Kees Vrijling
Kornelis Jakobus (Kees) Vrijling (Kerkdriel, 18 oktober 1914 – Akkrum, 10 febrewaris 2004) wie in Nederlânske politikus fan de PvdA.
Syn heit ferstoar foar syn berte en syn mem doe't hy twa jier âld wie. Hy waard grutbrocht troch syn beppe en wie as njoggenjierrige bûten skoaltiid al bakkersfeint om wat by te fertsjinjen foar syn libbensûnderhâld. Nei de ambachtsskoalle waard hy masinebankwurker en hat hy wurke by Werkspoor en Fokker. Hy wie aktyf binnen de Vrijzinnig Democratische Jongeren Organisatie (VDJO); de jongereinorganisaasje fan de Vrijzinnig Demoratische Bond (VDB) dy't yn 1946 opgie yn de PvdA. Vrijling wie ôfdielingssekretaris by de VDJO en woe de sjoernalistyk yn, mar moast yn 1943 ûnderdûke. Nei de Twadde Wrâldoarloch wurke hy as redakteur by Het Parool. Yn 1962 waard Vrijling beneamd as boargemaster fan Idaerderadiel en bleau dat oant syn pinsjoen ein 1979.
Hy ferstoar yn 2004 op 89-jierrige leeftiid.
| Boarnen, noaten en/as referinsjes: |
|
- Nederlânsk bakker
- Nederlânsk fabryksarbeider
- Nederlânsk politikus
- Nederlânsk liberaal
- Nederlânsk sosjalist
- Underdûker yn de Twadde Wrâldkriich
- Nederlânsk kranteredakteur
- Frysk bakker
- Frysk fabryksarbeider
- Frysk politikus
- Frysk liberaal
- Frysk sosjalist
- Frysk kranteredakteur
- Boargemaster fan Idaerderadiel
- PvdA-politikus
- Frysk persoan fan Nederlânsk komôf
- Persoan stoarn yn Akkrum
- Persoan berne yn 1914
- Persoan stoarn yn 2004