De Kraai (mole)

Ut Wikipedy
Springe nei navigaasje Springe nei sykjen
De Kraai
De Kraai

De Kraai is in nôtmole yn Westbroek yn de provinsje Utert.

De mole waard yn 1880 boud. Dat as ferfanging fan in wipnôtmole. Dy wipmole wie eigendom fan de famylje Schuurman sûnt 1877. By de bou fan de mole waard gebrûk makke fan in mole út 1839 út Amsterdam. Yn 1958 krige by in grutte restauraasje de mole selsswichting en waard geskikt makke foar elektrisiteitsopwekking. Dêrtroch is it oarspronklike gongwurk fan de mole foar it grutstepart ferlern gien. Botte súksesfol wie it systeem net en de mole kaam dan ek stil te stean. Yn 1995 waard it wjukekrús yn âlde steat werombrocht nei it âldhollânsk systeem mei seilen en kaam de mole wer sa no en dan op frijwillige basis yn bedriuw. Sûnt ± 2004 stiet de mole troch efterstallich ûnderhâld stil. Ein juny 2008 waard bekend dat de mole in subsydzje krijt om restaurearre te wurden. Mids 2011 waard mei de restauraasje út ein set. Op 25 juny 2012 wie it proefmeallen.