Dossier

Ut Wikipedy
Gean nei: navigaasje, sykje

In dossier (útspr.: [dɔ'ʃe:], "dos-sjee", fan it Frânske dossier) is in samling papierren dokuminten en oar boarnemateriaal wêryn't detaillearre ynformaasje oer in in beskaat ûnderwerp of in beskate persoan werjûn wurdt. Sokke dokuminten waarden foarhinne yn 'e regel gearbrocht yn in dossiermap, dy't faak wer yn in dossierkast opburgen waard. As de ynformaasje ferâldere rekke of de organisaasje dy't it dossier oanlein hie neat mear mei de persoan yn kwestje te krijen hie, waard it dossier ôffierd nei in fysyk, papieren argyf, dêr't it faak noch in fêste perioade bewarre waard (meastal fiif, tsien of fyftjin jier), foar't it úteinlik ferneatige waard. Hjoed oan 'e dei wurde dossiers meast digitaal oanlein. Dat hat as foardiel dat se makliker mei alle belanghawwenden te dielen binne, mar it neidiel is dat privacygefoelige ynformaasje no folle makliker útlekt. Fierders is no ek net mear te kontrolearjen oft in dossier wier ferneatige is, of dat de ynformaasje noch earne yn 'e digitale romte omswalket.

Boarnen, noaten en referinsjes[boarne bewurkje]

Boarnen, noaten en/as referinsjes: