National Football League

Ut Wikipedy
Jump to navigation Jump to search
NFL
Super Bowl 1F2868F4.jpg
Basisynformaasje
Namme National Football League
Stifte 1920
Lân flagge fan de Feriene Steaten Feriene Steaten
Tal klups 32
Titelhâlder Philadelphia Eagles (4e titel)
Rekôrkampioen Green Bay Packers (13 kear)
Webstee NFL

De National Football League (NFL) is de grutste profesjonele American footballkompetysje fan de Feriene Steaten. De kompetysje bestiet út 32 teams, ferspraat oer Amerikaanske stêden en regio's.

De NFL bestiet út twa kompetysjes, nammentlik de American Football Conference (AFC) en de National Football Conference (NFC). Eltse kompetysje is fierder ûnderferdield yn fjouwer difyzjes (East, Noard, West en Súd), dy't elk fertsjinwurdige wurde troch fjouwer teams. Yn it reguliere seizoen, meastentiids fan septimber oant desimber, spylje alle teams 16 wedstriden. Oan de ein fan it seizoen spylje de seis bêste teams (de fjouwer difyzjewinners en twa wildcard-teams) fan de de twa kompetysjes yn de play-offs. Earst is it wildcardwykein. Dan spylje de wildcardwinners tsjin de nûmers trije en fjouwer fan de kompetysje. De winners fan dy wedstriden spylje tsjin de nûmers ien en twa fan de kompetysje.

De winner fan de AFC spilet dêrnei tsjin de winner fan de NFC yn de NFL-kampioenswedstriid, de Super Bowl. Dizze wedstriid wurdt spile op in yn it foar bepaalde lokaasje, normaalwei in stêd mei in NFL-team. De wike dêrfoar docht in tal selektearre spilers mei oan de Pro Bowl, dy't sûnt 1979 yn Honolulu (Hawaï) spile wurdt.

Ek yn Jeropa wie der in NFL-kompetysje: NFL Jeropa. Yn dizze kompetysje spilen de Jeropeeske American footballklups, lykas de Amsterdam Admirals. Op 29 juny 2007 waard de NFL Jeropa opheft.

Teams[bewurkje seksje | boarne bewurkje]

Der binne 32 NFL-teams. Eltse klup mei yn it reguliere seizoen in seleksje ha fan op syn meast 53 spilers. Yn tsjinstelling ta de Major League Baseball, Major League Soccer, National Basketball Association en de National Hockey League, hat de NFL gjin Kanadese teams, om't dy mei de Canadian Football League harren eigen kompetysje hawwe.

De folgjende teams spylje yn de NFL:

American Football Conference
Difyzje Team Stadion Stêd/gebiet
East Buffalo Bills New Era Field Orchard Park (Buffalo)
Miami Dolphins Hard Rock Stadium Miami Gardens (Miami)
New England Patriots Gillette Stadium Foxborough (Massachusetts)
New York Jets MetLife Stadium East Rutherford (New York)
North Baltimore Ravens M&T Bank Stadium Baltimore
Cincinnati Bengals Paul Brown Stadium Cincinnati
Cleveland Browns FirstEnergy Stadium Cleveland
Pittsburgh Steelers Heinz Field Pittsburgh
South Houston Texans NRG Stadium Houston
Indianapolis Colts Lucas Oil Stadium Indianapolis
Jacksonville Jaguars TIAA Bank Field Jacksonville
Tennessee Titans Nissan Stadium Nashville
West Denver Broncos Sports Authority Field at Mile High Denver
Kansas City Chiefs Arrowhead Stadium Kansas City
Oakland Raiders Oakland-Alameda County Coliseum Oakland
Los Angeles Chargers StubHub Center Los Angeles
National Football Conference
Difyzje Team Stadion Stêd/gebiet
East Dallas Cowboys AT&T Stadium Arlington (Dallas)
New York Giants MetLife Stadium East Rutherford (New York)
Philadelphia Eagles Lincoln Financial Field Philadelphia
Washington Redskins FedEx Field Landover (Washington)
North Chicago Bears Soldier Field Chicago
Detroit Lions Ford Field Detroit
Green Bay Packers Lambeau Field Green Bay
Minnesota Vikings U.S. Bank Stadium Minneapolis
South Atlanta Falcons Georgia Dome Atlanta
Carolina Panthers Bank of America Stadium Charlotte
New Orleans Saints Mercedes-Benz Superdome New Orleans
Tampa Bay Buccaneers Raymond James Stadium Tampa
West Arizona Cardinals University of Phoenix Stadium Glendale (Phoenix)
Los Angeles Rams Los Angeles Memorial Coliseum Los Angeles
San Francisco 49ers Levi's Stadium Santa Clara (San Francisco)
Seattle Seahawks CenturyLink Field Seattle

Measte titels[bewurkje seksje | boarne bewurkje]

Rekôrkampioen is Green Bay Packers mei trettjin NFL-titels, folge troch Chicago Bears en New York Giants, mei respektyflik njoggen en acht titels.