Jan Kromkamp

Ut Wikipedy
Jump to navigation Jump to search
Jan Kromkamp

Jan Kromkamp (Makkingea, 17 augustus 1980) is in fuotballer dy't op dit stuit (2007) ûnder kontrakt stiet by PSV Eindhoven.

Kromkamp waard berne yn Makkingea, mar groeide it grutste part fan syn jeugd op yn Apeldoorn. Hy spile yn syn jeugd by AGOVV en waard skoute troch Go Ahead Eagles. Hy makke syn debút yn it proffuotbal op 12 septimber 1998 yn de wedstryd Go Ahead Eagles - TOP Oss 3-0, dêr't er nei 72 minuten ynfoel foar Hendrie Krüzen.

Nei in goede perioade by "De Eagles" waard hy opmurken troch AZ dêr't er definityf trochbruts. Op 18 augustus 2004 tsjin Sweden (2 - 2) makke hy syn debút foar it Nederlânsk alvetal. Hy hat no 11 ynterlâns spile. Yn de simmer fan 2005 makke Kromkamp de oerstap nei it bûtenlân. Hy tekene in kontrakt by de Spaanske klup Villarreal CF dat him foar de UEFA Champions League pleatst hie.

By Villarreal CF kaam Kromkamp net folle oan spyljen ta. Yn desimber 2005 tekene hy in kontrakt by Liverpool FC. Foar dy klup makke hy syn debút op 7 jannewaris 2006, yn in útwedstriid tsjin Luton Town FC yn de FA Cup. Neidat hy ek by Liverpool FC op in sydspoar terjochte kommen wie, wie der út Nederlân wei belangstelling fan PSV, dêr't er in kontrakt foar fiif seizoenen tekene. By PSV wûn er yn syn earste seizoen daliks de lânstitel.

Op 26 maaie 2007 waard Jan Kromkamp, nei ôfrin fan in freonskiplike wedstryd op in parkearterrein mishannele troch in oantal manlju.

Earelist[bewurkje seksje | boarne bewurkje]

  • FA Cup 2005/2006 (Liverpool)
  • Earedifyzje 2006/07 (PSV)

Keppeling om utens[bewurkje seksje | boarne bewurkje]