Naema Tahir

Ut Wikipedy
Jump to navigation Jump to search

Naema Tahir (Slough (ûnder Londen), 23 augustus 1970) is in Nederlânsk skriuwer. Se is de dochter fan Pakistaanske âlden.

Yn 1980 kaam de hûshâlding Tahir nei Nederlân om har nei wenjen te setten yn Etten-Leur. Tahir wenne efterelkoar yn Slough, Etten-Leur, Faisalabad (Punjab), dêr't har âlden oarspronklik wei komme, Leien, Lagos en Straatsburch. Sy studearre Nederlânsk en rjochten yn Leien oant 1996 en wurke as jurist foar Nederlânske en ynternasjonale ynstellingen. Sy wennet yn Straatsburch, dêr't sy oant maart 2006 jurist minskerjochten foar de Ried fan Jeropa wie. Sy gong mei ferlof om faker yn Nederlân wêze te kinnen en oan har Nederlânsktalige boeken wurkje te kinnen. Omdat Nederlânsk har fjirde taal is giet it skriuwen yn dy taal better at sy it geregeldwei heard, lêst.

Troch har opiny-artikelen yn de NRC krige sy it stimpel 'kritysk moslima'. Tahir wie ien fan de seis froulju dy't ynterviewd waarden yn it boek De derde feministische golf fan de Flaamske polityk-filosoof Dirk Verhofstadt en waard ek útnûge foar it telefyzjeprogramma Zomergasten, jiergong 2008.[1]

Fan 2011-2012 wie Tahir kollumnist by Buitenhof en it NCRV-telefyzjeprogramma Altijd Wat.

Tahir is troud mei rjochtsfilosoof Andreas Kinneging.

Bibliografy[bewurkje seksje | boarne bewurkje]

  • Een moslima ontsluiert, 2004
  • Kostbaar bezit, 2006
  • Eenzaam heden, 2008
  • Groenkapje en de bekeerde wolf, 2008
  • Bruid van de dood, 2011
  • Gesluierde vrijheid : de moslima in de moderne wereld, 2015
  • Brieven in Urdu, 2016

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Naema Tahir te gast bij Zomergasten VPRO, snein 10 augustus 2008