Hendrik Amersfoordt
Hendrik Amersfoordt (Amsterdam, 30 maaie 1796 - Snits, 8 maaie 1842) wie fan april 1818 oan't 1842 rektor oan de Latynske Skoalle te Snits.
Yn 1827 rjochtte hy tegearre mei Franciscus Binkes en Freerk Fontein it Friesch Genootschap op. Hy wie sûnt 1830 lid fan de Maatskipppij fan de Nederlânske Letterkunde.
Syn leafde foar de letterkunde die hy op yn syn skoalletiid yn Amsterdam. Hy krige dêr ûnder oaren les fan David Jacobus van Lennep, Herman Boscha en van Nuis Klinkenberg. Yn 1821 studearre hy oan de Hege Skoalle fan Amsterdam ôf as Master yn de Bespegeljende Wiisbegearte en Doktor yn de Letterkunde. Amersfoordt hie doe al in oanstelling as Rektor fan de Latynske Skoalle te Snits. Dizze funksje har er oan't syn dea yn 1842 ferfold.
Hendrik Amersfoordt skreau tegearre mei syn freon, de Iisbrechtumer predikant Hans Willem Cornelis Anne Visser it "Archief voor Vaderlandsche en inzonderheid Vriesche Geschiedenis, Oudheid en Taalkunde". Amersfoordt wie fierder siktaris fan de Provinsjale Kommisje foar Underwiis.
| Boarnen, noaten en/as referinsjes: |
|