Marije-Bertetsjerke (Nizjni Novgorod)

Ut Wikipedy
Marije-Bertetsjerke

Рождественская церковь

bouwurk
Nizhny Stroganov (2).jpg
lokaasje
lân Flag of Russia.svg Ruslân
oblast Flag of Nizhny Novgorod Region.svg Nizjni Novgorod
plak Flag of Nizhny Novgorod.svg Nizjni Novgorod
adres Rozjdestvenskaja Ul. 34a
koördinaten 56° 19' N 43° 59' E
bysûnderheden
type bouwurk Katedraal
boujier 1696-1719
boustyl Barok
monumintale status Monumint fan federaal belang
monumintnûmer 5210054003
offisjele webside
tsjerke op de side fan it bisdom

De Marije-Bertetsjerke, bekender ûnder de namme Stroganov-tsjerke of Rozjdestvenskaja-tsjerke (Рождественская церковь), is in russysk-otterdokse tsjerke yn Nizjni Novgorod. De barokke tsjerke waard boud tusken 1696 en 1719 op kosten fan de keapman Grigori Dmitrejevitsj Stroganov. It is ien fan de moaiste foarbylden fan de nei de keapman ferneamde barokke styl en de tsjerke is in monumint fan federaal belang.

Skiednis[bewurkje seksje | boarne bewurkje]

Роскошное оформление окон Строгановской церкви.jpg

De bou fan de tsjerke sette yn 1696 útein yn opdracht fan de ûnbidich rike keapman Grigorij Stroganov. Doe't de bou yn 1701 al in hiel stik eine wie, soarge in brân foar opûnthâld. De ynwijing fûn lang om let yn 1719 plak troch de aartsbiskop fan Nizjni Novgorod. Letter hawwe der noch mear brannen west (1768, 1782 en 1788).

Ynearsten stie de klokketoer frij fan de tsjerke, mar letter is der in oerdekte gong tusken de toer en de tsjerke boud. Alde ôfbylden litte oarspronklik griene koepels sjen, mar yn de 19e iuw binne dy ferfongen troch de op de Moskouse Basiliuskatedraal ynspirearre koepels. Ramen, portalen en pylders hawwe allegear tige rike kalkstiennen dekoraasjes. Yn de jierren 1860 wie de klokketoer sa út it lead rekke, dat de boppeste ferdjippings ôfbrutsen en op ' nij boud wurde moasten

Yn 1913 waard de tsjerke hielendal restaurearre.

De tsjerke nei de revolúsje[bewurkje seksje | boarne bewurkje]

De tsjerke waard yn de jierren 1930 fan 'e bolsjewiken sletten en foar ôfbraak nominearre. In lokale preester koe dat troch te wizen de kulturele wearde fan de tsjerke as in monumint fan de Stroganov-barok mei histoaryske dokuminten, ôfbylden en in lêzing op it kantoar fan de autoriteiten tefoarren komme. Ynstee fan sloop waard it gebou in 'Museum fan Religy en Atéisme', wylst de lieding fan it museum yn hannen kaam fan de preester. Yn de Twadde Wrâldkriich waard it gebou brûkt as apteek en dêrnei as pakhûs.

Weromjefte[bewurkje seksje | boarne bewurkje]

Op 3 juny 1993 waard de tsjerke op 'e nij yn gebrûk nommen troch de Russysk-Otterdokse Tsjerke. Fan de oarspronklik 46 ikoanen dy't de tsjerke besiet, binne der 43 bewarre bleaun. Op 23 juny 2008 oerhannige Vladimir Pûtin in wichtich ikoan oan it bisdom, de saneamde Ferrizenis-ikoan. De ikoan wie earder yn 2004 út de katedraal stellen en kaam nei't in Estske samler de ikoan oankocht nei Ruslân werom.

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: ru:Рождественская церковь (Нижний Новгород)