Brittania (Harns)
It eardere pakhús Brittania oan de Noarderhaven 39 is in monumintaal pân yn Harns
It hoekpân mei sealdak komt út de 17e iuw, mar is om 1800 hinne feroare. De grutte doarren yn de foargevel wize op it brûken fan it pân as pakhús. Ek de hysbalke boppe it spangevel wiist op de oarspronklike funksje as pakhús.
Yn de foargevel én yn de sydgevel oan de Sjippesiedersstrjitte sitte muorre-ankers. Yn de sydgevel sitte meardere nisfoarmige iepeningen mei traaljewurk en ôfsluten troch finsters.
De namme Brittania sie wize op de ôfkomst fan it guod dat yn it pakhús opslein waard. De namme Brittania as oantsjutting fan it pakhús wurdt yn 1885 by de ferkeap fan in lading beskeadige garst en hjouwer brûkt.[1] Ek yn 1901 wurdt by de ferkeap fan it pakhús de namme Brittania brûkt.[2] Dêrfoar stie it pakhús yn de 19e iuw bekend ûnder de namme Macedoniën (ek Macedoni).[3] It pân is erkend as ryksmonumint.
| Boarnen, noaten en/as referinsjes: |
|
