Cas Enklaar

Cas Enklaar
akteur
persoanlike bysûnderheden
echte namme	Casper Willem Enklaar
nasjonaliteit	Nederlânsk
berne	22 april 1943
berteplak	De Helder
stoarn	20 july 2022
stjerplak	Amsterdam
jierren aktyf	1970-2022

Casper Willem (Cas) Enklaar (De Helder, 22 april 1943 – Amsterdam, 20 july 2022) wie in Nederlânsk akteur.

Karriêre

Enklaar folge de Amsterdamske Toanielskoalle, dêr't er yn 1968 ôfstudearre. Dêrnei begûn er by Toanielgroep Centrum. Yn 1970 wie er belutsen by de oprjochting fan Het Werkteater, en bleau dêrfoar wurkjen oant hy it yn 1985 ferwiksele foar Toneelgroep Baal. Letter stapte er oer nei Toneelgroep Amsterdam.

Enklaar makke ek diel út fan de fêste ploech fan regisseur Theo van Gogh, en spile ûnder oare yn Een dagje naar het strand, Terug naar Oegstgeest, Loos, Vals licht, Medea, Baby Blue en In het belang van de staat. Dêrneist spile er yn bekende films fan oare regisseurs, lykas De bunker, Flodder, Lang Leve de Koningin, Abeltje, Oorlogsrust, Het woeden der hele wereld, De vliegende Hollander en Masterclass.

Enklaar spile faak yn it teater, ûnder mear yn Uit liefde en Wilhelmina, Je maintiendrai. As lêste binne der noch de nedige tv-programma's, lykas Loenatik, Pleidooi, Koefnoen en De dikke man.

Enklaar ferstoar op 20 july 2022, yn 'e aldens fan 79 jier oan de gefolgen fan sloktermkanker

Filmografy

Filmografy as akteur
jier	titel	rol of funksje	opmerkings
Film
1984	Een dagje naar het strand	Bernard
1986	Flodder	Eksintrike buorman	Enklaar wie de buorman dy 't Henkie betrape by syn ynbraak om't er piano spile.
1987	Terug naar Oegstgeest	âlde Jan
1989	Loos	De Vries
1992	De Bunker	Van Zalingen
1993	Vals licht	de heit fan Simon
1995	Lang leve de Koningin	Witte Loper
1995	De Vliegende Hollander	Opkeaper
1998	Abeltje	húsfeint
2001	Baby Blue	Coroner
2004	Erik of het klein insectenboek	deagraver 2
2005	Masterclass	acteur 1
2005	Medea	Middelink
2006	Het woeden der gehele wereld	Dokter Gobert