Minnie Devereaux

Minnie Devereaux
akteur
Devereaux (l.) mei kollega-aktrise Mabel Normand yn 1917.
persoanlike bysûnderheden
echte namme	Minnie Devereaux
berne	1869
berteplak	Canadian (Oklahoma)
stoarn	5 juny 1923 (53-54 jier)
stjerplak	(Los Angeles
jierren aktyf	1913 – 1923
offisjele webside
n.f.t.

Minnie Devereaux (rjochts) yn Food for Scandal (1920) mei Wanda Hawley en Margaret McWade

Minnie Devereaux (1869 – 1923) wie in Native American aktrise fan Yndiaansk komôf út it tiidrek fan 'e stomme film. Hja stie ek wol bekend as Minnie Prevost, Minna Prevost, Indian Minnie of Minnie Ha-Ha (in wurdspiling op it Yndiaanske personaazje Minnehaha, út Longfellow syn epysk gedicht Hiawatha).

Libben en karriêre

Minnie Devereaux waard yn 1869 berne yn Oklahoma (Sjajinne en Arapaho Stamme fan Oklahoma), as de dochter fan it Sjajinske opperhaad Mannich Hynder. Hja folge in oplieding oan 'e Yndiaanske Niverheidsskoalle yn Carlisle, yn 'e Amerikaanske steat Pennsylvania.

Fan 1913 oant en mei 1923 spile Devereaux yn trettjin Amerikaanske stomme films, lykas Fatty and Minnie He-Haw (1914), Mickey (1918), A Daughter of the Wolf (1919), Rose of the West (1919), ‘If Only’ Jim (1920) en The Girl of the Golden West (1923). De rollen dy't hja fertolke wiene ornaris stereotype ôfbyldings fan Yndianen sa't dy doe sjoen waarden. Devereaux stoar yn 1923, yn 'e âlderdom fan 53 of 54 jier.

Filmografy

Filmografy as akteur
jier	titel	rol of funksje	opmerkings
films
1913	Old Mammy's Secret Code		fermeld as Minnie Prevost
1914	Fatty and Minnie He-Haw	Minnie He-Haw
1915	The Coward	Mammy
1918	Mickey	Minnie	fermeld as Minnie Ha Ha
1919	A Daughter of the Wolf	Mrs. Beavertail
	Rose of the West	Natoosh	fermeld as Minna Prevost
1920	Up in Mary's Attic	harsels	fermeld as Minnie Ha Ha
	‘If Only’ Jim	squaw
	Food for Scandal	Paola
1921	A Ridin' Romeo	squaw
	By Right of Birth		fermeld as Minnie Prevost
1923	The Girl of the Golden West	de squaw
	Suzanna	harsels	fermeld as Indian Minnie

Keppelings om utens

• (in) Folsleine filmografy fan Minnie Devereaux yn 'e Internet Movie Database (IMDb)

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Minnie Devereaux fan Wikimedia Commons.