Haven fan Emden
| Haven fan Emden | ||
 | ||
| Portaalkraan fan de Nordseewerke | ||
| Algemien | ||
| Plak |  Emden | |
| Steat |  Leechsaksen | |
| Lân |  Dútslân | |
| Koördinaten | 53° 21' N 7° 12' E | |
| Havenautoriteit | Niedersachsen Ports | |
| Wetterboarne | ||
| Tijhaven | ja | |
| Wetterboarne | Iemsmûning | |
| Oerslach | ||
| Oerslachfolume | 5.080.000 (2017) | |
| Oare ynfrastruktuer | ||
| Spoarstasjon | Stasjon Emden Außenhafen | |
| Havens tichteby | Iemshaven Haven fan Delfsyl | |
| Webside | ||
| Webside | ||
| Kaart | ||
  | ||
De Haven fan Emden is in seehaven oan de mûning fan de Iems yn de Doalert, yn it East-Fryske diel fan Nedersaksen yn Dútslân. De wichtichste frachten binne auto's, hout- en wynenerzjy-ynstallaasjes. Yn it gefal fan ridend reau is Emden nei Bremerhaven en Zeebrugge de tredde haven fan Europa.
Skiednis
[bewurkje seksje | boarne bewurkje]De skiednis fan de haven fan Emden giet werom oant de 16e iuw, doe’t Emden him ûntjoech ta in hannelsstêd fan belang, foaral yn de tiid fan de Reformaasje en troch hannel mei de Nederlannen en Grut-Brittanje. Troch syn strategyske lizzing oan de Iems krige Emden in wichtige posysje yn de hannel mei koloanjes en yn de lânbou-eksport.
Yn de 19e iuw waard de haven modernisearre yn it ramt fan de yndustrialisaasje. In wichtich momint wie de oanlis fan it Iems-Jade-Kanaal (1861), dat Emden ferbûn mei Wilhelmshaven. Yn de 20e iuw, benammen nei de Twadde Wrâldoarloch, waard de haven stadichoan in sintrum foar de auto-eksport en mineraleferfier.
Tsjintwurdich is de haven ien fan de meast effisjinte en automatisearre havens yn Noardwest-Europa.
Struktuer en yndieling
[bewurkje seksje | boarne bewurkje]De haven fan Emden bestiet út ferskate parten:
- See- en djipwetterhaven: geskikt foar grutte frachtskippen mei in djipgong oant 11 meter.
- Binnenfeartkaden: ferbûn mei it Dútske en Europeeske netwurk fan kanalen en rivieren.
- Autoterminal: ien fan de grutste yn Europa, mei in trochstream fan mear as 1 miljoen auto’s per jier.
- Oalje- en mineralenhaven: foar it ûntfangen fan rûge oalje, koal, keunstdong en oare massafrachten.
- Skipswerfgebiet: mei û.o. ûnderhâld foar de offshore-wynyndustry.
- Passazjiershaven (Emden Außenhafen): foar fearboaten nei Boarkum.
Ekonomysk belang
[bewurkje seksje | boarne bewurkje]De haven fan Emden is in ekonomyske motor foar de hiele regio. Benammen de Volkswagen-fabryk yn Emden brûkt de haven foar eksport fan auto’s nei mear as 60 lannen. Ek wurdt de haven brûkt foar it ymportearjen fan grûnstoffen lykas bauksyt, koal, izererts en keunstdong.
Fierder hat de haven him ûntjûn ta in logistyk sintrum foar de offshore-wynenerzjy. Neist it fabryk fan Enercon binne der ferskillende offshore bedriuwen aktyf foar ûnderhâld en logistyk fan wynmûneparken op see.
Yn 2022 gie der mear as 7 miljoen ton fracht troch de haven.
Ferfier en tagong
[bewurkje seksje | boarne bewurkje]De haven is goed berikber troch:
- Spoar: ferbûn mei it nasjonaal spoarnet, mei in eigen rangeargebiet foar fracht.
- Diken: oansletten op de Bundesstraße 210 en de A31.
- Binnenfeart: tagong ta it Iems-Jade-Kanaal, it Dortmund-Ems-kanaal en fierdere netwurken.
- Seefeart: tagong ta de Noardsee fia de Iems (troch de slûzen fan Knock en Nesserland).
Fearboat nei Boarkum
[bewurkje seksje | boarne bewurkje]De passazjiershaven (Emden Außenhafen) tsjinnet as haadferbining mei it Eastfryske eilân Boarkum. De fearboaten wurde eksploitearre troch AG Ems en farre it hiele jier troch. Der is ek in spoarferbining tusken it sintraal stasjon fan Emden en de fearboathaven.
Keppelings om utens
[bewurkje seksje | boarne bewurkje]- Niedersachsen Ports – Haven Emden
- AG Ems – Feartsjinsten nei Borkum
- Offisjele webside fan 'e stêd Emden
 |
Ofbylden dy't by dit ûnderwerp hearre, binne te finen yn de kategory Emder Hafen fan Wikimedia Commons. |
