Besjoch de boarne foar Faith Hill

{{Sjonger of muzikant
| ôfbylding                    = Faith Hill by John Mathew Smith.jpg
| ôfbyldingstekst              = Faith Hill yn [[2010]].
| ôfbyldingsbreedte            = 160px
| echte namme                  = Audrey Faith Perry
| nasjonaliteit                = [[File:Flag of the United States.svg|border|20px]] [[Feriene Steaten|Amerikaansk]]
| berne                        = [[21 septimber]] [[1967]]
| berteplak                    = [[Ridgeland (Mississippy)|Ridgeland]] ([[Mississippy (steat)|Mississippy]])
| stoarn                       = 
| stjerplak                    = 
| etnisiteit                   = [[File:Flag of the United States.svg|border|20px]] [[Angelsaksyske Amerikanen|Angelsaksysk&nbsp;Amerikaansk]]
| regionale identiteit         = 
| sjenre                       = [[country]], [[country-pop]]
| ynstrumint                   = [[stim]], [[gitaar]]
| sjongtaal                    = [[Ingelsk]]
| grutste hit(s)               = ''This Kiss'' <br>''Breathe'' <br>''Cry''
| jierren aktyf                = [[1993]] – no
| prizen                       = 5 × [[Grammy Award]]
| webside                      = [http://www.faithhill.com www.faithhill.com]
}}
'''Faith Hill''' ([[berne]] as '''Audrey Faith Perry'''; [[Ridgeland (Mississippy)|Ridgeland]] ([[Mississippy (steat)|Mississippy]]), [[21&nbsp;septimber]] [[1967]]), is in [[Feriene Steaten|Amerikaansk]] [[country]][[sjongster]], [[liet]]sjesskriuwster, [[muzikante]], [[muzykprodusint]]e en [[aktrise]]. Se is ien fan 'e grutte stjerren fan 'e [[ienentweintichste-iuwsk]]e [[country]]muzyk, dy't troch de jierren hinne 5 [[Grammy Award]]s wûn hat, wylst se foar dyselde [[priis (ûnderskieding)|priis]] ek nochris 12 nominaasjes yn 'e wacht sleept hat. Hill hat wrâldwiid mear as 40 miljoen platen ferkocht. Har bekendste [[hit (muzyk)|hits]] binne ''This Kiss'', ''Breathe'' en ''Cry''. Hill is [[troud]] mei countrystjer [[Tim McGraw]], mei wa't se ferskate [[duët]]ten opnommen hat.

==Libben en karriêre==
===Jonkheid===
Faith Hill waard yn [[1967]] [[berne]] yn it plakje [[Ridgeland (Mississippy)|Ridgeland]], yn 'e [[Amerikaanske steaten|Amerikaanske steat]] [[Mississippy (steat)|Mississippy]], justjes benoarden de stêd [[Jackson (Mississippy)|Jackson]]. Hja waard as [[poppe]] [[adopsje|oannommen]] troch de [[húshâlding]] Perry, en [[jonkheid|groeide op]] yn it stedsje [[Star (Mississippy)|Star]], op 25 km fan Jackson. Har [[pleechâlden]] wiene [[baptisme|baptisten]], en brochten Hill en harren beide [[biologyske soan]]nen strang [[kristendom|kristlik]] grut.

Hill har muzikale [[talint]] oppenearre him al ier, en doe't se sân jier wie, hie se har earste [[optreden (foarstelling)|optreden]]. Dêrnei song se geregeldwei yn 'e ferskillende [[tsjerke]]n yn har wenplak en omkriten, sawol de baptistyske as dy fan oare [[denominaasje]]s. Op har santjinde foarme Hill mei guon [[freonskip|freonen]] in [[band]]sje dat optrede by pleatslike [[rodeo's]]. Se [[studearre]] in blaumoandei oan it [[Hinds Mienskipskolleezje]] yn [[Raymond (Mississippy)]], mar yn [[1986]], doe't se njoggentjin jier wie, joech se de skoalle deroan en [[ferfear]] se nei [[Nashville (Tennessee)|Nashville]], yn 'e steat [[Tennessee]], it mekka fan 'e [[country]]muzyk, om te besykjen en meitsje har dream wier om in countrysjongster te wurden.
[[File:Faith Hill 2006.jpg|left|thumb|220px|Faith Hill yn [[2006]], ûnder in konsert yn [[Dallas (Teksas)|Dallas]].]]

===Iere jierren yn Nashville===
Yn 't earstoan woe it mei de [[karriêre]] fan Hill net bot slagje. In [[audysje]] foar in [[baan (wurk)|baan]] as [[eftergrûnsjongster]] foar countrystjer [[Reba McEntire]] rûn op neat út, en
se ûnderhold har in skoft troch yn in [[McDonald's]]-[[restaurant]] te wurkjen, dêr't se in grouwéligen hekel oan hie. Nei't se in hoartsje [[T-shirt]]s ferkocht hie, fûn se wurk as [[siktaresse]] by in [[útjouwerij]] fan [[blêdmuzyk]]. Yn [[1988]] [[troud]]e hja mei Daniel Hill, dy't in liedingjaande funksje hie by in [[bedriuw]] yn 'e [[muzyk]]yndustry. Nei't in [[kollega]] har op in dei [[sjongen]] heard hie, waard Hill troch de lieding fan 'e útjouwerij frege om dêr demonstraasjesjongster te wurden. Yn deselde snuorje wurke se ek as eftergrûnsjongster foar [[lietsjesskriuwer]] [[Gary Burr]]. Dyselde hie it foar de moade om syn nije [[liet]]en te sjongen yn it Bluebird Cafe yn Nashville, om [[feedback]] fan it [[publyk]] te krijen. By ien fan dy optredens wie [[Bob Saporiti]] yn it [[kafee]] oanwêzich, dy't yn 'e [[direksje (bestjoer)|direksje]] fan [[platemaatskippij]] [[Warner Bros. Records]] siet. Doe't dy Hill sjongen hearde, frege er har om audysje te dwaan, wat der úteinlik ta late dat Warner Bros. har in [[kontrakt]] oanbea.

===Sjongkarriêre===
Hill har [[debút]]album, ''Take Me As I Am'', kaam yn [[1993]] út. It hie goede ferkeapsifers, mei troch it nûmer ''Wild One'', dat fjouwer wiken efterinoar op it earste plak yn 'e [[Hot Country Songs]] stie, de wichtichste Amerikaanske [[hitlist]] op it mêd fan countrymuzyk. Dat wie in prestaasje dy't froulike [[artyst]]en doe al yn gjin tritich jier mear levere hiene. It [[album (muzyk)|album]] sels waard yn 'e [[Feriene Steaten]] sawol as [[Kanada]] trije kear [[platina plaat|platina]]. Koart nei de publikaasje fan ''Take Me As I Am'' rûn Hill har [[houlik]] lykwols op 'e klippen, en sy en har man [[skieding (houlik)|skieden]] yn [[1994]]. Har twadde album, ''It Matters to Me'', wêrfan't de opnamen útsteld wiene fanwegen in [[operaasje (genêskunde)|operaasje]] oan in barsten [[ier (bloedfet)|ier]] op har [[stimbân|stimbannen]], ferskynde yn [[1995]]. Dat waard op 'e nij, mei mear as trije miljoen ferkochte eksimplaren, in grut súkses, en mei de [[album (muzyk)|titelsong]] behelle Hill har fjirde nûmer&nbsp;1-[[hit (muzyk)|hit]]. 
[[File:Faith Hill.jpg|right|thumb|180px|Faith Hill by in [[optreden (foarstelling)|optreden]] yn [[2009]].]]

Yn 'e [[maityd]] fan [[1996]] sette Hill útein mei optredens as [[iepeningsact]] fan countrysjonger [[Tim McGraw]] op syn ''Spontaneous Combustion''-[[toernee]]. Hill hie har doedestiden krekt ferloofd mei har eardere produsint [[Scott Hendricks]], wylst McGraw krekt in [[ferloving]] ôfbrutsen hie. De beide sjongers krigen al mei gauwens in [[affêre (relaasje)|affêre]], en Hill ferbriek har [[relaasje (ynterpersoanlike bân)|relaasje]] mei Hendricks. Nei't se ûntdieken dat Hill [[swierwêzen|yn ferwachting]] wie fan McGraw syn [[bern (persoan)|bern]], trouden se op [[6&nbsp;oktober]] [[1996]]. 

Om't se swier en krekt troud wie, naam Hill fan ein [[1996]] ôf in pear jier [[frije tiid|lins]] om te bekommen fan 'e foargeande hektyske jierren en teffens om 'e kâns te hawwen in nij libben mei har man op te bouwen. Yn [[1997]] naam se mei McGraw it [[duët]] ''It's Your Love'' op, dat seis wiken efterinoar op nûmer&nbsp;1 yn 'e Hot Country Songs stean bleau, en dêr't se sawol [[Academy of Country Music Award]]s as [[Country Music Association Award]]s mei wûnen. Hill har trêde album ''Faith'', dat wat minder klassyk country wie en wat mear oerhong nei [[popmuzyk]], kaam yn [[1998]] út. It súksesfolste nûmer fan it album wie ''This Kiss'', dat net inkeld nûmer&nbsp;1 yn 'e Hot Country Songs waard, mar dêr't se foar it earst mei trochbriek (mei nûmer 7) op 'e pophitlist [[Billboard Hot 100|''Billboard'' Hot 100]]. Oare nûmers dy't it goed diene, wiene ''Just to Hear You Say That You Love Me'' (in duët mei McGraw), ''Let Me Let Go'' en ''The Secret of Life''. Der waarden mear as seis miljoen eksimplaren fan ''Faith'' ferkocht.

Om 'e faasje deryn te hâlden, brocht Hill in goed jier letter, yn [[novimber]] [[1999]] ''Breathe'' út, har fjirde album. Dat skeat fuort nei de top fan 'e albumlisten, sawol de [[Top Country Albums]] as de [[Billboard 200|''Billboard'' 200]], wêrby't it û.m. in nij album fan [[Mariah Carey]] foarby stribbe. Mei ''Breathe'' wûn Hill har earste [[Grammy Award]] (de wichtichste Amerikaanske [[priis (ûnderskieding)|priis]] op it mêd fan [[muzyk]]) yn 'e [[kategory]] bêste country-album, wylst se mei de titelsong en it duët mei McGraw ''Let's Make Love'' noch twa oare Grammys binnenhelle. Fan ''Breathe'' giene wrâldwiid krapoan 10 miljoen eksimplaren oer de toanbank. It jier [[2000]] markearre Hill har definitive trochbraak as in [[mainstream]]stjer, mei ferskate [[dokumintêre]]s oer har, in [[reklame]]kontrakt mei [[make-up]]merk [[CoverGirl]], [[foto's]] fan har op 'e [[omslach|omslaggen]] fan ferskate grutte [[tydskrift]]en en har meiwurking as [[presintatrise]] oan sawol de útrikking fan 'e [[Grammy Award]]s as dy fan 'e [[Oscar]]s.
[[File:Tim McGraw & Faith Hill AMA 2009.jpg|left|thumb|250px|[[Tim McGraw]] en Faith Hill op 'e útrikking fan 'e [[American Music Award]]s, yn [[2009]].]]

Yn [[2000]] droech Hill it liet ''Where Are You, Christmas?'' by oan 'e [[soundtrack]] fan 'e [[bernefilm]] ''Dr. Seuss' How the Grinch Stole Christmas''. Yn [[2001]] naam se in liet op foar de soundtrack fan ''[[Pearl Harbor (film)|Pearl Harbor]]'', in [[histoaryske film]] oer de [[Japan]]ske [[oanfal op Pearl Harbor]] yn [[1941]]. Dat soe oarspronklik troch de [[Kanada|Kanadeeske]] sjongster [[Celine Dion]] songen wurde. It liet wie ''There You'll Be'', dat ûnder [[muzykkritisy]] noch altyd it bêst ûntfongen nûmer fan Hill is. Teffens wie it Hill har grutste hit yn it [[Feriene Keninkryk]]. It waard nominearre foar in [[Grammy Award]] foar bêste fokale popnûmer, en foar in [[Oscar]] foar bêste oarspronklike liet.

Hill har fyfde album, ''Cry'', dat yn [[2002]] útkaam, wie mear op popmuzyk oriïntearre as op country; likegoed fleach it daliks nei de top fan 'e albumlisten, net inkeld de ''Billboard''&nbsp;200, mar ek de Top Country Albums. Teffens wûn ''Cry'' in Grammy foar bêste country-album. It liet ''Baby, You Belong'', fan ''Cry'', waard yn [[2002]] brûkt as de [[titelsong (film)|titelsong]] fan 'e [[Disney]]-[[tekenfilm]] ''Lilo & Stitch''. Yn 'e [[fideoclip]] dy't letter foar dat nûmer makke waard, wiene ek fragminten út dy film opnommen.

Mei ''Fireflies'', har sechsde album, dat yn [[2005]] útkaam, kearde Hill werom nei de wiere countrymuzyk. De [[single (muzyk)|single]] ''Mississippi Girl'' waard nominearre foar in Grammy yn 'e kategory bêste countrynûmer songen troch in frou, wylst it duët ''Like We Never Loved at All'', mei Tim McGraw, in Grammy wûn foar bêste fokale countrygearwurking. Yn [[2006]], doe't se dat al sûnt de [[berte]] fan har jongste dochter, fiif jier earder, net mear dien hie, sette Hill tegearre mei McGraw útein mei in nij toernee, de ''Soul2Soul II Tour 2006''. Dat waard mei in [[opbringst (jild)|opbringst]] fan $90 miljoen it bêstferkeapjende toernee út 'e skiednis fan 'e countrymuzyk. Yn [[2007]] brocht Hill noch in grutste-hitskolleksje út, ''The Hits'', en yn [[2008]] ferskynde fan har in [[kryst]]-[[cd]], ''Joy to the World''. Teffens wurke hja mei oan McGraw syn album ''Let It Go'', út 2007. 
[[File:Faith Hill Soul 2 Soul II A.jpg|right|thumb|250px|Faith Hill by in [[optreden (foarstelling)|optreden]] dat ûnderdiel útmakke fan har [[toernee]] ''Soul2Soul II'', yn [[2006]].]]

Op [[13&nbsp;maart]] [[2010]] song Hill ûnder begelieding fan [[Benny Andersson]] op 'e [[piano]] it liet ''[[The Winner Takes It All]]'', ta gelegenheid fan 'e opname fan [[ABBA]] yn 'e [[Rock and Roll Hall of Fame]]. Datselde jiers op [[28&nbsp;july]] song se yn it [[Wite Hûs (Feriene Steaten)|Wite Hûs]] yn [[Washington, D.C.]] yn oanwêzigens fan [[presidint fan 'e Feriene Steaten]] [[Barack Obama]] en ''[[first lady]]'' [[Michelle Obama]] it liet ''[[The Long & Winding Road]]'' as ûnderdiel fan in earbetoan oan [[The Beatles|Beatle]] [[Paul McCartney]]. Datselde jiers droech se ek twa lieten by oan 'e [[soundtrack]]s fan twa ûnderskate films. Foar ''Country Strong'', dêr't har man Tim McGraw yn spile, song se ''Give In to Me'', en foar ''Life As We Know It'', mei [[Angelina Jolie]] yn 'e haadrol, song se ''All I Ever Wanted'', dat brûkt waard foar de [[trailer]]s en spile waard ûnder de [[ôftiteling]]. Ek naam se dat jiers diel oan ''Coal Miner's Daughter: A Tribute to Loretta Lynn'', in earbetoan oan countryleginde [[Loretta Lynn]].

Hill kearde yn [[maart]] [[2011]] werom nei de studio foar de opnamen fan in nij album, dat ''Illusion'' komme moast te hjitten. Yn [[juny]] [[2012]] befêstige se dat it album klear wie, mar se sei ek dat se der net alhiel [[tefreden]] oer wie en dat se gjin album útbringe woe dêr't se har net hûndert persint goed oer fielde. Underwilens naam Hill ''A Showman's Life'' op, in [[duët]] mei [[George Strait]] dat útbrocht waard op Strait syn album ''Here for a Good Time''. Sels publisearre Hill de singles ''Come Home'' ([[2011]]) en ''American Heart'' ([[2012]]), mar net ''Illusion'', it album dêr't dy lieten op steane. (Anno [[2023]] is dit album noch altyd net ferskynd.) Ynstee gie se yn [[2012]] op toernee mei Tim McGraw.

Yn [[septimber]] [[2016]] wie Hill ien fan 30 artysten dy't meisongen op 'e single ''Forever Country'', in [[medly]] fan 'e lieten ''Take Me Home, Country Roads'' fan [[John Denver]], ''On the Road Again'' fan [[Willie Nelson]] en ''I Will Always Love You'' fan [[Dolly Parton]]. De single waard útbrocht ta gelegenheid fan it fyftichjierrich bestean fan 'e [[CMA Award]]s. Yn [[2017]] giene Hill en McGraw fannijs tegearre op toernee. Underwilens kaam yn [[novimber]] fan dat jier by platemaatskippij [[Arista Nashville]] harren duëtalbum ''The Rest of Your Life'' út, dat meitelt as studio-album foar beide artysten. Yn [[2019]] krige Hill har eigen [[stjer (figuer)|stjer]] op 'e [[Hollywood Walk of Fame]].

===Aktearkarriêre===
Yn [[1995]] die Hill har earste [[ûnderfining]] as [[aktrise]] op, mei in [[gastrol]] yn 'e [[dramasearje]] ''Touched by an Angel''. Yn [[2002]] waard har in wichtige rol yn 'e [[oarlochsfilm]] oer de [[Fjetnamoarloch]] ''We Were Soldiers'' oanbean, mar úteinlik betanke hja dêrfoar, en gie dy rol nei aktrise [[Madeleine Stowe]]. Har filmdebút makke Hill sadwaande yn [[2004]] yn 'e [[skrillerfilm|skriller]] ''The Stepford Wives'' fan [[regisseur]] [[Frank Oz]], in [[remake]] fan 'e bekendere film út 1975. Dêryn hie se [[Nicole Kidman]], [[Matthew Broderick]] en [[Glenn Close]] as [[tsjinspiler]]s. Hoewol't dy film mear as $101&nbsp;miljoen [[winst (ûndernimming)|winst]] makke, lieten de [[filmkritisy]] der net folle fan hiel. Fan gefolgen duorre it jierren foar't Hill wer [[aktearjen|aktearre]].
[[File:Faith Hill 04.jpg|right|thumb|200px|Faith Hill by in [[optreden (foarstelling)|optreden]] yn [[Jackson (Mississippy)]] yn [[2011]].]]

Yn [[2015]] hie Hill in rol yn 'e [[ûnôfhinklike film|ûnôfhinklike]] [[misdiefilm]] ''Dixieland'', dy't yn [[april]] fan dat jier op it [[Filmfestival fan Tribeca]] yn [[New York (stêd)|New York]] yn [[premiêre]] gie. Yn [[oktober]] [[2015]] waard oankundige dat Hill as [[útfierend produsinte]] belutsen wie by it nije [[lifestyle]]programma ''Pickler & Ben'', mei [[Kellie Pickler]] en [[Ben Aaron]] as [[presintator]]s. Dat programma, dat opnommen waard yn [[Nashville (Tennessee)|Nashville]], kaam yn [[2017]] op 'e [[tillefyzje]]. Underwilens hie Hill doe yn [[2016]] ek al fjouwer ôfleverings lang as coach fungearre yn 'e [[talintejacht]] ''The Voice''. Yn [[2019]] wie se [[sjuery (kompetysje)|sjuerylid]] yn it [[realitytillefyzje]]programma ''The World's Best''. Yn [[2021]] hie se tegearre mei Tim McGraw in [[gastrol]] yn in ôflevering fan 'e [[neo-western]]searje ''[[Yellowstone (Amerikaanske tillefyzjesearje)|Yellowstone]]'', as de [[oerpake]] en [[oerbeppe]] fan haadpersoan John Dutton yn in [[flashback]] nei it [[ferline]]. Hill kroep fannijs yn 'e hûd fan Margaret Dutton foar de tsien ôfleverings tellende [[spin-off]]searje ''1883'', dy't fan [[desimber]] [[2021]] ôf te sjen wie op [[streamingtsjinst]] [[Paramount+]].

===Oare aktiviteiten===
Yn [[1999]] brûkte Hill har [[toernee]] om in [[alfabetisearring]]sprojekt foar bern te ûnderstypjen. Dat wie ynspirearre troch Hill har [[heit]], dy't sels lang [[analfabetisme|analfabeet]] wie. Fuort nei't [[New Orleans]] yn [[2005]] troffen wie troch de [[orkaan]] [[Orkaan Katrina|Katrina]], setten Hill en har man, [[Tim McGraw]], dy't ôfkomstich is út [[Louisiana]], harren persoanlik yn om foarrieden nei de oerlibbenen te bringen. Teffens joegen se ferskate [[benefytkonsert]]en, wêrfan't de [[opbringst (jild)|opbringst]] nei de [[slachtoffer]]s fan Katrina gie. Letter dat jier rjochten Hill en McGraw de Neighbor's Keeper Foundation op ("Hoeder fan Jins Neiste Stifting"), in [[goeddiedichheid]]sorganisaasje dy't him ynset foar de [[earste libbenbehoefte]]n yn gefal fan grutskalige [[natoerramp]]en.

Yn [[oktober]] [[2009]] brocht Hill in eigen [[parfum|rûkersguod]] op 'e merk, ûnder de namme Faith Hill Parfums. Mids [[2010]] organisearre Hill mei McGraw in benefytkonsert fan ferskate country-artysten, wêrmei't mear as $2&nbsp;miljoen ophelle waard foar de slachtoffers fan 'e [[oerstreaming]]s yn [[maaie]] fan dat jier yn sintraal [[Tennessee]], wêrby't 22 minsken omkamen en foar $2&nbsp;miljard oan skea oanrjochte waard.

===Priveelibben===
Yn [[1988]] [[troud]]e Hill mei Daniel Hill, dy't in liedingjaande funksje hie by in [[bedriuw]] yn 'e [[muzyk]]yndustry. Dat [[houlik]] rûn lykwols yn [[1993]] op 'e klippen, en Hill en de man [[skieding (houlik)|skieden]] yn [[1994]]. Yn [[1990]] begûn Hill in syktocht nei har [[biologyske mem]], dy't se úteinlik fûn en mei wa't se [[briefkerij|briefke]] oant har memme [[ferstjerren]]. Yn 'e [[maityd]] fan [[1996]] kaam Hill fia har wurk yn 'e kunde mei countrysjonger [[Tim McGraw]], mei wa't se al rillegau in [[relaasje (ynterpersoanlike bân)|relaasje]] krige. Hill hie har doedestiden krekt fersein oan har eardere produsint [[Scott Hendricks]] en moast har [[ferloving]] ferbrekke. Nei't bliken die dat Hill [[swierwêzen|swier]] rekke wie fan McGraw, trouden se gau-eftich op [[6&nbsp;oktober]] [[1996]]. Anno [[2023]] hâldt harren houlik noch altyd stân. Hill en McGraw hawwe trije [[dochter]]s, Gracie Katherine ([[1997]]), Maggie Elizabeth ([[1998]]) en Audrey Caroline ([[2001]]). Nei eigen sizzen hawwe Hill en McGraw sûnt harren trouwen besocht om nea langer as trije [[dagen]] byinoar wei te wêzen.

==Diskografy==
===Albums===
====Studio-albums====
{| class="wikitable"
|-
! útbrocht
! titel
! label
! prizen en nominaasjes
! resultaat
|-
| 12 oktober 1993
|''Take Me as I Am''
|[[Warner Records|Warner Bros. Nashville]]
|n.f.t.
|{{Flagge US}} {{Rec P3}}<br>{{Flagge CA}} {{Rec P3}}
|-
| 29 augustus 1995
|''It Matters to Me''
| Warner Bros. Nashville
| n.f.t.
|{{Flagge US}} {{Rec P4}}<br>{{Flagge CA}} {{Rec P4}}
|-
| 21 april 1998
|''Faith''
| Warner Bros. Nashville
|<small>nom. [[Grammy Award]] foar bêste country-album </small>
|{{Flagge US}} {{Rec P6}}<br>{{Flagge CA}} {{Rec P4}}<br>{{Flagge AU}} {{Rec G1}}
|-
| 9 novimber 1999
|''Breathe''
| Warner Bros. Nashville
|<small> [[Grammy Award]] foar bêste country-album <br> [[American Music Award]] foar favorite country-album </small>
|{{Flagge US}} {{Rec P8}}<br>{{Flagge CA}} {{Rec P5}}<br>{{Flagge AU}} {{Rec P2}}<br>{{Flagge GB}} {{Rec G1}}
|-
| 15 oktober 2002
|''Cry''
| Warner Bros. Nashville
|<small> nom. [[Grammy Award]] foar bêste country-album </small>
|{{Flagge US}} {{Rec P2}}<br>{{Flagge CA}} {{Rec P1}}<br>{{Flagge AU}} {{Rec G1}}
|-
| 2 augustus 2005
|''Fireflies''
| Warner Bros. Nashville
|<small>nom. [[Grammy Award]] foar bêste country-album </small>
|{{Flagge US}} {{Rec P2}}<br>{{Flagge CA}} {{Rec P1}}
|-
| 30 septimber 2008
|''Joy to the World''
| Warner Bros. Nashville
| n.f.t.
|{{Flagge US}} {{Rec G1}}
|-
|17 novimber 2017
|''The Rest of Our Life'' <br><small>([[duët]]album mei [[Tim McGraw]])</small>
| [[Arista Nashville]]
|n.f.t.
|n.f.t.
|-
|}

====Kompilaasje-albums====
{| class="wikitable"
|-
! útbrocht
! titel
! label
! prizen en nominaasjes
! resultaat
|-
| 1 novimber 1996
|''Piece of My Heart''
| [[Warner Music Group|WEA International]] / [[Warner Records|Warner Bros. Nashville]]
| n.f.t.
| n.f.t.
|-
| 8 oktober 2001
|''There You'll Be: The Best of Faith Hill''
| WEA International
| n.f.t.
|{{Flagge AU}} {{Rec P5}}<br>{{Flagge GB}} {{Rec P1}}
|-
| 2 oktober 2007 
|''The Hits''
| Warner Bros. Nashville
| n.f.t.
| n.f.t.
|-
| 18 novimber 2016
| ''Deep Tracks''
| Warner Bros. Nashville
| n.f.t.
| n.f.t.
|-
|}

===Singles===
====Eigen singles====
{| class="wikitable"
|-
! jier
! titel
! prizen en nominaasjes
! resultaat
! album
|-
|1993
| ''Wild One''
| n.f.t.
| n.f.t.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
|rowspan="4"|''Take Me as I Am''
|-
|rowspan="3"| 1994
| ''Piece of My Heart''
| n.f.t.
| n.f.t.
|-
| ''But I Will''
| n.f.t.
| n.f.t.
|-
| ''Take Me as I Am''
| n.f.t.
| n.f.t.
|-
|rowspan="2"|1995
| ''Let's Go to Vegas''
| n.f.t.
| n.f.t.
|rowspan="5"|''It Matters to Me''
|-
| ''It Matters to Me''
| n.f.t.
| n.f.t.
|-
|rowspan="3"|1996
| ''Someone Else's Dream''
| n.f.t.
| n.f.t.
|-
| ''You Can't Lose Me''
| n.f.t.
| n.f.t.
|-
| ''I Can't Do That Anymore''
| n.f.t.
| n.f.t.
|-
|rowspan="3"| 1998
| ''This Kiss''
|<small> wûn in [[ACM Award]], in [[CMA Award]] en 2 [[TNN/Music City News Award]]s <br>nom. [[Grammy Award]] foar bêste countrynûmer songen troch in frou </small>
|{{Flagge US}} {{Rec P1}}<br>{{Flagge AU}} {{Rec P1}}<br>{{Flagge GB}} {{Rec S1}}
|rowspan="5"|''Faith''
|-
| ''Just to Hear You Say That You Love Me'' <br><small>(mei [[Tim McGraw]])</small>
|<small> 2 [[TNN/Music City News Award]]s en 1 [[Academy of Country Music Award|ACM Award]]; <br>nom. [[Grammy Award]] foar bêste fokale countrygearwurking </small>
| n.f.t.
|-
| ''Let Me Let Go''
|<small> nom. [[Grammy Award]] foar bêste countrynûmer songen troch in frou </small>
| n.f.t.
|-
|rowspan="3"|1999
| ''Love Ain't Like That''
| n.f.t.
| n.f.t.
|-
| ''The Secret of Life''
| n.f.t.
| n.f.t.
|-
| ''Breathe''
|<small>[[Grammy Award]] foar bêste countrynûmer songen troch in frou </small>
|{{Flagge US}} {{Rec G1}}
|rowspan="3"|''Breathe''
|-
|rowspan="3"|2000
| ''The Way You Love Me''
| n.f.t.
| n.f.t.
|-
| ''Let's Make Love'' <br><small>(mei Tim McGraw)</small>
|<small> [[Grammy Award]] foar bêste fokale countrygearwurking </small>
| n.f.t.
|-
| ''Where Are You, Christmas?''
| n.f.t.
| n.f.t.
| ''Dr. Seuss' How the Grinch Stole Christmas'' <small>([[soundtrack]])</small>
|-
|rowspan="3"|2001
| ''If My Heart Had Wings''
| n.f.t.
| n.f.t.
|''Breathe''
|-
| ''There You'll Be''
|<small> nom. [[Grammy Award]] foar bêste popnûmer mei sang <br>nom. [[Oscar]] foar bêste oarspronklike liet </small>
|{{Flagge GB}} {{Rec G1}}
|''[[Pearl Harbor (film)|Pearl Harbor]]'' <small>(soundtrack)</small>
|-
| ''Breathe'' <small>(remix)</small>
|<small> [[ACM Award]]</small>
| n.f.t.
| ''There You'll Be''
|-
|rowspan="2"|2002
| ''Cry''
|<small>[[Grammy Award]] foar bêste countrynûmer songen troch in frou </small>
|{{Flagge CA}} {{Rec G1}}
|rowspan="5"|''Cry''
|-
| ''When the Lights Go Down''
| <small>[[CMT Flameworthy Video Music Award]]</small>
| n.f.t.
|-
|rowspan="3"|2003
| ''One''
| n.f.t.
| n.f.t.
|-
| ''You're Still There''
| n.f.t.
| n.f.t.
|-
| ''Baby You Belong''
| n.f.t.
| n.f.t.
|-
|rowspan="2"|2005
| ''Mississippi Girl''
| <small> nom. [[Grammy Award]] foar bêste countrynûmer songen troch in frou </small>
| n.f.t.
|rowspan="5"|''Fireflies''
|-
| ''Like We Never Loved at All'' <br><small>(mei Tim McGraw)</small>
|<small> [[Grammy Award]] foar bêste fokale countrygearwurking </small>
| n.f.t.
|-
|rowspan="3"|2006
| ''The Lucky One''
| n.f.t.
| n.f.t.
|-
| ''Sunshine and Summertime''
| n.f.t.
| n.f.t.
|-
| ''Stealing Kisses''
| n.f.t.
| n.f.t.
|-
|rowspan="2"|2007
| ''Lost''
| n.f.t.
| n.f.t.
|rowspan="2"|''The Hits''
|-
| ''Red Umbrella''
| n.f.t.
| n.f.t.
|-
| 2008
| ''A Baby Changes Everything''
| n.f.t.
| n.f.t.
| ''Joy to the World''
|-
|2011
| ''Come Home''
| n.f.t.
| n.f.t.
|rowspan="2"|''Illusion''<br><small>(net útbrocht)</small>
|-
|2012
| ''American Heart''
| n.f.t.
| n.f.t.
|-
|rowspan="2"| 2017
| ''Speak to a Girl'' <br><small>(mei Tim McGraw)</small>
| n.f.t.
| n.f.t.
|rowspan="2"|''The Rest of Our Life''
|-
| ''The Rest of Our Life'' <br><small>(mei Tim McGraw)</small>
| n.f.t.
| n.f.t.
|-
|}

====Gastsingles====
{| class="wikitable"
|-
! jier
! titel
! prizen en nominaasjes
! resultaat
! album
|-
| 1996
| ''Hope'' <br><small>(mei ferskate oare artysten)</small>
|<small> nom. [[Grammy Award]] foar bêste fokale countrygearwurking </small>
| n.f.t.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
|net op album útbrocht
|-
|1997
| ''It's Your Love'' <br><small>(mei [[Tim McGraw]])</small>
|<small> 4 [[ACM Award]]s, 1 [[CMA Award]], 1 [[CMT Music Award]], 1 [[Billboard Music Award|Billboard Award]],<br> nom. [[Grammy Award]]s foar bêste countryliet en bêste fokale countrygearwurking </small>
|{{Flagge US}} {{Rec P2}}
| ''Everywhere''
|-
|1998
| ''One Heart at a Time'' <br><small>(mei ferskate oare artysten)</small>
| n.f.t.
| n.f.t.
|net op album útbrocht
|-
|rowspan="2"|2007
| ''I Need You'' <br><small>(mei Tim McGraw)</small>
|<small> nom. [[Grammy Award]]s foar bêste countryliet en bêste fokale countrygearwurking </small>
|{{Flagge US}} {{Rec G1}}
|''Let It Go''
|-
| ''The First Noël'' <br><small>(mei [[Josh Groban]])</small>
| n.f.t.
| n.f.t.
|''Noël''
|-
|2011
| ''The Way You Look Tonight'' <br><small>(mei [[Tony Bennett]])</small>
| n.f.t.
| n.f.t.
|''Duets II''
|-
|2014
| ''Meanwhile, Back at Mama's'' <br><small>(mei Tim McGraw)</small>
| n.f.t.
|{{Flagge US}} {{Rec P1}}
|''Sundown Heaven Town''
|-
|2016
| ''Forever Country'' <br><small>(mei ferskate artysten)</small>
| n.f.t.
| n.f.t.
|net op album útbrocht
|-
|}

==Filmografy==
{{Filmografy|as=aktrise, sjongster, sjuerylid}}
|-
{{Filmografy/Titel|titel=tillefyzje}}
|-
|align="center"| 1997 || ''Touched by an Angel'' || Karen Lamar || [[gastrol]]; [[ôfl.]] ''The Road Home (Part 1)''
|-
|align="center"| 1997 || ''Promised Land'' || Karen Lamar || gastrol; ôfl. ''The Road Home (Part 2)''
|-
|align="center"| 1999 || ''VH1 Divas Live 2'' || harsels || [[dokumintêre]]
|-
|align="center"| 2000 || ''Super Bowl XXXIV'' || harsels || [[sjongen|sjongoptreden]], [[Amerikaansk folksliet]]
|-
|align="center"| 2000 || ''72ste Utrikking fan 'e [[Oscar]]s'' || harsels || sjongoptreden, ''Over the Rainbow'' út ''[[The Wizard of Oz (film út 1939)|The Wizard of Oz]]''
|-
|align="center"| 2000 || ''VH1 Divas 2000: A Tribute to [[Diana Ross]]'' || harsels || [[tillefyzjespecial]]
|-
|align="center"| 2001 || ''America: A Tribute to Heroes'' || harsels || tillefyzjespecial
|-
|align="center"| 2002 || ''74ste Utrikking fan 'e [[Oscar]]s'' || harsels || sjongoptreden, ''There You'll Be'' út ''[[Pearl Harbor (film)|Pearl Harbor]]''
|-
|align="center"| 2002 || ''Saturday Night Live'' || harsels || muzikaal gastoptreden; ôfl. ''Sarah Michelle Gellar/Faith Hill''
|-
|align="center"| 2002 || ''Faith Hill: The Lights Go Down'' || harsels || tillefyzjespecial
|-
|align="center"| 2005 || ''E! True Hollywood Story'' || harsels || dokumintêresearje; ôfl. ''Country Divas''
|-
|align="center"| 2005 || ''Faith Hill: Fireflies'' || harsels || tillefyzjespecial
|-
|align="center"| 2008 || ''Macy's Thanksgiving Day Parade'' || harsels || tillefyzjespecial
|-
|align="center"| 2008 || ''Christmas in Rockefeller Center'' || harsels || tillefyzjespecial
|-
|align="center"| 2008 || ''Faith Hill, Joy to the World: A Soundstage Special'' || harsels ||  tillefyzjespecial
|-
|align="center"| 2009 || ''The Neighborhood Ball: An Inauguration Celebration''&nbsp;&nbsp;|| harsels || tillefyzjespecial
|-
|align="center"| 2009 || ''Super Bowl XLIII'' || harsels || sjongoptreden, ''America the Beautiful''
|-
|align="center"| 2010 || ''Project Runway'' || harsels || [[sjuery (kompetysje)|gastsjuerylid]] yn in [[talintejacht]]; ôfl. ''Finale (Part 2)''
|-
|align="center"| 2007–2012 || ''NBC Sunday Night Football'' || harsels || sjongster fan 'e [[titelsong (tillefyzjeprogramma)|titelsong]]
|-
|align="center"| 2011|| ''CMT Crossroads'' || harsels || gast; ôfl. ''The Pretenders/Faith Hill''
|-
|align="center"| 2012 || ''Tony Bennett: Duets II'' || harsels || tillefyzjespecial
|-
|align="center"| 2016 || ''The Voice'' || harsels || coach yn in talintejacht; 4 ôfl.
|-
|align="center"| 2017 || ''Pickler & Ben'' || harsels || gast yn [[lifestyle]]programma; ôfl. #1.1; ek [[útfierend produsinte]] fan 59 ôfl.
|-
|align="center"| 2019 || ''The World's Best'' || harsels || sjuerylid; 10 ôfl.
|-
|align="center"| 2021 || ''[[Yellowstone (Amerikaanske tillefyzjesearje)|Yellowstone]]'' || Margaret Dutton || gastrol; ôfl. ''No Kindness for the Coward''
|-
|align="center"| 2021–2022|| ''1883'' || Margaret Dutton || [[fêste rol]]; 10 ôfl. 
|-
{{Filmografy/Titel|titel=films}}
|-
|align="center"| 2004 || ''The Stepford Wives'' || Sarah Sunderson&nbsp;&nbsp; || [[remake]] fan 'e bekendere film út 1975
|-
|align="center"| 2015 || ''Dixieland'' || Arletta || 
|-
|}

==Prizen en nominaasjes==
{| class="wikitable"
|-
! jier
! priis
! resultaat
! kategory
! foar it nûmer/album
|-
|'''1993'''
|[[ACM Award]]
|wûn
|bêste nije sjongster
|n.f.t.
|-
|'''1994'''
|[[CMA Award]]
|nominearre
|Horizon Award
|n.f.t.
|-
|rowspan="2"|'''1995'''
|[[CMA Award]]
|nominearre
|Horizon Award
|n.f.t.
|-
|[[TNN/Music City News Award]]
|wûn
|froulike stjer fan moarn
|n.f.t.
|-
| '''1996'''
|[[CMA Award]]
|nominearre
|froulike fokalist fan it jier 
|n.f.t.
|-
|rowspan="8"|'''1997'''
|rowspan="4"|[[ACM Award]]
|wûn 
|bêste single fan it jier <small>(mei Tim McGraw)</small>
|''It's Your Love''
|-
|wûn
|bêste liet fan it jier <small>(mei Tim McGraw)</small>
|''It's Your Love''
|-
|wûn
|bêste sjongbarren fan it jier <small>(mei Tim McGraw)</small>
|''It's Your Love''
|-
|wûn
|bêste fideoclip fan it jier <small>(mei Tim McGraw)</small>
|''It's Your Love''
|-
|[[Billboard Music Award]]
|wûn
|single fan it jier <small>(mei Tim McGraw)</small>
|''It's Your Love''
|-
|[[CMA Award]]
|nominearre
|sjongbarren  fan it jier <small>(mei Tim McGraw)</small>
|''It's Your Love''
|-
|[[Grammy Award]]
|nominearre
|bêste fokale countrygearwurking <small>(mei ferskate artysten)</small>
|''Hope''
|-
|[[TNN/Music City News Award]]
|wûn
|fideoclip fan it jier <small>(mei Tim McGraw)</small>
|''It's Your Love''
|-
|rowspan="12"|'''1998'''
|rowspan="6"|[[ACM Award]]
|wûn
|bêste single fan it jier
|''This Kiss''
|-
|wûn
|bêste fideoclip fan it jier <small>(mei Tim McGraw)</small>
|''This Kiss''
|-
|wûn
|bêste sjongbarren fan it jier <small>(mei Tim McGraw)</small>
|''Just to Hear You Say That You Love Me''
|-
|wûn
|bêste sjongster
|n.f.t.
|-
|wûn
|bêste produsint fan in single 
|''This Kiss''
|-
|wûn
|bêste produsint fan in sjongbarren <small>(mei Tim McGraw)</small>
|''Just to Hear You Say That You Love Me''
|-
|rowspan="4"|[[CMA Award]]
|nominearre
|single fan it jier
|''This Kiss''
|-
|wûn
|fideoclip fan it jier
|''This Kiss''
|-
|nominearre
|sjongbarren fan it jier <small>(mei Tim McGraw)</small>
|''Just to Hear You Say That You Love Me''
|-
|nominearre
|froulike fokalist fan it jier
|n.f.t.
|-
|rowspan="2"|[[Grammy Award]]
|nominearre
|bêste countryliet <small>(mei Tim McGraw)</small>
|''It's Your Love''
|-
|nominearre
|bêste fokale countrygearwurking <small>(mei Tim McGraw)</small>
|''It's Your Love''
|-
|rowspan="12"|'''1999'''
|rowspan="2"|[[ACM Award]]
|wûn
|bêste fideoclip fan it jier
|''Breathe''
|-
|wûn
|bêste sjongster fan it jier
|n.f.t.
|-
|rowspan="2"|[[CMA Award]]
|nominearre
|fideoclip fan it jier <small>(mei Tim McGraw)</small>
|''Just to Hear You Say That You Love Me''
|-
|nominearre
|froulike fokalist fan it jier
|n.f.t.
|-
|rowspan="3"|[[Grammy Award]]
|nominearre
|bêste fokale countrygearwurking <small>(mei [[Tim McGraw]])</small>
|''Just to Hear You Say That You Love Me''
|-
|nominearre
|bêste countrynûmer songen troch in frou
|''This Kiss''
|-
|nominearre
|bêste country-album
|''Faith''
|-
|rowspan="5"|[[TNN/Music City News Award]]
|wûn
|single fan it jier
|''This Kiss''
|-
|wûn
|liet fan it jier <small>(mei Tim McGraw)</small>
|''Just to Hear You Say That You Love Me''
|-
|wûn
|fokale gearwurking fan it jier <small>(mei Tim McGraw)</small>
|''Just to Hear You Say That You Love Me''
|-
|nominearre
|fideoclip fan it jier
|''This Kiss''
|-
|wûn
|artyste fan it jier
|n.f.t.
|-
|rowspan="9"|'''2000'''
|[[ACM Award]]
|wûn
|bêste sjongster fan it jier
|n.f.t.
|-
|rowspan="6"|[[CMA Award]]
|nominearre
|single fan it jier
|''Breathe''
|-
|nominearre
|album fan it jier
|''Breathe''
|-
|nominearre
|fideoclip fan it jier
|''Breathe''
|-
|nominearre
|sjongbarren fan it jier <small>(mei Tim McGraw)</small>
|''Let's Make Love''
|-
|wûn
|froulike fokalist fan it jier
|n.f.t.
|-
|nominearre
|artyst fan it jier
|''I Need You''
|-
|[[Grammy Award]]
|nominearre
|bêste countrynûmer songen troch in frou
|''Let Me Let Go''
|-
|[[TNN/CMT Country Weekly Music Award]]
|wûn
|artyste fan it jier
|n.f.t.
|-
|rowspan="7"|'''2001'''
|rowspan="3"|[[American Music Award]]
|wûn
|favorite country-album
|''Breathe''
|-
|wûn
|favorite country-artyste
|n.f.t.
|-
|wûn
|favorite pop/rockartyste
|n.f.t.
|-
|[[CMA Award]]
|nominearre
|froulike fokalist fan it jier
|n.f.t.
|-
|rowspan="3"|[[Grammy Award]]
|wûn
|bêste fokale countrygearwurking <small>(mei Tim McGraw)</small>
|''Let's Make Love''
|-
|wûn
|bêste countrynûmer songen troch in frou
|''Breathe''
|-
|wûn
|bêste country-album
|''Breathe''
|-
|rowspan="2"|'''2002'''
|[[American Music Award]]
|wûn
|favorite country-artyste
|n.f.t.
|-
|[[Grammy Award]]
|nominearre
|bêste popnûmer songen troch in frou
|''There You'll Be''
|-
|rowspan="3"|'''2003'''
|[[American Music Award]]
|wûn
|favorite country-artyste
|n.f.t.
|-
|[[CMT Flameworthy Video Music Award]]
|wûn
|meast seksy fideoclip fan it jier fan in froulike artyst
|''When the Lights Go Down''
|-
|[[Grammy Award]]
|wûn
|bêste countrynûmer songen troch in frou
|''Cry''
|-
|rowspan="2"|'''2004'''
|[[Grammy Award]]
|nominearre
|bêste country-album
|''Cry''
|-
|[[People's Choice Award]]
|wûn
|favorite froulike muzykartyst
|n.f.t.
|-
|rowspan="7"|'''2006'''
|[[ACM Award]]
|wûn
|Career Achievement Award <small>([[oeuvrepriis]])</small>
|n.f.t.
|-
|[[American Music Award]]
|wûn
|favorite country-artyste
|n.f.t.
|-
|rowspan="2"|[[CMA Award]]
|nominearre
|sjongbarren fan it jier <small>(mei Tim McGraw)</small>
|''Like We Never Loved at All''
|-
|nominearre
|froulike fokalist fan it jier
|n.f.t.
|-
|rowspan="3"|[[Grammy Award]]
|nominearre
|bêste countrynûmer songen troch in frou
|''Mississippi Girl''
|-
|nominearre
|bêste country-album
|''Fireflies''
|-
|wûn
|bêste fokale countrygearwurking <small>(mei Tim McGraw)</small>
|''Like We Never Loved at All''
|-
|rowspan="2"|'''2008'''
|rowspan="2"|[[Grammy Award]]
|nominearre
|bêste fokale countrygearwurking <small>(mei Tim McGraw)</small>
|''I Need You''
|-
|nominearre
|bêste countryliet <small>(mei Tim McGraw)</small>
|''I Need You''
|-
|rowspan="2"|'''2014'''
|rowspan="2"|[[CMA Award]]
|nominearre
|single fan it jier <small>(mei Tim McGraw)</small>
|''Meanwhile, Back at Mama's''
|-
|nominearre
|sjongbarren fan it jier <small>(mei Tim McGraw)</small>
|''Meanwhile, Back at Mama's''
|-
|'''2015'''
|[[Grammy Award]]
|nominearre
|bêste countryduo of -groep <small>(mei Tim McGraw)</small>
|''Meanwhile, Back at Mama's''
|-
| '''2017'''
|[[CMA Award]]
|nominearre
|sjongbarren fan it jier <small>(mei Tim McGraw)</small>
|''Speak to a Girl''
|-
|}

==Keppelings om utens==
* {{en}} [http://www.faithhill.com/ Offisjele webside fan Faith Hill]
* {{en}} [http://www.imdb.com/name/nm0005011/ Faith Hill yn 'e Internet Movie Database (IMDb)]

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/Faith_Hill ''References'' en ''Further Reading'', op dizze side].
----
{{commonscat|Faith Hill}}
}}

{{DEFAULTSORT:Hill, Faith}}
[[Kategory:Amerikaansk administratyf meiwurker]]
[[Kategory:Amerikaansk winkelbetsjinner]]
[[Kategory:Amerikaansk sjonger]]
[[Kategory:Amerikaansk lietsjeskriuwer]]
[[Kategory:Amerikaansk muzikant]]
[[Kategory:Amerikaansk gitarist]]
[[Kategory:Amerikaansk country-artyst]]
[[Kategory:Amerikaansk muzykprodusint]]
[[Kategory:Amerikaansk filmakteur]]
[[Kategory:Amerikaansk telefyzje-akteur]]
[[Kategory:Alfabetisearringsaktivist]]
[[Kategory:Grammy-winner]]
[[Kategory:Persoan berne yn 1967]]