Besjoch de boarne foar Night at the Museum (franchise)

{{Mediafranchise
| ôfbylding              = Night-at-the-museum-logo.svg
| ôfbyldingstekst        = 
| ôfbyldingsbreedte      = 
| namme                  = ''Night at the Museum''
| betinker               = [[Milan Trenc]]
| eigner                 = [[20th Century Fox]]
| lân                    = [[File:Flag of the United States.svg|border|20px]] [[Feriene Steaten]]
| begjinjier             = [[1993]]
| einjier                = 
| langspylfilms          = '''live action''':<br>● ''[[Night at the Museum (film)|Night at the Museum]]''<br> ● ''[[Night at the Museum: Battle of the Smithsonian|Night at the Museum: Battle <br>&nbsp;&nbsp;&nbsp;of the Smithsonian]]''<br>● ''[[Night at the Museum: Secret of the Tomb|Night at the Museum: Secret <br>&nbsp;&nbsp;&nbsp;of the Tomb]]''<br> '''animaasje''': <br>● ''[[Night at the Museum: Kahmunrah Rises Again|Night at the Museum: <br>&nbsp;&nbsp;&nbsp;Kahmurah Rises Again]]''
| koarte films           = 
| dokumintêres           = 
| tillefyzjefilms        = 
| searjes                = 
| tekenfilmsearjes       = 
| specials               = 
| toanielstikken         = ''[[#Musical|Night at the Museum]]''
| fideospultsjes         = 
| boerdspullen           = 
| kaartspullen           = 
| romans                 = ● ''[[The Night at the Museum]]''<br>● ''[[Another Night at the Museum]]''
| ferhalen               = 
| ferhalebondels         = 
| companionboeken        = 
| strips                 = 
| soundtracks            = ● ''[[Night at the Museum (soundtrack)|Night at the Museum]]''<br> ● ''[[Night at the Museum: Battle of the Smithsonian (soundtrack)|Night at the Museum: Battle <br>&nbsp;&nbsp;&nbsp;of the Smithsonian]]''<br>● ''[[Night at the Museum: Secret of the Tomb (soundtrack)|Night at the Museum: Secret <br>&nbsp;&nbsp;&nbsp;of the Tomb]]''
| webside                = 
}}
'''''Night at the Museum''''' is in [[Feriene Steaten|Amerikaanske]] [[mediafranchise]] fan it [[fantasysjenre]] oer it [[Amerikaansk Natoerhistoarysk Museum]] yn [[New York (stêd)|New York]], dêr't de [[tentoanstelling|tentoanstelde]] saken [[nacht]]s ta [[libben]] komme. De franchise is basearre op it [[berneboek]] ''[[The Night at the Museum]]'' fan 'e [[Kroaasje|Kroätyske]] [[yllustrator]] [[Milan Trenc]], út [[1993]], en waard wrâldwiid popularisearre troch de [[film]] ''[[Night at the Museum (film)|Night at the Museum]]'', út [[2006]], mei [[Ben Stiller]] yn 'e [[haadrol]] as folle pleage [[nachtwachter]]. De franchise is eigendom fan 'e [[filmstudio]] [[20th Century Fox]], dat in [[dochterûndernimming]] fan [[The Walt Disney Company|Disney]] is.

==Boeken==
===''The Night at the Museum''===
''[[The Night at the Museum]]'' ("De Nacht yn it Museum") is in 32 [[bledside]]n tellend [[Ingelsk]]talich [[berneboek|berne]]- en [[printeboek]] fan 'e [[Kroaasje|Kroätyske]] [[yllustrator]] [[Milan Trenc]] mei it [[ISBN]] 0 81 20 64 003. It waard yn [[1993]] útjûn troch [[Barron's Educational Series]]. ''The Night at the Museum'' giet oer Hector, de nije [[nachtwachter]] yn it [[Amerikaansk Natoerhistoarysk Museum]] yn [[New York (stêd)|New York]], dy't ûntdekt dat nei [[tsjuster]] de [[dinosaurus]]skeletten yn it [[museum]] ta [[libben]] komme, en dat it syn taak net is om 'e ynhâld fan it museum te befeiligjen tsjin 'e bûtenwrâld, mar om 'e bûtenwrâld te befeiligjen tsjin 'e ynhâld fan it museum. (Yn 'e werútjefte fan [[2007]] waard yn dit boek nachtwachter Hector omneamd ta Larry, sa't er yn 'e films ek hjit.)

====''Night at the Museum: The Junior Novelization''====
Nei it súkses fan 'e film ''[[Night at the Museum (film)|Night at the Museum]]'', út [[2006]], ferskynde datselde jiers noch in '[[ferboeking]]' fan 'e film, dy't ek sjoen wurde kin as in útwreiding fan it berneboek. It resultaat wie de [[roman]] foar [[jongfolwoeksene]]n ''Night at the Museum: The Junior Novelization'', mei 128 bledsiden, skrean troch [[Leslie Goldman]] (ISBN 0 76 41 35 767).

===''Another Night at the Museum''===
''[[Another Night at the Museum]]'' (ISBN 978-0 80 50 89 486) is in twadde Ingelsktalich berne- en printeboek fan Milan Trenc, dat it [[ferfolch]] is op syn ''The Night at the Museum''. It ferskynde yn [[2013]] by [[útjouwerij]] [[Christy Ottaviano Books]]. It telt 32 bledsiden en giet wer oer Larry, de nije nachtwachter fan it Amerikaansk Natoerhistoarysk Museum, dy't ek op syn twadde nacht yn it museum wer te meitsjen kriget mei ta libben kommende museumstikken.

==Films==
===''Night at the Museum''===
{{Apart|Night at the Museum (film)}}
Yn ''Night at the Museum'' wurdt Larry Daley ([[Ben Stiller]]), in [[skieding (houlik)|skieden]] [[heit]] fan in jonge [[soan]], oannommen as de nije [[nachtwachter]] yn it [[Amerikaansk Natoerhistoarysk Museum]] yn [[New York (stêd)|New York]]. Hy ûntdekt dat de [[tentoanstelling|útstalde]] besjensweardichheden yn it [[museum]] nei [[tsjuster]] ta [[libben]] komme troch de wurking fan 'e Tafel fan Ahkmenrah, in [[magy]]sk [[artefakt (argeology)|artefakt]] út 'e [[Egyptyske Aldheid]]. Wylst Larry yn 'e kunde komt mei [[waaks]]en [[stânbyld|bylden]] fan û.o. [[presidint]] [[Theodore Roosevelt]] ([[Robin Williams]]) en de [[Yndianen|Yndiaanske]] [[gids (berop)|gids]] [[Sacajawea]] ([[Mizuo Peck]]) en mei ûnderling oarlogjende [[minituer]]en út 'e [[Romeinske Tiid]] en it [[Wylde Westen]], hat syn foargonger as nachtwachter C.J. Fredericks ([[Dick Van Dyke]]) snoade plannen om misbrûk te meitsjen fan Larry syn gebrek oan [[ûnderfining]].

''Night at the Museum'' waard [[regissearre]] troch [[Shawn Levy]] nei in [[senario]] fan [[Thomas Lennon]] en [[Robert Ben Garant]]. De film gie op [[17&nbsp;desimber]] [[2006]] yn [[premiêre]], en brocht [[$]]575,5&nbsp;miljoen op tsjin in [[budget]] fan $110&nbsp;miljoen. 

===''Night at the Museum: Battle of the Smithsonian''===
{{Apart|Night at the Museum: Battle of the Smithsonian}}
Yn ''Night at the Museum: Battle of the Smithsonian'' binne de besjensweardichheden út it Amerikaansk Natoerhistoarysk Museum foar it meastepart opslein yn 'e Federale Argiven fan it [[Smithsonian Ynstitút]] yn [[Washington, D.C.]], om't se yn it museum ferfongen binne troch [[hologram|holografyske]] [[ynformaasje]]apparaten. Ald-nachtwachter Larry Daley (Ben Stiller) wurdt troch syn freonen opskille as de [[boasaardigens|boasaardige]] [[farao]] Kahmunrah ([[Hank Azaria]]) de Tafel fan Ahkmenrah brûke wol om 'e wrâld te feroverjen, en [[Ivan de Ferskriklike]] ([[Christopher Guest]]), [[Napoleon Bonaparte]] ([[Alain Chabat]]) en [[Al Capone]] ([[Jon Bernthal]]) ynset om dat mooglik te meitsjen. Mei help fan û.o. [[Theodore Roosevelt]] (Robin Williams), [[Sacajawea]] (Mizuo Peck), [[Amelia Earhart]] ([[Amy Adams]]) en de miniatueren Jedediah ([[Owen Wilson]]) en Octavius ([[Steve Coogan]]) moat Larry de plannen fan Kahmunrah sjen te dwerseidzjen.

''Night at the Museum: Battle of the Smithsonian'' waard ek regissearre troch Shawn Levy nei in senario fan Thomas Lennon en Robert Ben Garant. De film gie op [[22&nbsp;maaie]] [[2009]] yn premiêre, en brocht $413,1&nbsp;miljoen op tsjin in budget fan $150&nbsp;miljoen. 

===''Night at the Museum: Secret of the Tomb''===
{{Apart|Night at the Museum: Secret of the Tomb}}
Yn ''Night at the Museum: Secret of the Tomb'' is Larry Daley (Ben Stiller) al wer jierren nachtwachter yn it Amerikaansk Natoerhistoarysk Museum yn New York. De útstalde besjensweardichheden binne syn bêste freonen wurden, en de skrik slacht Larry dan ek om it hert as bliken docht dat de magy fan 'e Tafel fan Ahkmenrah begjint te haperjen. Om 'e krêften fan 'e Tafel te fernijen, moat Larry de farao Ahkmenrah ([[Rami Malek]]) mei [[sarkofaach]] en al meinimme nei it [[Britsk Museum]] yn [[Londen]], dêr't syn [[âlden]] Merenkahre ([[Ben Kingsley]]) en Sjepseheret ([[Anjali Jay]]) har befine. Theodore Roosevelt (Robin Williams), Sacajawea (Mizuo Peck), Jedediah (Owen Wilson), Octavius (Steve Coogan) en ferskate oaren reizgje as [[ferstekling]]en mei.

''Night at the Museum: Secret of the Tomb'' waard fannijs regissearre troch Shawn Levy nei in senario fan [[David Guion]] en [[Michael Handelman]]. De film gie op [[11&nbsp;desimber]] [[2014]] yn premiêre, en brocht $363,2&nbsp;miljoen op tsjin in budget fan $127&nbsp;miljoen. 

==Tekenfilms==
===''Night of the Museum: Kahmunrah Rises Again''===
{{Apart|Night of the Museum: Kahmunrah Rises Again}}
''Night of the Museum: Kahmunrah Rises Again'' is in [[langspylfilm|lange]] [[tekenfilm]], dy't oer Nick Daley ([[Joshua Bassett]]) giet, de soan fan Larry ([[Zachary Levi]]). Hy folget yn syn heite fuotstappen troch [[nachtwachter]] te wurden yn it [[Amerikaansk Natoerhistoarysk Museum]]. De earste jûns makket er daliks al de flater om 'e [[kwea|boasaardige]] [[farao]] Kahmunrah ([[Joseph Kamal]]) frij te litten. Hy wit dyselde lykwols te ferslaan mei de help fan 'e ta libben kommen bylden fan [[Theodore Roosevelt]] ([[Thomas Lennon]]), [[Sacajawea]] ([[Kieran Sequoia]]), [[Jeanne d'Arc]] ([[Alice Isaaz]]), [[Attila de Hun]] ([[Alexander Salamat]]) en de [[Neändertaler]] Laaa (Zachary Levi), de miniatueren fan Jedediah de [[cowboy]] ([[Steve Zahn]]) en Octavius de [[Romeinske Ryk|Romeinske]] [[sintuerion]] ([[Jack Whitehall]]), en it [[taksidermy|opsette]] [[kapusynaapke]] Dexter. 

Nei't healwei de [[2010-er jierren]] [[20th Century Fox]] oernommen wie troch [[The Walt Disney Company]], waard besletten om in [[reboot (fiksje)|reboot]] fan ''Night at the Museum'' te meitsjen yn 'e foarm fan in [[kompjûteranimearre]] [[tekenfilm]]. Dit projekt waard yn [[augustus]] [[2019]] oankundige troch [[Bob Iger]], de [[algemien direkteur]] fan Disney. ''Night of the Museum: Kahmunrah Rises Again'' waard op [[9&nbsp;desimber]] [[2022]] eksklusyf fia de [[streaming media|streamingtsjinst]] [[Disney+]] útbrocht.

==Musical==
Op [[2 april]] [[2020]] makke [[komponist]] [[Alan Menken]] bekend dat er wurke oan in [[toaniel]]adaptaasje fan ''Night at the Museum''. It stik, dat de foarm fan in [[musical]] krije moat, wie neffens [[regisseur]] [[Shawn Levy]] mids [[septimber]] [[2020]] al "oardel jier" ûnderweis. It hie lykwols slimme fertraging oprûn troch de [[koroanafiruspandemy (2019-2021)|koroanapandemy]], mei't alle oerlis fia [[byldbeljen]] plakfine moast.

==Muzyk==
De folgjende [[soundtrack]]albums ferskynden yn it ramt fan 'e ''Night at the Museum''-franchise:
* 2006 – ''[[Night at the Museum (soundtrack)|Night at the Museum]]''
* 2009 – ''[[Night at the Museum: Battle of the Smithsonian (soundtrack)|Night at the Museum: Battle of the Smithsonian]]''
* 2014 – ''[[Night at the Museum: Secret of the Tomb (soundtrack)|Night at the Museum: Secret of the Tomb]]''

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/Night_at_the_Museum_(franchise) ''References'', op dizze side].
}}
{{DISPLAYTITLE:''Night at the Museum'' (franchise)}}
{{Berjocht:Night at the Museum}}

[[Kategory:Amerikaanske mediafranchise]]
[[Kategory:Amerikaanske filmsearje]]
[[Kategory:Ingelsktalige filmsearje]]
[[Kategory:Fantasyfilmsearje]]
[[Kategory:Komeedzjefilmsearje]]
[[Kategory:Franchise fan 20th Century Studios]]
[[Kategory:Filmsearje út 2006]]
[[Kategory:Mediafranchise út 1993]]