De Speelman

Ut Wikipedy
Springe nei navigaasje Springe nei sykjen
De Speelman
Overzicht van de achterkant - Rotterdam - 20421221 - RCE.jpg
lokaasje
lân Flag of the Netherlands.svg Nederlân
provinsje Flag Zuid-Holland.svg Súd-Hollân
plak Flag of Rotterdam.svg Rotterdam
adres Overschiese Kleiweg 775
bysûnderheden
type bouwurk Nôtmûne
boujier 1971
monumintale status Monumentenbordje 2014.svg ryksmonumint
monumintnûmer 32928 [1]
webside Side fan de mûne

De Speelman (De Spylman) op de hoeke fan de Overschiese Kleiweg en de Oude Kleiweg is in stellingmûne yn de Rotterdamske dielgemeente Overschie. De hjoeddeiske mûne waard boud yn de jierren 1970-1971 en ferfong de mûne De Hoop, dy't yn de jierren 1960 ûnttakele waard om't dy mûne gefaar oplevere foar it ferkear op it fleanfjild Zestienhoven. Eigner is de feriening "De Hollandsche Molen" en op guon dagen is de mûne te besichtigjen (sjoch de side fan de mûne foar iepenstelling). De mûne meallet nôt mei frijwilligers.

Skiednis[bewurkje seksje | boarne bewurkje]

De mûne De Hoop waard yn 1712 as grûnsiler boud en ferfong in standertmûne, dy't al sûnt de 16e iuw op it plak stie. Yn 1809 waard de mûne ferhege en ferboud ta stellingmûne. Nei de bou fan in troch in steammasjine oandreaune meallerij rekke de mûne yn 1925 yn ûnbrûk.

Yn 1940 by de ynfal fan de Dútsers hiene de Dútske parasjutisten yn Overschie in ferdigeningspost. De mûne waard troch it Nederlânske leger brûkt om de omkriten te kontrolearjen. Om't de Nederlânske artillery miende dat der Dútske parasjutisten yn de mûne sieten, namen hja de mûne ûnder fjoer. Tsjinstplichtich sersjant A.J.F. de Bruijn wist mei gefaar foar eigen libben troch it eigen fjoer te kommen om syn mannen út de nuodlike sitewaasje te befrijen. Alhoewol't de mûne slim skansearre waard, sette de restauraasje al yn 1941 útein en yn de Twadde Wrâldkriich mealle de mûne weit.

Oan it begjin fan de jierren 1960 kaam de mûne yn rêst. Om't de mûne yn 't paad stie foar it fleanferkear fan fleanfjild Zestienhoven waard de mûne ôfbrutsen. In aksjekomitee soarge der foar de mûne yn 1941 op in oar plak wer opboud wurde koe. De mûne krige dêrby de nije namme De Speelman, om't de famylje Speelman jierren op de mûne past hie en him sa ynset hie ta behâld fan de mûne.

Doe't De Speelman boud waard like it dien mei De Hoop, mar in nije eigner fan de grûn naam yn 2006 it beslút om de romp fan de De Hoop te renovearjen en as kantoar te brûken. Yn 2009 waard de ferbouwing foltôge.

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: