Jersey (ko)

Ut Wikipedy
Jump to navigation Jump to search
Jersey’s

Jersey is in lyts koweras dat ûntstien is op it Britske Kanaaleilân Jersey.

Troch in ymportferbod koe dit ras him sûnder ynfok fan oare rassen ûntjaan op Jersey. Yn 1866 ûntstie it earste stamboek. Letter waarden Jersey’s eksportearre nei Ingelân, Denemark, Austraalje en Nij-Seelân. It is it meast wiidfersprate molkkoweras fan de wrâld. Sy jouwe trochstrigs sa’n 3500 oant 4000 kilo molke it jier mei in fethalte fan 5-6% en in aaiwythalte fan sa’n 4,4 %. De molke is gaadlik foar bûterproduksje.
Guon boeren hâlde in stikmannich Jersey’s yn har keppel om it fet- en aaiwythalte fan de bedriuwsmolke te ferheechjen. Fierders wurdt dit ras brûkt om mei oare rassen te krusen en sa de molkkwaliteit te ferbetterjen. Foar de fleisproduksje hat de Jersey net folle te betsjutten.

Uterlik[bewurkje seksje | boarne bewurkje]

De Jersey hat hoarnen is giel oant grys-brún. Sy hawwe in skofthichte fan 120-127 sintimeter. Bollen kinne 700 kilogram swier wurde, kij wage meast 350 oant 400 kilogram. Sy hawwe in guodlik karakter.