-align:center;"| '''Winners fan 'e Oscar foar Bêste Ynternasjonale Film (fan 2019 ôf)'''
|-
| style="text-align:center;"| '''2019'''
| [[File:Flag of South Korea.svg|border|20px]] [[Súd-Koreä]]
| <small>[[Koreaansk]]</small>
| ''[[Parasite (film út 2019)|Gisaengchung]]'' 
| <small>''Parasite''</small>
| [[Bong Joon-ho]]
|-
| style="text-align:center;"| '''2020'''
| [[File:Flag of Denmark.svg|border|17px]]&nbsp;&nbsp;[[Denemark]]
| <small>[[Deensk]]</small>
| ''[[Druk (film)|Druk]]'' 
| <small>''Another Round''</small>
| [[Thomas Vinterberg]]
|-
| style="text-align:center;"| '''2021'''
| [[File:Flag of Japan.svg|border|20px]] [[Japan]]
| <small>[[Japansk]]</small>
| ''[[Drive My Car (film)|Doraibu Mai Kā]]'' 
| <small>''Drive My Car''</small>
| [[Ryusuke Hamaguchi]]
|-
| style="text-align:center;"| '''2022'''
| [[File:Flag of Germany.svg|border|20px]] [[Dútslân]]
| <small>[[Dútsk]]</small>
| ''[[Im Westen nichts Neues (film út 2022)|Im Westen nichts Neues]]'' 
| <small>''All Quiet on the Western Front''</small>
| [[Edward Berger]]
|-
|}

==Keppelings om utens==
*{{en}}[http://oscars.org/ Offisjele webside fan 'e Oscars]

==Sjoch ek==
*[[Oscar foar Bêste Film]]
*[[Golden Globe foar Bêste Film yn in Bûtenlânske Taal]]

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/Academy_Award_for_Best_Foreign_Language_Film ''References'', op dizze side].
}}

[[Kategory:Amerikaanske filmpriis]]
[[Kategory:Priis of ûnderskieding ynsteld yn 1956]]
[[Kategory:Oscar|Internasjonale Film]]