Euskirchen

	Euskirchen
	Marktplatz
	Emblemen
	Bestjoer
Lân	Dútslân
dielsteat	Noardryn-Westfalen
Kreis	Euskirchen
	Sifers
Ynwennertal	59.787 (31.12.2023)
Oerflak	139,49 km²
Befolkingsticht.	429 ynw./km²
Hichte	160 m boppe seenivo
	Oar
Postkoade	53879, 53881
Koördinaten	50°39'N, 6°47'E
	Offisjele webside
	www.euskirchen.de
	Kaart
	;

Euskirchen is in middelgrutte Dútske stêd yn it Rynlân en as Kreisstadt sûnt 1827 de bestjoerssit fan 'e Kreis mei deselde namme yn it súdwesten fan Noardryn-Westfalen.

Euskirchen krige al yn it jier 1302 stedsrjochten en is mei mear as 58.000 ynwenners it sintrum fan in eigen regio mei in eigen fersoarchingsberik fan goed 190.000 minsken.

Dielen fan 'e âlde stedsmuorre en trije fan 'e ferdigeningstuorren, dy't eartiids by de stedsfersterkings hearden, steane njonken de hjoeddeiske arsjitektuer. Binnen de âlde midsiuwske stedsmuorren is in fuotgongerssône oanlein.

De memmetaal fan 'e yn Euskirchen berne ynwenners is ek tsjintwurdich noch jimmeroan it Eifeler Platt, dat him ûnderskiedt fan it yn 'e omkriten mear brûkte Kölner Platt.

Stedsyndieling

Ta Euskirchen hearre njonken de kearnstêd mei de stedswiken Altstadt, Ost-, West-, Nord- en Südstadt nochris 22 oare Stadtteile:

Billig, Disternich, Dom-Esch, Elsig, Euenheim, Flamersheim, Frauenberg, Großbüllesheim, Kessenich, Kirchheim, Kleinbüllesheim, Kreuzweingarten-Rheder, Kuchenheim, Niederkastenholz, Oberwichterich, Palmersheim, Roitzheim, Rüdesheim, Schweinheim, Stotzheim, Weidesheim, Wißkirchen en Wüschheim.

Berne

Karl Eschweiler (1886-1936), roomsk-katolyk geastlike, teolooch en filosoof
Hermann Emil Fischer (1852-1919), skiedkundige (Nobelpriis 1902)
Heinz Flohe (1948-2013), fuotballer
Pieter Jan Verstraete (1956), Flaamsk skiedkundige en biograaf

Ofbylden dy't by dit ûnderwerp hearre, binne te finen yn de kategory Euskirchen fan Wikimedia Commons.