Besjoch de boarne foar Hûnsrich

{{Ynfoboks berchtme
| namme                      = Hûnsrich <br> ''Hondsrug''
| ôfbylding                  = Zicht op de Hondsrug.jpg
| ôfbyldingsbreedte          = 280
| ôfbyldingstekst            = Hûnsrich út [[Bronnegerveen]] wei rjochting [[Drouwen]] sjoen
| diel fan                   = Hûnsrichsysteem
| regio                      = 
| lân                        = {{NEDf}}
| bestjoerlike ienheid       = provinsje
| namme bestjoerlike ienheid = {{NL-DRf}} <br> {{NL-GRf}}
| oerflak                    = 
| lingte                     = 70 km
| heechste punt              = [[Hoantsjedún]]
| hichte heechste punt       = 26,5 m
| yndieling                  = [[heuvels]]
| âldens                     = 
| stiensoarte                = [[balstien]]
}}
[[Ofbyld:Cross section Hondsrug Netherlands.svg|thumb|280px|''West-East dwerstrochsneed fan de Hûnsrich op de hichte fan Exloo'']]
De '''Hûnsrich''' ([[Nederlânsk]] en [[Nedersaksysk]]: ''Hondsrug'') is in sânrich fan 70 km op de eastrâne fan it [[Drintsk Plato]], fan [[Grins (stêd)|Grins]] oant [[Erica (Drinte)|Erica]]. Der wurdt meast oannaam dat de Hûnsrich in [[sydmorene]] is. De namme soe komme fan ''[[Hunze]]-rich'', nei de stream dy't oan de eastkant de rich bylâns rint. 

It noardlikste punt fan de Hûnsrich is yn Grins, dêr't it Heechstrjitsje it hichtepunt fan Grins foarmet. Yn it suden is it ''[[Hoantsjedún]]'' by [[Emmen]] it heechste punt fan [[Drinte]], mei 26,5m hichte.

== Untstean ==
De Hûnsrich is de grutste fan in stikmannich rêgen dy't in kompleks fan parallel rinnende langhalige rêgen foarmje. De oare rêgen binne de Rêch fan [[Tynaarlo (doarp)|Tynaarlo]], [[Rolde]]rrêch, De Rêch fan [[Zeijen]], de Rêch fan [[Noardhorn]] en de Rêch fan [[Noarch]]<ref>http://www.kijkeensomlaag.nl/index.php/ijstijden-en-ijstijdafzettingen/het-hondsrugsysteem-in-drenthe It Hûnsrichsysteem in Drinte</ref><ref>{{Aut|Rappol, M.}} (ed.), 1992. ''In de bodem van Drenthe''. Lingua Terra, Amsterdam.</ref>. Dy subglasiale rêgen waarden foarme yn de lêste faze fan de op ien nei lêste iistiid, it let-[[Saalien]] likernôch 130.000 oant 150.000 jier ferlyn. De rêgen besteane út [[balstien]]nen dy't troch it lâniis meinommen waarden. De Hûnsrich rûn eartiids fan Emmen nei [[Baflo]] yn [[Grinslân]]. Oan de eastkant fan de Hûnsrich ûntstie yn it [[Eemien]] de [[Hunzedelling]]. De streamen fan it raanwetter yn dy delling brutsen yn it Eemien tusken Grins en [[Sauwerd]] troch de Hûnsrich en doe ûntstie der op dat plak de [[Keningsleechte]]. Yn it [[Holoseen]] waard it noardlike part bedutsen mei [[klaai]].

Earder waard tocht dat de Hûnsrich in [[driuwwâl]] is. Oanwizings dêrfoar binne lywols allinnich fûn yn it súdlike part. Om't de rêgen allegear spierrjochte foarmen hawwe, wurdt de Hûnsrich as in kompleks fan ''mega[[flute]]s'' beskôge<ref>Ek wol: ''mega-scale glacial lineations'', sjoch Benn & Evans 2005, siden 431-437</ref>. In oare fyzje is dat [[Tektonyk|tektoanyske]] warberens laten ta it foarmjen fan de rêgen yn it gea. Troch seismysk ûndersyk binne dêr gjin oanwizings foar fûn.<ref>Van Balen et al. 2005</ref>
[[Ofbyld:Hoogstraatje RA.JPG|thumb|left|280px|It Heechstrjitsje yn Grins, it noardlikeste punt fan de Hûnsrich]]

== Keppeling om utens ==
* [http://www.kijkeensomlaag.nl/index.php/ijstijden-en-ijstijdafzettingen/het-hondsrugsysteem-in-drenthe It Hûnsrichsysteem yn Drinte]

{{Boarnen|boarnefernijing=
{{Reflist}}
----------
*{{en}} {{Aut|Van Balen, R.T.}}, {{Aut|Houtgast, R.F.}} & {{Aut|Cloetingh, S.A.P.L.}}; 2005: ''Neotectonics of The Netherlands:a review''. Quaternary Science Reviews ,24: 439–454
*{{en}} {{Aut|Benn, D.I.}} & {{Aut|Evans, D.J.A}}; 2005: ''Glaciers & Glaciations'', Arnold
*{{nl}} {{Aut|Berendsen, H.J.A.}}; 2005: ''Landschappelijk Nederland'', Van Gorcum
}}
{{CommonsBalke|Hondsrug|Hûnsrich}}

{{DEFAULTSORT:Hunsrich}}
[[Kategory:Geografy fan Drinte]]
[[Kategory:Geografy fan Grinslân]]