Gemeente (Frankryk)

Ut Wikipedy
Springe nei navigaasje Springe nei sykjen
Oersjoch fan de bestjoerlike yndieling fan Frankryk
Kaart fan de 36.569 gemeenten yn Frankryk

In gemeente is yn Frankryk de leechste bestjoerslaach. It Frânske wurd commune (gemeente) kaam foar it earst foar yn de tolfde iuw. It waard brûkt om in lytse mienskip oan te tsjutten. Yn de njoggentjinde iuw waard de commune de opfolger fan de karspel (Frânsk: paroisse) dy't oant doe de leechste bestjoerslaach wie. In Frânske gemeente kin yn grutte noch al ferskille, sa as bygelyks in grutte stêd lykas Parys of in lyts doarpke. Guon communes hawwe mar in hânfol ynwenners.

Oantal gemeenten[bewurkje seksje | boarne bewurkje]

Sûnt 1 jannewaris 2017 telt Frankryk 35.416 gemeenten, dêr't der 35.287 fan yn Jeropa en 129 fan yn de Frânske oerseeske departeminten en regio's fan de Oerseeske gebietsdielen fan Frankryk binne. Dat oantal is grutter as yn in soad oare Jeropeeske lannen.

It tal Frânske gemeenten waard troch it foarmjen fan nije gemeenten (communes nouvelles) yn 2016 en 2017 fermindere. Dat foarmjen fan fúzjegemeenten wurdt troch de Frânske oerheid fuortsterke. Yn 2008 telde Frankryk noch sa'n 36.681 gemeenten, dêr't der 36.569 fan yn Jeropa en 112 fan yn de Oerseeske gebietsdielen wiene

Ferrin fan it tal gemeenten[1]
  Jeropa(1)   Oerseeske gebietsdielen(2)
maart 1861 37.510
maart 1866 37.548
6 maart 1921 37.963
7 maart 1926 37.981
8 maart 1931 38.004
8 maart 1936 38.014
1 jan 1947 37.983
10 maaie 1954 38.000
7 maart 1962 37.962
1 maart 1968 37.708
1 jan 1971 37.659
20 feb 1975 36.394
1 jan 1978 36.382
1 maart 1982 36.433 111
1 maart 1985 36.631 111
1 maart 1990 36.551 112
1 jan 1999 36.565 114
1 jan 2000 36.567 114
  Jeropa(1)   Oerseeske gebietsdielen(2)
1 jan 2001 36.564 114
1 jan 2002 36.566 114
1 jan 2003 36.565 114
1 jan 2004 36.569 114
1 jan 2005 36.571 114
1 jan 2006 36.572 114
1 jan 2007 36.570 114
1 jan 2008 36.569 112
1 jan 2009 36.570 112
1 jan 2010 36.570 112
1 jan 2011 36.568 112
1 jan 2012 36.571 129
1 jan 2013 36.552 129
1 jan 2014 36.552 129
1 jan 2015 36.529 129
1 jan 2016 35.756 129
1 jan 2017 35.287 129

(1) Binnen de grinzen fan Frankryk tusken 1860 en 1871 en fan 1919 oant hjoed-de-dei
(2) Binnen it gebiet fan de oerseeske gebietsdielen oant de ûnôfhinklikens fan de Nije Hebriden yn 1980

Nijsgjirrich[bewurkje seksje | boarne bewurkje]

It trochsneed oerflak fan in Frânske gemeente yn 2015 is 14,88 kante kilometer. De mediaan fan it oerflak is noch leger; 10,73 kante kilometer. Dat is lytser as yn de measte oare Jeropeeske lannen. Dêrtroch hat Frankryk in heech oantal gemeenten.

It trochsneed oantal ynwenners fan in gemeente yn 2015 is 1700, dêr't de mediaan lykwols 380 is. Dat ferskil wurdt ferklearre troch it grutte tal gemeenten mei minder is 500 ynwenners (57,4%). Der is lykwols grut ferskil yn ynwennertal tusken de gemeenten. Sa hat bygelyks Parys mear as 2 miljoen ynwenners en in oare gemeente mar in hantsje fol.

Nettsjinsteande it tal ynwenners, hat eltse gemeente wol in bestjoer. It bestjoer hat syn sit yn it gemeentehûs (mairie of hôtel de ville). Elts gemeentebestjoer hat deslde rjochten en foech, nettsjinsteande de grutte fan in gemeente. In útsûndering is Parys, want dy gemeente is tagelyk in departemint en is ûnderferparte yn tweintich arrondisseminten. Elts arrondiisemint kiest syn eigen arrondissemintsrie, dy't it arrondissemint bestjoert.

Boarnen, noaten en referinsjes[boarne bewurkje]

Boarnen, noaten en/as referinsjes: