Hugo Gernsback
Hugo Gernsback (Lúksemboarch, 16 augustus 1884 - New York City, 19 augustus 1967) wie in útfiner, skriuwer, redakteur en tydskriftútjouwer.
Gernsback wie in soan fan Berta (Dürlacher), hûsfrou, en Moritz Gernsbacher, wynmakker.[1] Syn famylje wie joadsk.[2] Gernsback emigrearre nei de Amearika yn 1904.[3] Hy troude dêr trije kear: mei Rose Harvey yn 1906, Dorothy Kantrowitz yn 1921 en Mary Hancher yn 1951.
Yn 1925 stichte er it radiostasjon WRNY dat útsjoerde fan de 18e ferdjipping fan it The Roosevelt Hotel yn New York City. Teffens wie er belutsen by de earste tillefyzjeútstjoerings.
Gernsback wurdt beskôge as grûnlizzer fan it science fictiongenre, meidat er yn 1926 oan de widze stie fan it allerearste 'echte' SF-tydskrift Amazing Stories. Hy spile ek in rol by it opgong meitsjen fan it science fiction-fandom troch adressen fan briefskriuwers yn syn tydskrift te publisearjen.
De Hugo Award, mei de Nebula Award de wichtichste SF-priis, is nei Gernsback ferneamd.
Gernsback skreau sels ek de science fiction-roman Ralph 124C 41+, mar dat wurk falt mear op troch rikens oan ideeën as troch literêre kwaliteiten. Hy hat yn syn libben ek 80 patinten op syn namme brocht.
-
Omslach fan Everyday Science and Mechanics, novimber 1931
Keppelings om utens
[bewurkje seksje | boarne bewurkje] |
Ofbylden dy't by dit ûnderwerp hearre, binne te finen yn de kategory Hugo Gernsback fan Wikimedia Commons. |
| Boarnen, noaten en/as referinsjes: |
|
- Lúksemboarchsk romanskriuwer
- Lúksemboarchsk science fiction-skriuwer
- Lúksemboarchsk útfiner
- Lúksemboarchsk útjouwer
- Lúksemboarchsk tydskriftredakteur
- Amerikaansk romanskriuwer
- Amerikaansk science fiction-skriuwer
- Amerikaansk útfiner
- Amerikaansk útjouwer
- Amerikaansk tydskriftredakteur
- Lúksemboarchsk persoan fan Joadsk komôf
- Amerikaansk persoan fan Joadsk komôf
- Amerikaansk persoan fan Lúksemboarchsk-Joadsk komôf
- Persoan berne yn 1884
- Persoan stoarn yn 1967