Domrémy-la-Pucelle

Domrémy-la-Pucelle
Bestjoer
Lân	Frankryk
Regio	Grutte Easten
Departemint	Fogezen
Sifers
Ynwennertal	91↓ (2019)
Oerflak	8,99 km²
Befolkingsticht.	10 / km²
Hichte	270 m (trochsneed)

Lizzing gemeente Domrémy-la-Pucelle yn it departemint Fogezen

Domrémy-la-Pucelle is in plak en gemeente yn it Frânske departemint Vosges (Fogezen). It doarpke leit oan de rivier de Maas; tichteby it doarp mûnet de Vair yn de Maas.

Westlik fan de buorren, noch op de himrik, leit in lytse beboske hichte fan 407 m, mei de namme Bosk Domrémy. De hichte oersjocht it oanswettende doarpke Les Roises.

Domrémy-la-Pucelle is ferneamd omdat Jeanne d'Arc dêr berne waard. Har bertehûs is der noch en krige al yn 1840 de status fan monumint. It hûs is no part fan it museum. Eartiids hjitte it doarp fan Domrémy; "la Pucelle" is der oan taheakke omdat it de bynamme fan Jeanne d'Arc is, la pucelle d'Orléans (de faam fan Orléans).

Oardel kilometer besuden it doarp, op in hichte by it Bois Chenu, waard fan 1881 ôf de basilyk Sainte-Jeanne-d'Arc boud. De basilyk stiet op it plak dêr't Jeanne de stimmen fan hilligen hearde, dy't har oprôpen om Frankryk fan de Ingelsken (Godons) te befrijden.

Befolkingsûntjouwing

Jier	1962	1968	1975	1982	1990	1999	2007
Ynwennertal	210	225	222	199	182	167	154

• 
  Bertehûs fan Jeanne d’Arc
• 
  Lânskip by Domrémy
• 
  Basilyk du Bois Chênu
• 
  Ynterieur fan de basilyk

Keppelings om utens

• Toeristyske ynformaasje ((fr) )
• Jeanne d’Arc, Domrémy-la-Pucelle en tsjerke Remy (fr) (in) )

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Domrémy-la-Pucelle fan Wikimedia Commons.