In part fan dy
'In part fan dy' is in duet fan de Fryske sjongers Marcel Smit en Gerbrich van Dekken.
De single waard op 1 maart 2013 as single presintearre yn it radioprogramma Noardewyn fan Omrop Fryslân. Marcel Smit en Gerbrich van Dekken songen it nûmer foar it earst as duet op it earste Frysk Sjongers Gala fan novimber 2012. It nûmer wie troch Marcel Smit skreaun as gitaarnûmer, mar waard troch Peter van der Zwaag omsetten yn in pianoarranzjemint. Yn de live ferzje spilet multy-ynstrumintalist Hubert Heeringa op fioele, mar op de single spilet er sopraansaksofoan. [1]
Marcel Smit skreau it nûmer nei it sjen fan in ynterview mei pianist Billy Joel. Dat petear gie der oer dat minsken nei harren dea net ferdwine, mar trochbestean yn it ûnthâld fan oare minsken. It liet waard – op plak tsien – de heechste nije binnenkommer yn de Fryske Top 100 fan 2013. Ek de jierren dêrnei bleau it yn de top tsjien fan dy list.
Cover
[bewurkje seksje | boarne bewurkje]Yn 2018 covere de band The Bounty Hunters fan Johannes Rypma in diel fan 'In part fan dy'. Dit diene se nei oanlieding fan de muzykrubryk fan Fryslân Hjoed.[2] Yn dy rubryk wurde Fryske artysten útdage om in ferske út de Fryske top 100 te coverjen. It doel is om sa in hiel oare ferzje fan in Frysk nûmer te krijen.
Te hearren op
[bewurkje seksje | boarne bewurkje]- Mear Muzyk (oktober 2014, CD)
- In part fan dy (maart 2013, single)
| Boarnen, noaten en/as referinsjes: |
|
|