Koeweit

Ut Wikipedy
Gean nei: navigaasje, sykje
Dawlat al-Kuwayt
Flagge fan Koeweit Wapen fan Koeweit
Flagge Wapen
Lokaasje fan Koeweit
Offisjele taal Arabysk
Haadstêd Koeweit
Steatsfoarm Konstitúsjonele monargy
Gebiet
% wetter
17.818 km²
0,0­%
Ynwenners (2005) 2.867.000
Munt Kuwaiti Dinar (KWD)
Tiidsône UTC +3
Nasjonale feestdei 25 febrewaris
Lânkoade KWT
Ynternet .kw
Tillefoan 965
Kaart fan Koeweit

Koeweit is in lan yn Midden-Easten. De haadstêd is ek Koeweit en de emir fan de monargy is sûnt 2006 Sabah Al-Ahmad Al-Jaber Al-Sabah.

Koeweit wurdt begrinzge troch:

Skiednis[bewurkje seksje | edit source]

Koeweit makke fan ôf de 8e ieu part út fan it Abbasidenryk. Letter waard it opnommen yn it Ottomaanske ryk (16e ieu), der't lang om let ek in foarm fan selstannigens krige yn de foarm fan in prinsdom. De tsjinwurdige hearskjende famylje stamt fan ien fan dizze prinsen, sjeik Sabah al-Awwal ôf, dy't hearske fan 1756 oant 1772.

Yn 1899 tekene de doetiidske prins, sjeik Mubarak, in ferdrach mei de Britten, der't troch it in Britsk protektoraat waard. Yn 1914 erkende de Britske oerheid Koeweit as in ûnôfhinklik lan, mar wol ûnder Britske proteksje. Yn 1961 waard Koeweit folslein ûnôfhinklik. Yn de tuskentiid hie de ûntdekking fan oalje ta in grutte rykdom laat. Dit luts in protte gastarbeiders oan, dy't gjin steatsboargerskip krije koenen.

Alhoewol't it lan in bûnsmaat wie fan Irak tidens de Irak-Iran oarloch, waard it troch Irak beset en op 2 augustus 1990 anneksearre. De besetting wie it begjin fan de Golfoarloch fan 1990-1991, der't Koeweit yn jannewaris 1991 troch in ynternasionale koalysje ûnder lieding fan de Feriene Steaten befrije waard.

Geografy[bewurkje seksje | edit source]

Koeweit bestiet foar it grutstepart út woastyn mei hast gjin hichteferskil. It klimaat is skrok en hjit. Oan de noardkust fan de Perzyske Golf lizze in oantal eilannen, dêr't Bubiyan it grutste fan is.

De wichtichste stêden binne Koeweit, Salimiyah (mei de measte ynwenners) en Hawalli.

Nei it suden ta lizze ek noch wat lytse eilantsjes.

Demografy[bewurkje seksje | edit source]

Arabieren meitsje om-ende-by 57% fan de befolking út fan Koeweit. Yn de 20e ieu is de befolking fan Koeweit, foaral fanwege de komst fan in proatte arbeiders (de saneamde ekspats), ferfyftichfoudige. Under de ekspats binne in soad steatenleaze Arabieren lykas bedoeïenen) en fjirder immigranten út lannen as Pakistan, Bangladesh en de Filipijnen. De befolking is foar 85% moslim.

Gouverneminten[bewurkje seksje | edit source]

Koeweit is opdield yn seis gouverneminten (muhafazat):