Keystone B-6

Ut Wikipedy
Jump to navigation Jump to search
Keystone B-6

Keystone B-6A.jpg

Rol Lichte bommesmiter en postfleantúch
Makker Keystone Aircraft
Earste flecht 1930
Yn tsjinst 1931
Tal makke 5 Y1B-6 + 39 B-6A
Brûkers United States Army Air Corps
In B-6 yn de funksje fan postfleantúch yn in sniestoarm

De Keystone B-6 wie in twadeks lichte bommesmiter ûnwurpen foar de loftfeartôfdieling fan it Amerikaanske leger, it United States Army Air Corps.

Skiednis[bewurkje seksje | boarne bewurkje]

In 1931 ûntfong it United States Army Air Corps fiif tastellen (Y1B-6s) fan de B-6 bommesmiter. De Loftfeartôfdieling bestelde 39 produksjemodellen op 28 april 1931, dy't tusken augustus 1931 en jannewaris 1932 levere waarden.[1]

Tagelyk waarden ek 25 B-4As besteld, itselde tastel mat útrist meit Pratt & Whitney-motors yn stee fan Wright Cyclones. Dy tastellen wien de lêste twadeks bommesmiters mei in houten frame beklaaid mei kanvas dy't it Loftkorps fan it leger besteld hat.

De prestaasjes fan de B-6A ferskilde net follen fan de Martin NBS-1 dy't al yn 1921 oanskaft wiene. De modernere iendeks bommesmiter woe men lykwols lange tiid net oan. Sa wiene de iendekkers Douglas Y1B-7 en Fokker XB-8 oarpronklik ûnwurpen as flugge ferkenningsmasines.

Operasjonele skiednis[bewurkje seksje | boarne bewurkje]

De B-6A en de B-5A wiene earste-liny bommesmiters fan de Feriene Steaten tusken 1930 en 1934. Dêrnei tsjinnen se oant yn de iere jierren fjirtich as ferkenningsfleantugen.

B-6 tastellen waarden, lykas ek in protte oare tastellen fan it Army Air Corps, teffens postfleantúchen brûkt wat útrinne soe yn it Loftpostskandaal fan 1934.

Op 27 desimber 1935 waarden seis B-6 tastellen fan it 23e Bomb Squadron, stasjonearre op Hawaï, ynset om troch in bombardemint de rin fan de lavastream fan de fulkaan Mauna Loa te feroarjen dy't de havenstêd Hilo bedriigde.

Spesifikaasjes (B-6A)[bewurkje seksje | boarne bewurkje]

  • Bemanning: 5
  • Langte: 14,9 m
  • Spanwiidte: 22,8 m
  • Hichte: 4,8 m
  • Fleugeloerflak: 106,4 m²
  • Gewicht leech: 3665 kg
  • Gewicht laden: 6056 kg
  • Oandriuwing: 2 Wright R-1820-1 radiaalmotors fan 575 hk (429 kW) it stik
  • Heechste faasje: 190 km/o
  • Krúsfaasje: 166 km/o
  • Fleanberik: 1.330 km
  • Tsjinstplafond: 6.400 m
  • Belesting: 56,92 kg/m²
  • Bewapening: 3 × .30 in (7.62 mm) Browning masinegewearen; bommen: 1.100 kg; 1.800 kg op koarte flechten

Farianten[bewurkje seksje | boarne bewurkje]

LB-13
Sân tastellen besteld, mar ôflevere as Y1B-4 en Y1B-6 mei ferskillende motors.
Y1B-6
Twa protoypes en trije oanpaste B-3As, as LB-10, mar mei twa 575 hk (429 kW) Wright R-1820-1 motors.
B-6A
Produksjeferzje fan de Y1B-6, 39 fan makke.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Baugher, Joe. "Keystone B-6." American Military Aircraft, 11 july 1999. Sjoen: 29 july 2011.