DierenPark Amersfoort

	DierenPark Amersfoort
	dieretún
	Yngong DierenPark Amersfoort (2010)
	lokaasje
lân	Nederlân
provinsje	Utert
gemeente	Amersfoart
plak	Amersfoart
adres	Barchman Wuytierslaan
koördinaten	52° 9' NB, 5° 20' EL
	bysûnderheden
type	tradisjonele dieretún
oerflak	20 ha
tal soarten	100
wurknimmers	311.484(2020)
netwurk(en)	EAZA, NVD
	skiednis
iepening	22 maaie 1948
	offisjele webside
	Webstee DierenPark Amersfoort
	kaart
	; De lokaasje fan DierenPark yn de provinsje Utert.

DierenPark Amersfoort is in bistetún, lizzend oan de westside fan Amersfoart, oan de râne fan it boskgebiet Birkhoven. It park hat in oerflakte fan sa'n 20 hektare.

Skiednis

Op 22 maaie 1948 rjochten de hearen Tertoolen en Knoester de bistetún op dy 't yn it begjin net folle mear wie as in bosk mei wat sânpaden en in pear bisteferbliuwen. Ynearsten wie it in lyts park mei in aap, in kraachbear, in kamiel en wat bernebuorkerijbisten. Yn de jierren dêrnei kamen de earste rôfbisten en yn 1956 de oaljefanten Indra en Rani.

Yn 1960 gie de lieding fan de bistetún oer yn de hannen fan de dochter fan ien fan de oprjochters Astrid Tertoolen en har man Henk Vis. Under harren lieding kamen ek de earste sjimpansees yn it park oan. Yn 1988 ûndergie it park in grutte útwreiding: de "Ark fan Amersfoart" waard iepene en it Savannegebiet waard oanlein.

Yn 1997 waard Erik van Vliet oanlutsen as bistetúnûntwerper. Yn in tiid dat Nederlânske bistetunen harren hieltyd mear fokuten op biotopen en in folwoeksenepublyk, gie DierenPark Amersfoort him mear rjochtsje op bern en gesinnen. Sa kaam der yn 2005 in doalhôf en twa jier letter in Dinobosk. In kuierpaad fan 700 meter liedt hjir lâns santich replika's fan dinosauriërs, wêrfan't de grutste 14 meter heech is. Yn novimber 2020 ûntsnapten der twa sjimpansees, de oarsaak bliek it net goed sluten fan it ferbliuw. De twa útnaaide apen oerlibben harren aventoer net.