Gearrin
In gearrin, gearfloeiïng of gearstreaming is sokssawat in plak dêr't twa rivieren byïnoar komme en meiïnoar harren rin fuortsette. Faak hat dy rivier in oare namme as de twa gearrinnende rivieren.
Foarbylden fan sokke rivieren dy't gearrinne binne:
- de Rupel as it gearrinnen fan de Nete (dy't sels ek in gearrin fan de grutte en de lytse Nete is) en de Dijle,
- de Sjatt al-Arab as it gearrinnen fan de Tigris en de Eufraat,
- de Weser as it gearrinnen fan de Werra en de Fulda,
- oant 1904: de Merwede as it gearrinnen fan de Maas (njonkelytsen ôfdamme) en de Waal,
- de Viroin as it gearrinnen fan de Eau Blanche en de Eau Noire.
- de Sâltkamperril as it gearrinnen fan de Lauwers, it Ryddjip (rivier) en it Hunzegoakanaal by Sâltkamp
De lingte fan rivieren dy't út it gearrinnen ûntsteane kin oanjûn wurde fan it gearrinpunt ôf of fan de boarne fan de langste boarnerivier wei. Beide komme wol foar.
Der is ek sprake fan it gearrinnen fan rivieren as der in mûning fan in sydrivier yn in haadrivier is. Sok gearrinnen binne bygelyks dy fan de Encontro das Águas fan de Rio Negro en de Amasône by Manaus. Stêden dy't by it gearrinnen ûntstien binne, wurden "konfluïnsjestêden" neamd. De namme Koblenz komt fan it Latynske wurd foar gearrin, confluentia. Dêr komt de Moezel út yn de Ryn.
 |
Ofbylden dy't by dit ûnderwerp hearre, binne te finen yn de kategory Confluences fan Wikimedia Commons. |