Niklaastsjerke (Hjerbeam)

Ut Wikipedy
Jump to navigation Jump to search
Niklaastsjerke
Tsjerke fan Hjerbeam.jpg
lokaasje
lân Flag of the Netherlands.svg Nederlân
provinsje Frisian flag.svg Fryslân
gemeente Flagge fan de Waadhoeke.PNG Waadhoeke
plak Hjerbeam
adres Tsjerkestrjitte 2
bysûnderheden
type bouwurk Tsjerke
boujier 13e iuw, 1872
monumintale status Monumentenbordje 2014.svg ryksmonumint
monumintnûmer 15854
oare ynformaasje
webside Side Tsjerke fan Hjerbeam

De Tsjerke fan Hjerbeam of de Niklaastsjerke is de eardere herfoarme tsjerke fan Hjerbeam. Sûnt 2016 is de tsjerke fan it Oekumenysk Wurkferbân Fryslân.

Skiednis[bewurkje seksje | boarne bewurkje]

De oarspronklik yn de 13e iuw boude tsjerke waard yn de 19e iuw gruttendiels fernijd. De midsiuwske noardlike muorre bleau by de fernijing bewarre. It tuorke stamt nei alle gedachten út de jierren 1920.

De tsjerke besit in klok út de 14e iuw mei in diameter fan 72 sintimeter. Alhoewol't de klok yn de Twadde Wrâldkriich foardere waard, kaam er nei de oarloch werom. Yn 1989 krige de klok spitigernôch in skuor. Sûnt koe de klok net mear brûkt wurde foar it lieden. De klok wurdt tsjintwurdich yn de tsjerke bewarre en nei in aksje krige de tsjerke wer in nije klok, dy't as opskrift "YN IT PLAK FAN’E 14 IEUWSKE KLOK LIED IK FOAR TSJERKE EN DOARP 1992" draacht.[1]

Gemeente[bewurkje seksje | boarne bewurkje]

De tsjerke drige healwei de jierren 1970 sluten te wurde, mar op inisjatyf fan de herfoarme tsjerkerie waard der út in fermidden fan herfoarmen, grifformearden en net-tsjerkefolk in kommisje beneamd mei it doel de tsjerke foar it doarp te behâlden en dêr frysktalige tsjinsten te hâlden. Sa ûntstie de kommisje Frysk Oekumenysk Wurkferbân Hjerbeam. Yn de rin fan de tiid binne de herfoarme tsjerkerie en it Wurkferbân jimmeroan mear yn inoar opgien. Yn 1985 waard de tsjerke troch û.o. de Stifting Behâld Tsjerklike Gebouwen yn Fryslân opknapt. Op 23 juny 2016 waard de herfoarme gemeente fan Hjerbeam op útstel fan de PKN opheven en de tsjerke mei de eigendommen oerdroegen oan it Frysk Oekumenysk Wurkferbân Hjerbeam.[2]

Oargel[bewurkje seksje | boarne bewurkje]

De tsjerke hat gjin piipoargel, mar in elektronysk oargel.[3]

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: