Corb!no
| Corb!no | ||
 keunstner
| ||
| ||
| Selsportret Corb!no, 2001 | ||
| persoanlike bysûnderheden | ||
| echte namme | Cornelis Maarten Corbijn van Willenswaard | |
| nasjonaliteit | Nederlân | |
| berne | 1959 | |
| berteplak | Strijen | |
| wurkpaad | ||
| wurksum as | Fotograaf, fideofilmmakker, skriuwer | |
| perioade | oant no | |
| offisjele webside | ||
| Corb!no op Instagram NKD-profyl | ||
Corb!no is de skûlnamme fan Maarten Corbijn (Strijen, 1959, berne as Cornelis Maarten Corbijn van Willenswaard), in Nederlânsk fotograaf.
Hy is bekend fan syn portretten, dy't ûnder oaren brûkt waarden foar reklamekampanjes, magazine-covers en albumhoezen. Teffens is er filmmakker en skriuwer; hy makke ûnder mear muzykfideo's foar ferneamde Nederlânske artysten lykas Krezip, Rob de Nijs en VanVelzen.
Biografy[bewurkje seksje | boarne bewurkje]
Maarten Corbijn sette út ein mei fotografearjen yn de iere jierren tachtich. Yn it earstoan brûkte er de namme Kooos, en letter Laboratori! Kooos, om lang om let Corb!no te hantearjen. Hy hat yn syn karriêre in protte (ynter)nasjonale ferneamde lju foar syn lins hân, sakeminsken, politisy en oaren.
Yn 2009 krige Corbijn in rubryk yn it tydskrift HP/De Tijd mei de namme CORBINO – Wekelijkse beeldschets; it soene totaal 130 ôfleverings wurde. Hy krige per edysje twa siden ta foldwaan om yn byld en wurd in portret te sketsen. Under oaren Martin Bril, Eddy Posthuma de Boer, Erwin Olaf en Maarten syn broer Anton Corbijn waarden dêr behannele.[1]
Njonken portretfotograaf is Maarten ek makker fan muzykfideo's en reklamefilmkes. Yn de rin fan de jierren hat er fideoklips levere foar BLØF, Skik, My Velma, Lavinia Meijer, Ilse de Lange, Nurlaila Karim, Frédérique Spigt, A Balladeer, Krezip, Rob de Nijs, VanVelzen en Frank Boeijen.
Hy skreau wurk yn HP/De Tijd as ûnderdiel fan syn portretrige en VolZin, wêr't er yn ferhelle oer syn jonkheid as soan fan in dûmny.[2]
Publikaasjes (karút)[bewurkje seksje | boarne bewurkje]
- Toeval Bestaat Niet, tekst Martin Bril, Utjouwerij Bert Bakker, 1988. ISBN 9035106504
- Corb!no, kompilaasje Jan Eilander, Duo/Duo, 1994. ISBN 9072971205
- Kop van Zuid, tekst Jan Oudenaarden, Duo/Duo, 2000. ISBN 907297137X / ISBN 9789072971371
- Days At The Parade, tekst Wim van Sinderen, Veenman Publishers, 2006. ISBN 9789086900091
- C'est a Light of Love, tekst Corbino, HUPgallery, 2007.
- Amsterdam Bevalt!, tekst Pim Cluistra/Martijn Jas, Utjouwerij Kapstok, 2008. ISBN 9789077325148
- Haarlem Bevalt!, tekst Martijn Jas, Utjouwerij Kapstok, 2010. ISBN 9789077325230
- Onzichtbaar, tekst Ype Brada/Corbino/Lotte Wijnja, Eb en Vloed, 2010. ISBN 9789081606011
- Den Haag Bevalt!, tekst Martijn Jas, Utjouwerij Kapstok, 2013. ISBN 9789077325186
- Groningen Bevalt!, tekst Martijn Jas, Utjouwerij Kapstok, 2016. ISBN 9789077325193
| Boarnen, noaten en/as referinsjes: |