Daniël Knuttel

Daniël Knuttel
persoanlike bysûnderheden
nasjonaliteit	Nederlânsk
berne	12 maart 1857
stoarn	19 novimber 1926
wurkpaad
berop/amt	Arsjitekt
aktyf as	Ryksboumaster

Daniël Eduard Cornelis Knuttel (Maassluis, 12 maart 1857 – De Haach, 19 novimber 1926) wie in Nederlânske arsjitekt en grafysk ûntwerper.

Hy waard yn 1892 as nije ryksboumaster oansteld en as behearder fan de Haachske Lânsgebouwen, dêr 't er ryksboumaster J.P.E. Hoeufft mei opfolge. Hy waard oplaat oan de Polytechnyske skoalle yn Delft en wie in kundich arsjitekt en manager. Knuttel ûntwurp in soad oerheidsgebouwen, foaral om de iuwwiksel hinne. In skoftlang wie er gemeente-arsjitekt fan Leiden. Syn soan is de Deventer arsjitekt W.P.C. Knuttel dy't dêr it saneamde Knutteldoarp boude.

Njonken arsjitekt wie Knuttel ek grafysk ûntwerper. Hy wie de ûntwerper fan de postsegelsearje "Wilhelmina Bontkraag", dy't fan 1899 ôf útjûn waard.

Wurk

In kar:

• 
  Stedsgehoarseal Leien, 1890-1891
• 
  Argyfgebou gemeente-argyf Leien, 1891-1893
• 
  Earder postkantoar yn Heusden, 1893
• 
  Rykspostsparbank, Amsterdam, 1899-1901
• 
  Stasjon Roosendaal, 1905
• 
  Ministearje fan Ekonomyske Saken, De Haach, 1913
• 
  Kantoar Postsjek- en Girotsjinst, De Haach, 1919
• 
  Wilhelmina Bontkraag (1899)

Sjoch ek

• List fan Nederlânske arsjitekten

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Daniël Knuttel fan Wikimedia Commons.

Boarnen, noaten en referinsjes

Boarnen, noaten en/as referinsjes:

De Rijksbouwmeesters, Utjouwerij 010, 1995; ûnder oare s. 187 en 271. Van Handelskade tot Pothoofd, 2000, H.J. van Baalen en H.J.M. Oltheten.