De Hoop (Stiens)

	De Hoop
	mûne / mole
	De mûne yn 2018
	lokaasje
lân	Nederlân
provinsje	Fryslân
gemeente	Ljouwert
plak	Stiens
koördinaten	53° 15' N 5° 45' E
	bysûnderheden
type mûne	stellingmûne
funksje	nôtmûne
flecht	24,55 meter
boujier	1853, 1992
	Webside
	Side De Hoop
	Kaart
	;

De Hoop is in stellingmûne yn Stiens en waard boud yn 1853. It is in houten achtkante mei stiennen ûnderbou. De mole wurdt brûkt as nôtmûne en hat twa koppel mealstiennen.

Beskriuwing

Yn 1922 waard de út 1853 stammende mûne oant de stiennen ûnderbou ôfbrutsen. Dat bleau sa oant 1977, doe't it plan útfierd waard om de mûne te restaurearjen en werom te bringen yn de oarspronklike steat. De foltôging dêrfan fûn plak yn 1979. De mûne stie wer folslein yn it wurk en wurke foar de "Echte Bakkers" yn Fryslân. Op de nijjiersmoarn fan 1 jannewaris 1992 rekke in fjoerpylk it reiten tek fan de mûne, dy't it bouwurk yn 'e lôge sette. De mûne baarnde oant op de stiennen ûnderbou folslein ôf en waard noch yn itselde jier wer opboud. ^[1] Frijwilligers litte de mûne hast alle sneonen wurkje.

Yn it ramt fan de weryndieling waard de nôtmûne yn 2017 troch de gemeente Ljouwerteradiel oerdroegen oan de gemeente Ljouwert.^[2] De mûne is in gemeentlik monumint.

Boppe de tagongsdoar hinget in ôfbyld fan it Ambachtlik Nôtmûnders Gild.

Technyske ynformaasje

De binnenroede fan it wjukkenkrús hat Van Bussel-noazen mei Ten Havekleppen en de bûtenroede hat it Fauëlsysteem mei remkleppen. De mûne hat in neutenkruiwurk mei 16 neuten, dat betsjinne wurdt mei in kruilier mei rûngeand keatling.