Ireen Sheer

	Ireen Sheer
	sjonger en/of muzikant
	persoanlike bysûnderheden
echte namme	Ireen Wooldridge
nasjonaliteit	Britsk ; Dútsk ;
berne	25 febrewaris 1949
berteplak	Romford, Ingelân
etnisiteit	Dútsk-Ingelsk
	wurkpaad
sjongtaal	Dútsk
jierren aktyf	1960-2023
	offisjele webside
	ireensheer.de

Ireen Sheer (echte namme: Ireen Wooldridge; berne op 25 febrewaris 1949 in Romford, Ingelân) is in Dútsk-Britske schlagersjongeres. Hja waard twatalich grutbrocht yn Billericay, Esseks, Ingelân en gyng dêr nei skoalle ta.

Wurkpaad

Ireen Sheer is de dochter fan in Ingelske heit († 2017) en in Dútske mem († 2009). Hja waard ûntdutsen by in talintwedstriid en wurke yn de jierren 1960 tegearre mei popgroepen lykas The Family Dogg.

Sûnt 1970 wurke hja ynearsten mei Ingelsktalich wurk as solosjongeres. Om't hja twatalich grut brocht wie waard de Ingelske hit "Hey Pleasure Man" yn de ferzje "Oh Holiday" yn Dútsktalige lannen útbrocht. Njonken de single "Goodbye Mama", dy't yn de Dútske top 5 telâne kaam, krige hja noch in pear hits yn de offisjele hitlisten.

Yn 1974 fertsjintwurdige Ireen Sheer Lúksemboarch op it Eurofyzjesongfestival mei it yn it Frânsk songen "Bye Bye, I Love You", wermei't hja op it fjirde plak einige. Fjouwer jier letter waard hja foar Dútslân nei it Eurofyzjesongfestival stjoerd en einige doe mei "Feuer" op it sechde plak. Tegearre mei Margo, Franck Olivier, Chris Roberts, Diane Solomon & Malcolm Roberts fertsjintwurdige Ireen Sheer yn 1985 op 'e nij Lúksemboarch op it Eurofyzje Songefestifal mei Children, Kinder, Enfants. It liet einige doe op plak 13. Fierder besocht hja noch in pear kear oan it Eurofyzjesongfestival mei te dwaan: yn 1976 mei "Einmal Wasser, einmal Wein"en yn 2002 tegearre mei "Es ist niemals zu spät", mar is doe net fierder as de seleksje.

Tusken 2005 en 2019 hie hja nochris trije albums yn de hitlisten. Yn in karriêre fan 50 jier hat hja mear as 20 albums en mear as 110 singles útbrocht. Njonken solo-opnames song Ireen Sheer ek mei har doetiidske man Gavin du Porter en mei Bernhard Brink, Gilbert Bécaud en Cliff Richard.

Yn 2017 die Ireen Sheer mei oan it bandprojekt "Schlagerstars für Kinder" om jild yn te sammeljen foar bern yn need. De krysthit "Auf Einmal" waard yn 2017 troch de band útbrocht en yn 2018 nochris troch in grutter tal schlagerstjerren opnommen en dat jier op 'e nij mei Kryst útbrocht.

Op 27 novimber 2021 makke Ireen Sheer yn de ARD-útstjoering "Das Adventsfest der 100.000 Lichter" kundich dat hja yn 2023 mei noch in lêste rige konserten yn it lân ôfskie nimt fan har publyk.

Underskiedings

Ireen Sheer krige ferskate gouden platen yn har karriêre. Twaris waard hja ûnderskieden mei de "Goldene Stimmgabel", nammentlik yn 1981 en 1993.

Libben

Sûnt 1973 libbet Ireen Sheer yn Dútslân. Fjouwerentweintich jier wie hja mei Gavin du Porter. Nei't hja útinoar gien wiene libbet hja sûnt septimber 2016 tegearre mei har manager yn Berlin-Wilmersdorf, mei wa't hja yn augustus 2010 troude. Yn juny 2019 frege Ireen Sheer de Dútske nasjonaliteit oan, dy't har op july 2020 ferliend waard.

Diskografy (albums)

Jier	Album	Label
1972	Keine liebt dich so wie ich	Polydor
1974	Nur noch einen Tanz	Polydor
1974	English Favorites	Polydor
1979	Ireen Sheer	EMI
1991	Ireen Sheer	EMI
1993	Das gewisse Etwas	Activ
1995	Tanz mit mir	AME
1997	Ich vermisse Dich	Koch
1998	Weil Du mein Leben bist	Koch
2001	Ein Kuss..	Koch
2001	Zeitlos	Koch
2002	Es ist niemals zu spät (tegearre mei Bernhard Brink)	Koch
2003	Leben heißt lieben	Koch
2005	Bin wieder verliebt	White
2007	Mein Weg zu Dir	White
2008	Frei	Gloriella
2009	Weihnachten mit Ireen Sheer	Gloriella
2010	Männer	Gloriella
2012	Heller als die Sterne	Gloriella
2015	Showtime	Firework
2019	Ich muss mir nichts mehr beweisen	Telamo

Keppeling om utens