Karmelitetsjerke (Lviv)

Ut Wikipedy
Springe nei navigaasje Springe nei sykjen
Sint-Michaeltsjerke
Львів DSC3363.jpg
lokaasje
lân Flag of Ukraine.svg Oekraïne
oblast Flag of Lviv Oblast.svg Lviv
plak Flag of Lviv.svg Lviv
bysûnderheden
type bouwurk Tsjerke
boujier 1623-1642
arsjitekt Jan Pokorowicz

De Karmelitetsjerke en Sint-Michaeltsjerke is de tsjerke fan it karmelitekleaster yn Lviv yn de Oekraïne. Yn 1748 foarme de tsjerke it toaniel fan in beruchte striid tusken de Karmeliten en harren buorlju, de Kapusinen.

Om't de tsjerke bûten de grinzen fan de binnenstêd lei moast de tsjerke goed fortifisearre wurde. Dochs plonderen de Kozakken en de Sweden de tsjerke. De gevel waard yn de 19e iuw op 'e nij boud, mar it gebou hat noch in soad fan it âlde karakter en it ûntwerp fan de arsjitekt Jan Pokorowicz bewarre. It neamen wurdich binne it 300 jier âlde alter fan swart moarmer en in rige fresko's fan Giuseppe Pedretti út de jierren 1730.

De tsjerke gyng nei 1789 oer yn hannen fan in tal ferskillende eigners, oant de Oekraynske Gryksk-Katolike Tsjerke it gebou krige en it yn 1991 op 'e nij wijde oan Michael de Aartsingel.

Skiednis[bewurkje seksje | boarne bewurkje]

Fresko's

Yn 1613 waard op it plak in houten kleaster stifte foar de Karmeliten-sûnder-skuon. It is bekend dat der yn 1634 in stiennen tsjerke boud waard, dy't yn 1644 ynwijd waard. Tsjerke en kleaster waarden skeind yn de tiid fan de Chmelnytsky-opskuor (1648) en de Noardske Krigen (1704). Yn 1731-1732 waarden de barokke fresko's oan it plafond en de muorren oanbrocht.

De oarder fan de Karmeliten-sûnder-skuon moasten it kleaster yn 1781 ferlitte en ferhûze nei Zagórze. It kleaster waard yn 1794 oerdroegen oan in herfoarmingsoarder en yn 1789 oan de Karmeliten-mei-skuon. Tusken 1835 en 1839 fûn de bou fan de tuorren oan wjerskanten fan de gevel plak. Se waarden lykwols pas yn 1906 foltôge doe't by in restauraasje de boppeste ferdjippings foltôge waarden by in restauraasje.

It kleaster waard yn 1945 sletten en de muontsen teagen nei Krakau. It kleasterkompleks waard foar de opslach brûkt en wie tydlik fan it Natoerwittenskiplik-Technysk Stedsmuseum.

Yn de jierren 1960 en 1970 wie it kleaster in sintrum foar de alternative jongereinkultuer fan Lviv en waarden der konserten yn de kleastertún holden. Sûnt 1980 wurdt it kompleks restaurearre.

De tsjerke waard yn 1991 oan de Gryksk-Katolike Tsjerke oerdroegen, dy't de gebouwen beskikber stelden oan de Oarder fan de Studiten.

Boarnen, noaten en referinsjes[boarne bewurkje]

Boarnen, noaten en/as referinsjes:
  • Dizze side is alhiel of foar in part in oersetting fan de Dútsktalige Wikipedyside; sjoch foar de bewurkingsskiednis: de:Michaelskirche (Lwiw)