Domrémy-la-Pucelle

	Domrémy-la-Pucelle
	Bertehûs fan Jeanne d’Arc
	Emblemen
	Bestjoer
Lân	Frankryk
Regio	Grutte Easten
Departemint	Fogezen
	Sifers
Ynwennertal	102 (2023)
Oerflak	8,99 km²
Befolkingsticht.	11,35 ynw./km²
Hichte	268-407 m
	Oar
Postkoade	88630
	Kaart
	;
	Kaart
	Lokaasje gemeente Domrémy-la-Pucelle yn it departemint Fogezen

Domrémy-la-Pucelle is in plak en gemeente yn it Frânske departemint Vosges (Fogezen). It doarpke leit oan 'e rivier de Maas; tichteby it doarp mûnet de Vair yn 'e Maas.

Westlik fan 'e buorren, noch op 'e himrik, leit in lytse beboske hichte fan 407 m, mei de namme Bosk Domrémy. De hichte oersjocht it oanswettende doarpke Les Roises.

Domrémy-la-Pucelle is ferneamd om't Jeanne d'Arc dêr berne waard. Har bertehûs is der noch en krige al yn 1840 de status fan monumint. It hûs is no part fan it museum. Eartiids hjitte it doarp Domrémy; "la Pucelle" is der oan taheakke omdat it de bynamme fan Jeanne d'Arc is, la pucelle d'Orléans (de faam fan Orléans).

Oardel kilometer besuden it doarp, op in hichte by it Bois Chenu, waard fan 1881 ôf de basilyk Sainte-Jeanne-d'Arc boud. De basilyk stiet op it plak dêr't Jeanne de stimmen fan hilligen hearde, dy't har oprôpen om Frankryk fan 'e Ingelsken (Godons) te befrijen.