Epe (gemeente)
| Epe | |
|---|---|
_town_hall.jpg) Gemeentehûs | |
| flagge | wapen |
|
|
| lokaasje | |
.png)
| |
| polityk | |
| lân |  Nederlân
|
| provinsje |  Gelderlân
|
| sifers en geografy | |
| haadplak | Epe |
| grutste plak | Epe |
| ynwennertal | 33.192 (1 jannewaris 2024) |
| befolkingstichtens | 377 ynw./km² |
| oerflak | 157,37 km² |
| ● wêrfan lân | 156,07 km² |
| ● wêrfan wetter | 1,3 km² |
| ferkearsieren | A50 A28 N309 N794 |
| skiednis | |
| oprjochte | |
| oar | |
| netnûmer | 0578 |
| postkoade | 8160-8162, 8166-8167, 8170-8172 |
| tiidsône | UTC +1 |
| simmertiid | UTC +2 |
| webside | www.epe.nl |
Epe is in gemeente op it noardeastlike diel fan 'e Feluwe yn 'e provinsje Gelderlân. It haadplak fan 'e gemeente is it doarp Epe. De gemeente hat 33.192 (1 jannewaris 2024) ynwenners.
Skiednis[bewurkje seksje | boarne bewurkje]
It gemeentegebiet waard al foar de kristlike jiertelling bewenne. Der binne in soad prehistoaryske fynsten en grêfheuvels út de Nije Stientiid (4000-1700 foar Kristus). Bysûnder foar Nederlân binne de saneamde celtic fields, fan ierden wâltsjes omklamme prehistoaryske ikkers mei in fjouwerkante foarm. Dêrfan lizze der in grut tal fan meiïnoar 76 hektare by Vaassen ticheby de Gortelseweg. Se datearje út 'e Izertiid.
Neffens Van Berkel en Samplonius soe de namme Epe ôflaat wêze fan in ier-Germaansk of faaks sels it pre-Germaanske wurd apa, itjinge wetterrin betsjut. It âldste dokumint dêr't de namme fan it doarp Ape yn neamd wurdt, datearret út it jier 1176.
Op 1 jannewaris 1812 waarden Vaassen en Emst fan Epe ôfsplitst om as selsstannige gemeente fierder te gean, mar op 1 jannewaris 1818 waard dy nije gemeente wer opheft en waarden de doarpen op 'e nij by Epe yndield.
Gemeenteyndieling[bewurkje seksje | boarne bewurkje]
- De gemeente Epe hat fjouwer doarpen: Epe, Vaassen , Emst en Oene.
- Buorskippen: Boshoek, Dijkhuizen, Geerstraat, Gortel, Hanendorp, De Hegge, De Jonas, 't Laar, Laarstraat, Loobrink, Niersen, De Oosterhof, Schaveren, Tongeren, Vemde, Westendorp, Wijnbergen, Wissel en Zuuk.
Gea[bewurkje seksje | boarne bewurkje]
,_Epe,_de_Hooge_Heide.jpg)
De gemeente leit op 'e Feluwe en de natoer mei in soad bosk en heide lykas de Renderklippen bringt in soad toeristen nei Epe. Ek binne der ferskillende plakken dêr't efter skermen wyld sjoen wurde kin.
Yn 'e bosken en by paden of diken lâns is oeral it wurk fan wylde bargen fan omwrotten grûn te sjen. Alle jierren soargje de wylde bargen foar in soad oerlêst. De bewenners beskermje harren tunen mei hekken mei gaas. Ek wurde der in soad bargen oanriden, somtiden mei deadlike ôfrin. Yn 'e simmer fan 2008 wie it sa slim, dat Epe it lanlike nijs helle. De provinsje hat doe it beslút nommen om 60% fan 'e populaasje ôf te sjitten.
Tsjerklikens[bewurkje seksje | boarne bewurkje]
De gemeente Epe is troch it doarp Epe gjin typyske Bibelgurdle-gemeente. Ofgeande op it stimgedrach wykt it grutste doarp yn 'e gemeente sterk ôf fan de oan 'e gemeente grinzgjende gemeenten Oldebroek en Nunspeet. De doarpen Oene, Vaassen en Emst hawwe lykwols in folle tsjerkliker ynslach as it haadplak.
| Boarnen, noaten en/as referinsjes: | ||
|
Dizze side is alhiel of foar in part in oersetting fan de Nederlânsktalige Wikipedyside; sjoch foar de bewurkingsskiednis: nl:Epe (gemeente)
|
