Katedraal fan Piazza Armerina

Ut Wikipedy
Jump to navigation Jump to search
Katedraal fan Piazza Armerina

Cattedrale di Piazza Armerina

De katedraal yn it histoaryske sintrum fan Piazza Armerina
De katedraal yn it histoaryske sintrum fan Piazza Armerina
lokaasje
lân Flag of Italy.svg Itaalje
regio Flag of Sicily.svg Sisylje
plak Piazza Armerina
bysûnderheden
type bouwurk Katedraal
boujier 1604-1742
boustyl Goatyk, barok
webside Side bisdom

De Katedraal fan Piazza Armerina (Cattedrale di Piazza Armerina; ek: Cattedrale di Maria Santissima delle Vittorie, Katedraal fan de Hillige Marije fan de Oerwinnings) is de katedraal fan it bisdom Piazza Armerina. De katedraal waard boud op it heechste plak yn de Italjaanske stêd Piazza Armerina op Sisylje.

Bouskiednis[bewurkje seksje | boarne bewurkje]

Ikoan fan de Madonna fan de Oerwinnings

Mei de bou fan de tsjerke waard op it plak fan in âldere tsjerke út de 15e iuw yn 1604 útein set. Nei in pear kear in mislearre besykjen, waard de bouopdracht oan Orazio Torriani jûn. Nei in underbrekking fan likernôch fjirtich jier tusken 1666 en 1705 waard de katedraal foltôge en yn 1742 ynwijd. De koepel moast doe noch boud wurd en kaam pas ree yn 1768.

De monumintale trep dy't nei de tsjerke liedt waard yn 1881 lein neffens it ûntwerp fan de lokale arsjitekt Giuseppe Giunta Bartoli.

De âldere 40 meter hege en yn de styl fan de Katalaanske lette goatyk boude klokketoer stamt út de 15e iuw. Fan de foargonger fan de hjoeddeiske tsjerke bleau útsein dy klokketoer en de doopkapel neat oer.

Beskriuwing[bewurkje seksje | boarne bewurkje]

De 76,5 meter hege krusingskoepel (foltôge yn 1719) tuorket fier boppe de omlizzende bebouwing út. It is de heechste fan it eilân. It portaal waard yn de 18e iuw tafoege en fertjintwurdiget de Sisyljaanske barok.

It ynterieur fan de katedraal wurdt behearske troch de hege sintrale koepel. Yn de triomfbôge hinget in oan beide kanten beskildere krús út 1485, dat de krusiging en de opstanning fan Kristus fertsjintwurdiget. De doopkapel is in keunstwurk fan Antonuzzo Gagini en stamt noch fan de âlde tsjerke.

Ta de tsjerkeskat wurdt de sulveren opset fan it heechalter út 1627 rekkene. Underdiel fan it alter is it byzantynske "Ikoan fan de Madonna fan de Oerwinnings". Greef Rogier I droech it ôfbyld fan de Madonna op de banier by him yn de striid om it lân te befrijen fan de Sarasenen . Efter it alter binne de grêfmonuminten fan Marco Trigona († 1598) en Melchiorre Trigona († 1637). Oan wjerssiden fan it heechalter binne yn de muorre twa grutte finsters mei brânskildere ramen fan de apostels Petrus en Paulus en boppe it heechalter yn it sintrum in raam fan de Ferlosser. It koerstuolte datearret fan 1795.

Paus Jehannes XXIII joech de katedraal yn febrewaris 1962 de status fan basilyk

Boarnen, noaten en referinsjes[boarne bewurkje]

Boarnen, noaten en/as referinsjes: