Gy Waldron

Ut Wikipedy
Gean nei: navigaasje, sykje
Gy Waldron
persoanlike bysûnderheden
echte namme Gyneth Markley Waldron
nasjonaliteit Flag of the United States.svg Amerikaansk
berne 19??
berteplak Lennoxburg (Kentucky)
etnisiteit Flag of the United States.svg Angelsaksysk Amerikaansk
wurkpaad
wurksum as tillefyzje- & filmregisseur,
teäter-, tillefyzje- & filmprodusint,
senarioskriuwer
bekenste
  produksje(s)
The Dukes of Hazzard
The Billionaire Boys Club
jierren aktyf 1975 – no
offisjele webside
www.gywaldron.com

Gy Waldron (folút: Gyneth Markley Waldron; Lennoxburg (Kentucky), 19??), is in Amerikaansk regisseur, tillefyzje-, film- en teäterprodusint, senarioskriuwer, publisist en romanskriuwer, dy't it bekendst wurden is mei de troch him betochte en makke tillefyzjesearje The Dukes of Hazzard.

Libben en karriêre[bewurkje seksje | boarne bewurkje]

Waldron waard berne yn it plakje Lennoxburg, yn 'e steat Kentucky, sa'n 60 km súdeastlik fan 'e grutte stêd Cincinnati (yn Ohio). Mei in eftergrûn yn 'e kontraspionaazje sette er yn 1975 útein mei syn karriêre as regisseur mei de B-film Moonrunners, oer yllegale drankstokers en -smokkelders yn it Amerikaanske Suden, dy't er makke yn gearwurking mei âld-moonshiner Jerry Rushing. Op grûn dêrfan waard er yn 1977 troch de grutte Amerikaanske film- en tillefyzjestudio Warner Brothers frege om it konsept fan Moonrunners oan te passen foar tillefyzje. Dat waard de searje The Dukes of Hazzard, dy't in grut súkses waard en 7 tillefyzjeseizoenen rûn, fan 1979 oant 1985. Ek makke Waldron de spin-off-searje Enos (1980-1981), oer de ûnnoazele helpsheriff Enos Strate, mar dy berikte nea grutte populariteit en waard al nei twa seizoenen opdoekt.

Neitiid koe Waldron syn súkses mei The Dukes of Hazzard nea wer belykje. Hy wurke yn 'e twadde helte fan 'e jierren tachtich en yn 'e jierren njoggentich benammentlik as senarioskriuwer, û.m. foar de tillefyzjerige One Day at a Time en in stikmannich tillefyzjefilms. Foar syn senario fan 'e minysearje The Billionaire Boys Club, út 1987, waard er nominearre foar in Emmy Award. Under de tillefyzjefilms dy't Waldron makke, wiene ferskate Dukes of Hazzard-reünyen, en ek wied er belutsen by de remake fan 'e searje, yn 'e foarm fan in bioskoopfilm (The Dukes of Hazzard), dy't útkaam yn 2005.

Njonken syn film- en tillefyzjewurk wie Waldron ek wurksum as teäterprodusint en toanielregisseur, en as publisist fan non-fiksjeboeken oer misdie en spionaazje. Yn 2012 bejoech er him foar it earst op it mêd fan 'e fiksje en skreau er de roman Twist of Time, twa jier letter folge troch Fugue. Beide boeken binne romantyske skrillers.

Wurk[bewurkje seksje | boarne bewurkje]

  • 2012 – Twist of Time
  • 2014 – Fugue

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.