Java Bank
.jpg)
De Javasche Bank (ek wol de Java Bank) wie yn it earstoan in gewoane bank en letter de nasjonale bank fan Nederlânsk-Ynje; de bank hat formeel fan 1863 oant 1953 bestien. Yn 1951 wie de bank al oernaam troch it Yndonezysk regear. Yn 1953 waard hy de sintrale bank fan Yndoneezje en waard de namme feroare yn Bank Nasional Indonesia (BNI) en no hjit de sintrale bank Bank Indonesia (BI).
De oprjochter fan de Java Bank wie de bankier C.F.W. Wiggers van Kerchem, dy't doe tagelyk ek in fersekeringsmaatskippij foar Nederlânsk-Ynje oprjochte, de NILLMIJ. It haadkantoar waard festige yn Batavia (no Jakarta).
Yn 1891 waard it kantoar fan de Java Bank yn Amsterdam iepene, dat yn 1922 de Bijbank Javasche Bank kaam te hjitten, ek wol de Javasche Bank Nederland neamd. Letter waard der ek noch in kantoar yn New York iepene.
De Javasche Bank hie sechtjin kantoaren yn Nederlânsk-Ynje, nammentlik yn (stavering fan no) Bandûng, Cirebon, Semarang, Yogyakarta, Surakarta, Soerabaja, Malang, Kediri, Banda Aceh, Medan, Padang, Palembang, Banjarmasin, Pontianak, Makassar en Manado.
Presidint-direkteuren
[bewurkje seksje | boarne bewurkje]
De presidint-direkteuren fan de Javasche Bank fan 1863 oant it oernimmen fan it Yndonesysk regear yn 1953 wienen efterelkoar:
- C.F.W. Wiggers van Kerchem (1863-1868)
- J.W.C. Diepenheim (1868-1870)
- F. Alting Mees (1870-1873)
- N.P. van den Berg (1873-1889)
- S.B. Zeverijn (1889-1893)
- D. Groeneveld (1893-1898)
- J. Reijsenbach (1899-1906)
- G. Vissering (1906-1912)
- E.A. Zeilinga (1912-1924)
- L.J.A. Trip (1924-1929)
- G.G. van Buttingha Wichers (1929-1945)
- R.E. Smits (1946-1949)
- A. Houwink (1949-1951)
- S. Prawiranegara (1951-1953)
Keppeling om utens
[bewurkje seksje | boarne bewurkje] |
Ofbylden dy't by dit ûnderwerp hearre, binne te finen yn de kategory Javasche Bank fan Wikimedia Commons. |